God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s1">10:1-25 Iesu Na Unda Ambo Nimbi 12 Gategea, Minono Rari-Du Ninenguturia Re.</div><div class="r">(Mak 3:13-19; 6:7-13; 13:9-13; Luk 6:12-16; 9:1-6; 21:12-17)</div><div class="p"> 1Iesu unda ambo nimbi 12 aghi urieta, undava fufuguturieta, taimu akokogo tuvari-du, kot&#250; kae dibe eini be eini bubugea irari enembo nanjogo ata jejebugari-du rea, n&#250;mandu ano ututurie. 2Avore, Iesu da aghi kakato 12 da ragaro mane, an&#225; evere: tutunova an&#225; Andru unda kaka Saimon gha re. (Saimon da ragaro eini Pita reta rosore.) Sebedi da mendi Jems unda ikoko Jon gha re. 3Dumeni an&#225; Filip ung&#225; Bartolomyu gha, Tomas kot&#250; Matyu takesi bari kato einigha re. Alfius da mendi Jems ung&#225; Tadius gha re. 4Saimon da akau unda ragaro eini &#8220;Tuvari kato&#8221; re.#10:4 Ii, gaga Eka 1:13 anada tuva gaga tuvari katodu daiyagha gembari vitia-nu irugadi reisi-rere! Kot&#250; Keriot emb&#243; ragaro Judas, Iesu bua gitofoda ingova ututuria, um&#243; re.</div><div class="p"> 5Iesu unda ambo nimbi bee dano 12 nu ninenguturota, unda ngha&#297; itari gaga egh&#225; ririe, &#8220;Mania namonde anda gitofodava igigata! Kot&#250; Samaria enemboda bogu naava mania igigata! 6N&#237;mane namonde anda natofo Israel enembo dumeni, emboro taubana kasovigea vitia-dava igige! 7#Luk 10:4-12Igige, naa maneva de&#297; urota, minono egh&#225; regegadi, &#8216;God unda natofo* kaifa aita rouvia fefera etia utuvako etue.&#8217; 8Agh&#225; urota, kae bua vitia enembo egege, jejebugoe! Amburari enembo egege, jebugea eroe! Enembo tamo betomi gigimbea vitia-nu egege, an&#225; beto sidara ae! Kot&#250; taimu akokogo mane tuve, bububugoe! En&#225; ano andava tefo bubugetoravore, amindu mino tefo enembo sonembadi rere. 9-10#1 Ko 9:14; 1 Ti 5:18At&#225;, n&#237;mane igiguturota mo, guri dibe eini be eini goldi mi ari, o siliva mi ari o kofa mi ari manenu mania n&#237;manda abagu dighari siriva fendia bua igigata! Kot&#250; etotade, dighari ombari eini kasavade, eka vuside, besiade dano mania bua igigata! Anada bee mo, buro katoda undari enembo sonembaita rouvia-mi sonembasueta sirorasua, an&#225; taubana re.</div><div class="p"> 11At&#225;, n&#237;mane naa eini o bogu naa niavo bububugadora mo, avona nemonde iraita uno adua emb&#243;nu tava ea, unda kambova irirota, buro egege, sidara adua aghade, bubua igige! 12At&#225;, n&#237;mane ya kambo niavo teterugadora mo, &#8216;Siriri ari nemonde danode iroe!&#8217; regege! 13Agh&#225; benunu egege-gea, an&#225; kambova enembo n&#237;mane gangorogha bua kaifa aita regegadua mo, Afada siriri ari do-gea, numonde danode iririgoe! At&#225;, n&#237;mane jo gangorogha bua kaifa ambi egegadua mo, do-gea, Afada siriri ari benunu egegadora-nu, regege, rekago n&#237;mandava kaverea furoe! 14#Eka 13:51At&#225;, enembo avona n&#237;mandu uno ambi ea, kot&#250; n&#237;manda gaga ningari injigha egegadua mo, anada kambo o bogu naa doa seriguturota, n&#237;manda eka ghangadanu avo dodovirea doa igige! 15#Mat 11:24; Gen 19:24-28N&#237;mandu gaa bee rere. Irurarida Feferava, Sodom enembo kot&#250; Gomora enembo bouvu baita rousue-tago, an&#225; naava enembo bouvu jojago bee bubugaita rousue. 16#Luk 10:3Am&#243; n&#237;mane, eto-bato sifi nino akokoda rorova irita rouvia, aghagonu enembo akokogoda rorova rei-ninengutore. Amindu, n&#237;mane nundubea gia gogh&#243; urota, igige! Kot&#250;, n&#237;manda yavi an&#225; dii ragaro ukuda yavigo urota, mania mema enembo einidava ututugata! 17#Mak 13:9-11; Luk 12:11-12; 21:12-15Kot&#250;, n&#237;mane an&#225; enembode reta kaifa gogh&#243; urota, igige! Anada bee mo, n&#237;mane nandia, n&#250;manda ngha&#297; itari kambova* avo n&#237;mane fisurea bua, kanisera* maneda ingova utota, koto egegaita rousue. 18Aghade, n&#237;mane itota, gavanada babarigarida dibeva, kot&#250; kini maneda dibeva jiria, anda ragarova isaghava regegota, n&#250;mane Jiusi enemboda gitofode dano anda Gaga Taubana niningigaita rousue. 19Koto feferava donu rasira, kot&#250; daiyagha rasira-du mania oru urota, mana-mana egegata! Asisi Kakarami iruguturota, n&#237;mane gaga regegaita rosoravore. 20Jo n&#237;mane nenukako regegambi aita rosoravore. N&#237;manda Afada Asisimi ano ututurota, n&#237;manda bemi gaga raita rouvie.</div><div class="p"> 21 # 
 Mak 13:12; Luk 21:16 Aghade, n&#237;mane am&#243; gaabee egegeta rosora-du, enembo oruabe n&#237;mane injigha egegaita rousue. An&#225; rifo furadua mo, enembo erea, n&#250;manda ikoko kaka, nanandigea ututugota-gea, data ambubugaita rousue. Enembo n&#250;manda sasingu nanandigea ututugota-gea, data ambubugaita rousue. Kot&#250; sasingu beago erea, nue numamo mane nanandigea ututugota-gea, data ambubugaita rousue. At&#225; avona ano ea, enembodu oru ambi am&#243; gaa bee urota amburadua mo, jebuga tumanadu irari tambua baita rouvie. 22#Mat 24:9; Mak 13:13; Luk 21:17; Mat 24:13; Mak 13:13Agh&#225; urota, am&#243; gaabee rosora-du, enembo dano n&#237;mane injigha egegaita rousue. Tago, avona ano ea, unda gaabee ari am&#243; kena jo doambi aita rouvia, um&#243; fefera ambova jebugaita rouvie. 23Aghade, n&#237;manda vitera bogu naa vareta dea tuvadua mo, doa ere ii, bogu naa einiva iririgadi! Am&#243; n&#237;mandu gaa bee rere. N&#237;mane Israel frovensida bogu naa ijoijokokova jo biruru ea sidara ambi irota-gea, Enemboda Jojabee* kaverea fur&#225; bubaita rouvie.</div><div class="p"> 24 # 
 Luk 6:40; 
 Jon 13:16; 15:20 Namonde tanana rosore, sikuru mendi jo bing&#225;de irambi re. Tago irugari kato an&#225; bing&#225;de re. Dabako aghago sabua* emb&#243; jo bing&#225;de irambi re. Tago unda barirari an&#225; bing&#225;de re. 25#Mat 9:34; 12:24; Mak 3:22; Luk 11:15Amindu eini-eini donu irugari katodava siroradua, aghagonu an&#225; sikuru mendidava siroradua, an&#225; mendi gangoro asue. Dabako aghago eini-eini donu unda bariraridava siroradua aghagonu an&#225; sabuadava siroradua, an&#225; sabua emb&#243; gangoro asue. Agh&#225;-gea, and&#250; tauga kavavana rirota &#8216;Belsebul&#8217; regegeta rousua aghagonu, n&#237;mandu agh&#225; regegaita rousue, kot&#250; anada itiva gaga akokogo dumeni n&#237;manda tamova regegaita rousue.</div><div class="s1">10:26-31 Jo Emb&#243; Einimi Namonde Anda Asisi Rata, Amburambi Aita Rouvie, Amindu God Unuka Und&#250; Oru Aita Rosore.</div><div class="r">(Luk 12:2-7)</div><div class="p"> 26 # 
 Mak 4:22; Luk 8:17 Avore, mania enembodu oru egegata! Eini-eini nanjogo nungariva vitia, an&#225; dano bubua, isagha aita rouvie. Kot&#250; kivu gaga nanjogo ambova enembo dano niningigaita rousue. 27Am&#243; nenuka n&#237;mandu donu rera gaganu, isaghava regege! Kot&#250; n&#237;manda ngha&#297;mi dumumutami niningigadora-nu bua kaunava jiria, minono regege!#10:27 Tamo saghaideda gaami jo kaunadu rambi re. Fou reirie. Anada bee mo, Jiusi enembo n&#250;manda kambo singoimi ititigeta uria-da fou vivisigariva jiria minono regegeta egeguturie. 28At&#225;, inda tamo nuenembo data amburari inono ea vitia enembodu, mania oru egegata! Tago, God tamode asiside data amburari inono vitia-nu, kot&#250; im&#243; ivari tumanadu reivia-va itari inono vitia-nu, unuka und&#250; oru egege! 29At&#225;, dii buririka nundubadi rere. Guri utua baita rasira mo, toea ingo yoveni aghago utua buririka ungagha dano basiravore. Tago, buririka eini jo tefo jurambi aita adua. Afada unomi ambuta rouvie. Avore, God um&#243; an&#225; buririka neno rururota, n&#250;mane dano irugari vitie. Tago, unda neno bari n&#250;mandava ijoko re. Unda neno bari namonde andava an&#225; jojabe re. 30-31Kot&#250; namonde anda fouma beago, dano irugari vitie. Amindu n&#237;mane God gaabee ari enembodu rere. Mania amburari-du oru egegata!</div><div class="s1">10:32-33 Keriso Da Ambo-Ambo Egegadora, A&#297;, Um&#243; Kivu Egegadora?</div><div class="r">(Luk 12:8-9)</div><div class="p"> 32At&#225;, enembo avona am&#243; gaabee urota, natofo jededa dibeva unda gaabee arinu ivatava itadua, am&#243; beago um&#243; anda Afa uutuva vitia-da dibeva um&#243; anda ikoko gaa raita rore. 33#2 Ti 2:12Tago, um&#243; avona enemboda dibeva am&#243; kivu adua, am&#243; beago uutuva anda Afada dibeva um&#243;, an&#225; kivu aita rore.</div><div class="s1">10:34-39 Enembo Dumenidava, Iesu Gaabee Egegadua Feferava, Besiga Kot&#250; Orogo-Orogo Siroreta Rouvie.</div><div class="r">(Luk 12:51-53; 14:26-27)</div><div class="p"> 34Am&#243; endava siriri ari bua furarinu mania nundubata! Am&#243; jo siriri ari bua furambi re. Am&#243; mene-menenu bua futare. 35#Mic 7:6Anona ata, mendi um&#243; erea, numamogha gitofo urota, ariri um&#243; nuegha gitofo urota, mendiyae erea, nuaviagha gitofo egegaita rousue. 36Aghade, inda gitofo akuago bee inda enembo tofo beeda rova siroraita rousue.</div><div class="p"> 37Enembo avodava neno bari nue numamodava jojabe ata, andava ijoko adua, n&#250;mane jo anda tofo ari inono irambi re. Aghagonu, enembo avodava neno bari unda mendi o ariridava jojabe urota, andava ijoko adua, n&#250;mane beago, jo anda tofo ari inono irambi re. 38#Mat 16:24; Mak 8:34; Luk 9:23Kot&#250; enembo avona, jo n&#250;manda ifatara fumbua, anda ambo-ambo urota amburaita simbugadua, um&#243; jo anda tofo ari inono irambi re. 39#Mat 16:25; Mak 8:35; Luk 9:24; 17:33; Jon 12:25Anada bee mo, n&#250;manda jebuga taubana endava vitia-nu nundubeta rousua enembomi, ambova jebuga jo tambambi egegaita rousue. At&#225;, and&#250; rea, n&#250;manda jebuga kasovigadua enembo, ambova n&#250;mane jebuga tumanadu irarinu bubugaita rousue.</div><div class="s1">10:40-42 Iesu Da Buro Kakatodu Ghaito Teno Fugadora-da Enembomi Ambova Mino Taubana Baita Rousue.</div><div class="r">(Mak 9:41)</div><div class="p"> 40 # 
 Luk 10:16; Jon 13:20; 
 Mak 9:37; Luk 9:48 Um&#243; avona n&#237;mandu orokaiva rea, ghaito teno fugadua, and&#250; beago aghagonu aita rouvie. Kot&#250; um&#243; avona and&#250; orokaiva rirota, ghaito teno fugadua, um&#243; agh&#225; urota, God Afa am&#243; ninenguturieta furera-du beago, aghagonu aita rouvie. 41Aghago, um&#243; avona feroveta eini gia, God da aghi aita reifia-nu nundubuturota, orokaiva rirota, ghaito teno fugadua, um&#243; agh&#225; adua-da minonu baita rouvie. Kot&#250; um&#243; avona emb&#243; taubanadu orokaiva rirota, ghaito teno fugadua, um&#243; agh&#225; adua-da mino baita rouvie. 42Kot&#250; am&#243; n&#237;mandu gaa bee rere. Um&#243; avona anda emb&#243; bing&#225; tefo eini gia, &#8216;Am&#243; Iesu da ambo nimbi eini sonembaitare.&#8217; rirota, uvu yaura aagha eini rurukea utadua, um&#243; agh&#225; aita rouvia-da mino jo serigambi baita rouvie.&#8221;</div>
 </div>
 </div>
</div>

Iesu unda ambo nimbi 12 aghi urieta, undava fufuguturieta, taimu akokogo tuvari-du, kotú kae dibe eini be eini bubugea irari enembo nanjogo ata jejebugari-du rea, númandu ano ututurie. Avore, Iesu da aghi kakato 12 da ragaro mane, aná evere: tutunova aná Andru unda kaka Saimon gha re. (Saimon da ragaro eini Pita reta rosore.) Sebedi da mendi Jems unda ikoko Jon gha re. Dumeni aná Filip ungá Bartolomyu gha, Tomas kotú Matyu takesi bari kato einigha re. Alfius da mendi Jems ungá Tadius gha re. Saimon da akau unda ragaro eini “Tuvari kato” re. Kotú Keriot embó ragaro Judas, Iesu bua gitofoda ingova ututuria, umó re.
Iesu unda ambo nimbi bee dano 12 nu ninenguturota, unda nghaĩ itari gaga eghá ririe, “Mania namonde anda gitofodava igigata! Kotú Samaria enemboda bogu naava mania igigata! Nímane namonde anda natofo Israel enembo dumeni, emboro taubana kasovigea vitia-dava igige! Igige, naa maneva deĩ urota, minono eghá regegadi, ‘God unda natofo* kaifa aita rouvia fefera etia utuvako etue.’ Aghá urota, kae bua vitia enembo egege, jejebugoe! Amburari enembo egege, jebugea eroe! Enembo tamo betomi gigimbea vitia-nu egege, aná beto sidara ae! Kotú taimu akokogo mane tuve, bububugoe! Ená ano andava tefo bubugetoravore, amindu mino tefo enembo sonembadi rere. Atá, nímane igiguturota mo, guri dibe eini be eini goldi mi ari, o siliva mi ari o kofa mi ari manenu mania nímanda abagu dighari siriva fendia bua igigata! Kotú etotade, dighari ombari eini kasavade, eka vuside, besiade dano mania bua igigata! Anada bee mo, buro katoda undari enembo sonembaita rouvia-mi sonembasueta sirorasua, aná taubana re.
Atá, nímane naa eini o bogu naa niavo bububugadora mo, avona nemonde iraita uno adua embónu tava ea, unda kambova irirota, buro egege, sidara adua aghade, bubua igige! Atá, nímane ya kambo niavo teterugadora mo, ‘Siriri ari nemonde danode iroe!’ regege! Aghá benunu egege-gea, aná kambova enembo nímane gangorogha bua kaifa aita regegadua mo, Afada siriri ari do-gea, numonde danode iririgoe! Atá, nímane jo gangorogha bua kaifa ambi egegadua mo, do-gea, Afada siriri ari benunu egegadora-nu, regege, rekago nímandava kaverea furoe! Atá, enembo avona nímandu uno ambi ea, kotú nímanda gaga ningari injigha egegadua mo, anada kambo o bogu naa doa seriguturota, nímanda eka ghangadanu avo dodovirea doa igige! Nímandu gaa bee rere. Irurarida Feferava, Sodom enembo kotú Gomora enembo bouvu baita rousue-tago, aná naava enembo bouvu jojago bee bubugaita rousue. Amó nímane, eto-bato sifi nino akokoda rorova irita rouvia, aghagonu enembo akokogoda rorova rei-ninengutore. Amindu, nímane nundubea gia goghó urota, igige! Kotú, nímanda yavi aná dii ragaro ukuda yavigo urota, mania mema enembo einidava ututugata! Kotú, nímane aná enembode reta kaifa goghó urota, igige! Anada bee mo, nímane nandia, númanda nghaĩ itari kambova* avo nímane fisurea bua, kanisera* maneda ingova utota, koto egegaita rousue. Aghade, nímane itota, gavanada babarigarida dibeva, kotú kini maneda dibeva jiria, anda ragarova isaghava regegota, númane Jiusi enemboda gitofode dano anda Gaga Taubana niningigaita rousue. Koto feferava donu rasira, kotú daiyagha rasira-du mania oru urota, mana-mana egegata! Asisi Kakarami iruguturota, nímane gaga regegaita rosoravore. Jo nímane nenukako regegambi aita rosoravore. Nímanda Afada Asisimi ano ututurota, nímanda bemi gaga raita rouvie.
Aghade, nímane amó gaabee egegeta rosora-du, enembo oruabe nímane injigha egegaita rousue. Aná rifo furadua mo, enembo erea, númanda ikoko kaka, nanandigea ututugota-gea, data ambubugaita rousue. Enembo númanda sasingu nanandigea ututugota-gea, data ambubugaita rousue. Kotú sasingu beago erea, nue numamo mane nanandigea ututugota-gea, data ambubugaita rousue. Atá avona ano ea, enembodu oru ambi amó gaa bee urota amburadua mo, jebuga tumanadu irari tambua baita rouvie. Aghá urota, amó gaabee rosora-du, enembo dano nímane injigha egegaita rousue. Tago, avona ano ea, unda gaabee ari amó kena jo doambi aita rouvia, umó fefera ambova jebugaita rouvie. Aghade, nímanda vitera bogu naa vareta dea tuvadua mo, doa ere ii, bogu naa einiva iririgadi! Amó nímandu gaa bee rere. Nímane Israel frovensida bogu naa ijoijokokova jo biruru ea sidara ambi irota-gea, Enemboda Jojabee* kaverea furá bubaita rouvie.
Namonde tanana rosore, sikuru mendi jo bingáde irambi re. Tago irugari kato aná bingáde re. Dabako aghago sabua* embó jo bingáde irambi re. Tago unda barirari aná bingáde re. Amindu eini-eini donu irugari katodava siroradua, aghagonu aná sikuru mendidava siroradua, aná mendi gangoro asue. Dabako aghago eini-eini donu unda bariraridava siroradua aghagonu aná sabuadava siroradua, aná sabua embó gangoro asue. Aghá-gea, andú tauga kavavana rirota ‘Belsebul’ regegeta rousua aghagonu, nímandu aghá regegaita rousue, kotú anada itiva gaga akokogo dumeni nímanda tamova regegaita rousue.


Avore, mania enembodu oru egegata! Eini-eini nanjogo nungariva vitia, aná dano bubua, isagha aita rouvie. Kotú kivu gaga nanjogo ambova enembo dano niningigaita rousue. Amó nenuka nímandu donu rera gaganu, isaghava regege! Kotú nímanda nghaĩmi dumumutami niningigadora-nu bua kaunava jiria, minono regege! Atá, inda tamo nuenembo data amburari inono ea vitia enembodu, mania oru egegata! Tago, God tamode asiside data amburari inono vitia-nu, kotú imó ivari tumanadu reivia-va itari inono vitia-nu, unuka undú oru egege! Atá, dii buririka nundubadi rere. Guri utua baita rasira mo, toea ingo yoveni aghago utua buririka ungagha dano basiravore. Tago, buririka eini jo tefo jurambi aita adua. Afada unomi ambuta rouvie. Avore, God umó aná buririka neno rururota, númane dano irugari vitie. Tago, unda neno bari númandava ijoko re. Unda neno bari namonde andava aná jojabe re. Kotú namonde anda fouma beago, dano irugari vitie. Amindu nímane God gaabee ari enembodu rere. Mania amburari-du oru egegata!


Atá, enembo avona amó gaabee urota, natofo jededa dibeva unda gaabee arinu ivatava itadua, amó beago umó anda Afa uutuva vitia-da dibeva umó anda ikoko gaa raita rore. Tago, umó avona enemboda dibeva amó kivu adua, amó beago uutuva anda Afada dibeva umó, aná kivu aita rore.


Amó endava siriri ari bua furarinu mania nundubata! Amó jo siriri ari bua furambi re. Amó mene-menenu bua futare. Anona ata, mendi umó erea, numamogha gitofo urota, ariri umó nuegha gitofo urota, mendiyae erea, nuaviagha gitofo egegaita rousue. Aghade, inda gitofo akuago bee inda enembo tofo beeda rova siroraita rousue.
Enembo avodava neno bari nue numamodava jojabe ata, andava ijoko adua, númane jo anda tofo ari inono irambi re. Aghagonu, enembo avodava neno bari unda mendi o ariridava jojabe urota, andava ijoko adua, númane beago, jo anda tofo ari inono irambi re. Kotú enembo avona, jo númanda ifatara fumbua, anda ambo-ambo urota amburaita simbugadua, umó jo anda tofo ari inono irambi re. Anada bee mo, númanda jebuga taubana endava vitia-nu nundubeta rousua enembomi, ambova jebuga jo tambambi egegaita rousue. Atá, andú rea, númanda jebuga kasovigadua enembo, ambova númane jebuga tumanadu irarinu bubugaita rousue.


Umó avona nímandu orokaiva rea, ghaito teno fugadua, andú beago aghagonu aita rouvie. Kotú umó avona andú orokaiva rirota, ghaito teno fugadua, umó aghá urota, God Afa amó ninenguturieta furera-du beago, aghagonu aita rouvie. Aghago, umó avona feroveta eini gia, God da aghi aita reifia-nu nundubuturota, orokaiva rirota, ghaito teno fugadua, umó aghá adua-da minonu baita rouvie. Kotú umó avona embó taubanadu orokaiva rirota, ghaito teno fugadua, umó aghá adua-da mino baita rouvie. Kotú amó nímandu gaa bee rere. Umó avona anda embó bingá tefo eini gia, ‘Amó Iesu da ambo nimbi eini sonembaitare.’ rirota, uvu yaura aagha eini rurukea utadua, umó aghá aita rouvia-da mino jo serigambi baita rouvie.”

Dinleyin Matyu 10