If you have would like a copy of this version please contact info@davaraudiobibles.org

Inner Seraji New Testament, CC-BY-SA-4.0, The Love Fellowship (Text). Inner Seraji New Testament Audio Bible, CC-BY-SA-4.0, Davar Partners International, The Love Fellowship, 2022 (Audio).

Inner Seraji New Testament

Inner Seraji 2017 BI (NT) NonDrama

Inner Seraji 2017 BI (NT) Drama

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

सह कासु जागा प्रार्थना करदअ लगदअ थी, जेबा तेऊये प्रार्थना करी मुकी, तेबा एकी चेले बोलू हे परमेश्वर, जेडी यूहन्ना आपणे चेले वै प्रार्थना करनी सिखाई तेहडी तूह हामावै भी सीखा। यीशु तेऊवै बोलू, जेबा तमे प्रार्थना करले तेवरे बोले, हे माहरे बापू तूह जोह स्वर्गे साहा, तेरा ना सभी का पवित्र मने। तेरा राज्य इच्छे। महारी धियाडी भरी री रोटी आज हामा वै दे। होर माहरे पापा क्षमा कर, किबेकि हामा भी आपणे हर एकी अपराधी वै क्षमा करा होर हामा परीक्षा में नांई आणे।


तेबा तेऊये तेऊबै बोलू, तमा में कुण साहा, की तेऊरअ एक दोस्त साहा, होर सह आधी राची तेऊ सेटा नांही करे बोला, हे दोस्त माह वै चीण रोटी दे। किबेकि एक दोस्त महा सेटा आऊअ, महा सेटा तेऊवै खाणे पीणे वै किछे नांई रहू। होर सह दोस्त मीतरा का उतर दिंदा, महाबे दुःख नांई दे, एवा दुआर बंद साहा, होर मेरअ शोहरू महा सेटा सुतदअ साहा, तेबा हाऊं उठी करे तावै किछे नांई देई सका दअ? हाऊ तमावै बोला की, अगर सह दोस्त होई करे भी तेऊवै उठी करे किछे ना दे, तेबा तेऊरी शर्म छाडी करे मागणे री तणी जेतरी जरूरत साहा तेथरी दिणी। होर हाऊं तमावै बोला की जेबा तमे माँगा, तेबा तमा भेटणा; लोडा तेबा तमा भेटणा; टोका, तेबा तमा वै खोलणा। किबेकी जोह कोई माँगा, तेऊ भेटा; होर जोह लोडा; तेऊ भेटा; होर जोह टोका, तेऊबै खोलणा। तमा मेज़ा का एढअ कुण बाब साहा, कि जेवा तेऊरअ शोहरू तेऊका रोटी माँगे, तेबा तेऊबे पाथर दे? या माछी माँगे, तेबा तेऊबै सर्प दे? जेबा आड़े मागे आड़े रे बदले विछु दे? जेबा तमे बुरे होई करे, आपणे शोहरू बे शोभली चीज़ा दींणी जाहंदा, तेबा थारअ स्वर्गीय बापू आपणे माँगण आले बे पवित्र आत्मा किबे नांई देलअ।


तेऊकी यीशु ये एक दुष्टात्मा काहडी जेबा सह काली आत्मा काहडी करे मणश बोलदअ लागअ होर लोका हेरान होई। पर त्याहा में का कई बोलू यह शैताना री दुष्टात्मा रे प्रधाना री सहायता संघे दुष्टात्मा काहडा। होर लोका तेऊरी परीक्षा करने री तणी होर तेऊ परेखणे वै तेऊका स्वर्ग रा चिन्ह मांगू। पर तेयुये त्याहा री मना री गला जाणी करे त्याहवै बोलू जासु-जासु राज्य में फुट हुंदा सह राज्य खत्म हुंदा होर जासु घरे फुट साहा सह नष्ट हुंदा। होर अगर शैतान आपणे बिरोधी होई करे आपु में फुट पाए, तेबा तेऊरअ राज्य केहडअ बणी रहण? किबकी तमे मेरे बारे में बोला कि हाऊं शैताना री सहायता संघे दुष्टात्मा काहडा। अगर हाऊं शैताना री सहायता संघे दुष्टात्मा काहडा तेबा थारी शोहरू कासकी सहायता संघे काहडा तेबा त्याही थारा न्याय करना। अगर हाऊं परमेश्वरा री आत्मा री सहायता संघे दुष्टात्मा काहडा, तेबा स्वर्गा रा राज्य तमा सेटा पूजा। कोई मणश कासु बलबन्ता संघे आपणे घरा रे खोले रखवली करे तेबा तेऊरी सम्पति बची रहणी। पर जेबा तेऊका भी बड़अ होर बलबन्त मणश ईच्छे होर तेऊरी तुपका का भी निये जासू पैंदे तेऊरा बुशाह, होर तेऊरी धन सम्पति भी चोरे। जोह माये संघे नांई आनध सह मेरा बिरोध मे साहा, होर जोह, माये संगा नांई रहंदा सह बिखरण।


जेबा दुष्टात्मा मणशा का निखला तेबा सह शुकी जागा आराम लोडा, होर तेबा शुकी ज़ागा में अरामा लोडी फिरदा होर भेटती नांई। तेबा बोला, हाऊं आपणे तेरे घरा बे जासु का निकती थी, जखाका हाऊं आई दी थी। होर ईछी करे तेऊ बिलकुल तैयार पाउंदा। तेबा सह ईछी करे, आपु संघे बुरी सात होर दुष्टात्मा आणा, होर त्याह आत्मा तखे वैशी करे राज करा होर तेऊ मणशा री दशा पिछली दशा का भी बुरी हुदा।

जेबा सह याहा गला बोलद लागअ थी, तेबा बड़ी भिड़ा मेंज़ा का एकी बेटड़ी बोलू, धन्य साहा सह बेटड़ी जासरे पेटे तुह रहु होर धन्य साहा त्याहा माऊ जासरा दूध ताई जुटू। तेऊ बोलू, हां पर धन्य त्या साहा जोह परमेश्वरा रे वचना शुणा होर मना।


जेबा बडी भीड़ कठी हूँदी लागी, तेबा सह बोल्दअ लागअ, एउ जुगा रे लोका बुरे साहा; त्या चिन्ह लोडा; पर योना रे चिन्हा छाड़ी करे होर कोहे चिन्ह त्याह वै नांई भेटण। जोह योना नीनवे रे लोका वै चिन्ह रहु, तेडह ही मणशा रअ शोहरू चीई राची होर चीई धियाड़ी धरती रे मितर रहंणअं। शीवा देशा री राणी न्याय री धियाड़ी एउ वक्ता रे मणशे संघे उठी करे दोषी हुणी, किबेकी सह सुलैमाना रे ज्ञान शुणने वै धरती री छोरा का आई, होर अखे सह साहा जोह सुलेमाना का भी बडअ साहा। नीनवे रे लोका न्याय री धियाड़ी एउ वक्ता रे लोका संघे खड़े होई करे, त्याह दोषी रहणे; किबेकि त्याह योना रे प्रचार शुणी करे मन फेरु, होर हेरा, अखे यह साहा जोह योना का भी बडअ साहा।


कोहे भी सजीये ज़ाल़ी करे टोकरी थाहीं नांई डाहदे, पर दीवटा पैंदे डाहदा की मितर इहणे आले वै प्रियाषा पाए। तेरे शरीरा रअ सजीय तेरी आछी साहा किबेकि जेबा तेरी आछी ठीक साहा तेवरे तणी तेरअ शरीर भी प्रियाषा साहा; होर जेबरे तणी आछी बुरी साहा तेवरे थारा सारा शरीर निहारा साहा। तेबा ब्याते रहाअ की जोह प्रियाषा तमा में साहा सह निहारा नांई लोडी होऊ। तेबा थारा सारा शरीर प्रियाषा लोडी होऊ होर तेऊ कोहे भी भाग निहारअ नांई लोडी होऊ सारा शरीर प्रियाषा लोडी होऊ, जेड़ा तेऊ वक्ते हुंदा जेवरे सजीये तमावै आपणी चमक दिनी।


जेबा सह गल्ला लगदअ थी, तेबा एकी फरीसी तेऊका बिनती करी कि मेरे घरा वै रोटी खान्दअ चाल। सह मितर नाशी करे रोटी खान्दअ बैठअ। फरीसी होर कुछ शास्त्री एता हेरी करे हैरान होऊ की, तेऊए रोटी खाणे का पहिले हाथ नांई धोई। प्रभु तेऊ बे बोलू, हे फरीसीयो तमे कटोरे होर थाली बागा का मांजा पर थारे महितर निहारा होर दुष्टता भरी दी साहा। हे निबुधियो जासुये बागलअ भाग बनाऊ, क़ेह तेऊये महितरा रअ भाग नांई बणाऊ। पर महितरा री चीजा दान करा, तेबा हेरा सबे सा तमावै शुद्ध हुणा। हे फरीसीयो तमा पैंदे हाय, तमे पोदीने होर तुलसी रा, होर सभी तरहा रे शागा पाचा रा द्सबा हिस्सा दिंदा, पर न्याय होर परमेश्वर रा प्रेम टालदा पर लोडी थी चाहदा कि याह भी करदे रहे तेता भी नां छाडे। हे फरीसीयो तमे पैंदे हाय, तमे प्रार्थना घरा में बड़ी-बड़ी ज़ागहा चाहन्दा, होर बजारे नमस्ते चाहन्दा हाय तमा वै किबेकि तमे दबाई दी कब्रा रे बराबर साहा, ज़ासु प्रंदे लोका हांडा होर तेतके बारे में नाई जानदे। तेबा एकी व्यवस्थापके तेऊबै उतर दीना, होर बोलू हे गुरु तूह मेरी निंदा करदअ लागअ तेऊ बोलू हे व्यवस्थापक तमाबे हाय, तमा एडे बोझ जासू चुआकणा मुशिकल साहा तेऊ बोझ लोका पैंदे लादा, होर आपु तेता गुठी संघे भी नांई छुहदे। हाय तमा वै तमे त्याह भविष्यद्वक्ता री कब्रा बणाऊदा, जेबा की थारे आपणे बजुर्ग त्या भविष्यवक्ता री हत्या करी थी। एबा तमे एतकी गुआही दिंदा, होर आपणे बजुर्गा रे कामा का सहमत साहा, किबेकि त्याह मेरी होर तमे त्याहरी कबरा बनाऊदा। तेबा परमेश्वरा री बुद्धि भी बोलू दा साहा, महा त्याह सेटा भविष्यद्वक्ता होर प्रेरित भेजणे, होर त्याह में एखा मारने, एखा तंग करने। जेतरे भी भविष्यद्वक्ता रे लोहू संसारा री उत्पति वै बोलूदा साहा, त्याह सभी रा लेखा लउणा, एउ जुगा रे लोका का लउणा। हाबिल री हत्या का लई करे जकर्याह री मउती तणी जोह बेदी होर परमेश्वरा रे घरे संघे घात करू हाऊं तमे बै सची बोल्दा यह सभी रे लेखा एउ वक्ता रे लोका का लउणा। हाय तमा व्यवस्थापका पैंदे, तमे ज्ञाना री कुंजी पाई पर तमे ज्ञान आपु वै नांई पाऊ। नाह तअ आपु ही तेऊमें प्रबेश करदे होर नाह तेऊमें प्रबेशा कर्ण आले प्रबेश करने दिंदे। जेबा यीशु तखा का निकदअ, तेबा फरीसी होर, शास्त्री बुरी तरहा तेऊ पीछे पड़ी होर तेऊ छेड़दे लागे की सह त्याह संघे बहू गला करे। होर तेऊरी घाता में लागी रही की तेऊरे मुहा का कोई गल डाके।

Dinleyin लूका 11