Hadiyya - 1992 BSE Non-Drama (NT)

Hadiyya - 1992 BSE Drama (NT)

<div class="version vid3498 iso6393hdy" data-vid="3498" data-iso6393="hdy">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Buxichchi Meentichchoo Boqqi Daannii</div><div class="p"> 1Hundem ammanem hooggoo'n Waa'a uunxitamisina kobi'llishsha Yesuus ixxi losaanina kurukko. 2Ixxim &#171;Mat beero'onne Waa'a baddoobee'ekii mannam hamannoobee'ekii mat daanni hee'ukko. 3Ee beero'onnem busar meentichcho balli hundam ee daanni beyyo waattu'uuyyi &#8249;I lambe'ennee i masokkichchi lambe'ennee yoo woshshanne oogate&#8250; yitam hee'llo'o. 4Oo daannim oogatimma sabaa lobakat ammane afukko. Ixxim lasaanchonne &#8249;An maham Waa'a baddumbee'aaree manna hamannumbee'aarem 5tu busar meentichcho eese hawwisso'i bikkina isena hanqa oogatoommo. Eehid issumbeelas i beyyo hundi ammanem waatta'a hawwissamo&#8250; yaa sawwukko&#187; yukko.</div><div class="p"> 6Odim Moollanni Yesuus &#171;Oo boqqi daanni wocu luwwa sawwi'llehe. 7Ee'isam ballaa hiimoo ixxi kollonne laattam ixxi minaadabina Waa'i oogatooyyonnihe? Ixxuwwina dasoohonnihe? 8An ki'nnuwwina kuroommo; ixxuwwina qaqqisaa oogatookko. Ihona bagaan Manchi Beet waaroo ammane uullanne amma'nnato siidoohonnihe?&#187; yukko.</div><div class="s">Farisaawekichchikaa Qaraxaanchi Kobi'llishshaa</div><div class="p"> 9Odim Yesuus ixxuwwi gaga xummaan issita'a mulli keeno gaddam keenina kobi'llishshinne 10&#171;Lam manchi Waa'a uunxiteena Keesammi Mine matto'o. Ixxuwwiinsim mat Farisaawekkichchi hee'ukko. La'mmekim qaraxaanchi hee'ukko. 11Farisaawekkichchi uullaa ixxi wodanonne &#8249;Waa'a! An mulli mannisa bogaanchi ihumbee'i bikkina, jora baxichchi ihumbee'i bikkina, saa'aanchi ihumbee'i bikkinaa te'im ka qaraxaanchisa ihumbee'i bikkinaa keese galaxxoommo. 12Anim saantanne lamaagge soommanoommo. Siixxummi luwwi hundiinsim tommiinsi mato kiina uwwoommo&#8250; yukko.</div><div class="p"> 13Ihukkaarem oo qaraxaanchi qee'llonne uullaa iim moo'eenam baddaa biqe aphphixxukkuuyyi &#8249;Waa'a! An baaxiilaanchi ihummi bikkina iina haafihe&#8250; yukko. 14#Mat 23:12; Luq 14:11 An ki'nnuwwina kuroommo; ee Farisaawekkichchiinsi qaraxaanchi muccuraa ixxi mine elle'ukko. Mashka'oomim ixxi gaga iimiimaa'ookkok hundim sholle'ookko. Ixxi gaga hoffiisookkok hundim lophphookko&#187; yukko.</div><div class="s">Ciilluwwa Yesuus Maasse'ukkisa</div><div class="r">(Mat 19:13-15; Mar 10:13-16)</div><div class="p"> 15Mat mat manni Yesuus ixxi anginne nakkoo'isina ciilluwwa ixxi beyyo eebbo'aare ixxi losaan eekka moo'llo'i ammanenne manna wocanto'o. 16Ihukkaarem ciilluwwa Yesuus ixxi beyyo weeshaa &#171;Waa'i adillanonne hee'llam keen kido'i keen ikko'i bikkina ciilluwwi i beyyo waatteena hoottakkotte. 17Hanqinam an ki'nnuwwina kuroommo; ayyi manchim ciilluwwisa ihaa Waa'i adillano aa'oobee'ek Waa'i adillanonne aageena xanooyyo&#187; yukko.</div><div class="s">Ka Uulli Goddi Bikkina</div><div class="r">(Mat 19:16-30; Mar 10:17-31)</div><div class="p"> 18Mat gassaanchi manchi Yesuusina &#171;Er losisaancho! Heer heerina hee'oo heechcha siixxeena maha isso?&#187; yaa xa'mmukko. 19Yesuusim ixxena &#171;Mahina eese &#8249;er losisaancho&#8250; yitoolla? Matem Waa'iinsi bagaan erok bee'e. 20#Doy 20:14; Se'l 5:18; Doy 20:13; Se'l 5:17; Doy 20:15; Se'l 5:19; Doy 20:16; Se'l 5:20; Doy 20:12; Se'l 5:16 Ihukkaarem Waa'ik ijaaj &#8249;Saa'llitte, shititte, game'llitte, qophphano naqqassittee kiyyannaa kiyyummaa lonsee&#8250; yoo'isa laqqootto&#187; yukko.</div><div class="p"> 21Oo manchim &#171;Ee hundam oosoommaniinsim ki'isaa egeraammo&#187; yukko. 22Yesuusim eekka macceesu ammanenne ixxena &#171;Kabadem kiina mat luwwi gataakko. Iimanenne godda siixxiteena kiina yoo luwwa hundam biteessaa diinatooma buxina baxxansitaa waattaa eese awwone&#187; yukko.</div><div class="p"> 23Ihukkaarem oo manchi lobakata goddaanchi hee'u bikkina Yesuus eekka wocukkaare kichche'ukko. 24Yesuusim ee mancho moo'aa &#171;Goddaan manni Waa'i adillanonne aagimmi hinkaa'nna kee'mmaalla? 25Goddaanchi manchi Waa'i adillanonne aagimmiinsi gaameelakkichchi marfe'i afo'inne firimmi sholle'ookko&#187; yukko. </div><div class="p"> 26Eekka macceesso'i keen &#171;Eehaara'i ayyi gateena xanookko?&#187; yito'o. 27Ihukkaarem Yesuus &#171;Mannina xanamoobee'i luwwi Waa'ina xanamookko&#187; yukko. 28Pheexiroos &#171;Oono'o! Neese ni mine ullaa keese awwonnaammo&#187; yukko. 29Yesuusim ixxuwwina &#171;Hanqinam an ki'nnuwwina kuroommo; Waa'i adilla'n bikkinaa yaa ixxeka mine, are, abbaayyuwwa, annaa amaa te'im ooso urookkok 30ka doollennem ee uru luwwika lam suume siixxookko. Waaroo doollennem heer heerina hee'oo heechcha siixxookko&#187; yukko.</div><div class="s">Yesuus Lehaa Ki'oo'isa Saxxaagge Wocukkisa</div><div class="r">(Mat 20:17-19; Mar 10:32-34)</div><div class="p"> 31Tommoo lamem losaanoo Yesuus annanni issaa massaa &#171;Oono'o! Kaba Yerusaaleema malloommuulla. Manchi Beet bikkina hiraagaan kitaabbo'i woshshi hundim wo'mmookko. 32Manchi Beeto mulli minaadabina higisakka'a uwwakkamo. Oo keenim ixxo naaccamoo sholliissamoo. Ixxi hanennem anja tuhitamo. 33Ixxom gantamo; shitamome. Ihukkaarem sas balliinsi lasage lehiinsi ki'ookko&#187; yaa kurukko. 34Ihona bagaan Yesuus kuru woshshi ixxuwwiinsi daphphaa hee'u bikkina mayyuda'e qoossita'a laqqo'oyyo.</div><div class="s">Qooq Mancho Yesuus Fayyiisukkisa</div><div class="r">(Mat 20:29-34; Mar 10:46-52)</div><div class="p"> 35Iyyaarko'i beero'onne Yesuus hincaakkoohaannonne mat qooq manchi gooqqi inqenne afuuraa uunxam hee'ukko. 36Oo manchi lobakat minaadaphpheka sagara macceesaa &#171;Ku maruwwa?&#187; yaa xa'mmukkaare 37ixxuwwim ee qooq manchina &#171;Naazireexxi Yesuus higoolla&#187; yita'a kutto'o.</div><div class="p"> 38Oo qooqim &#171;Daawiit Beet Yesuusa, at iina qishixxe!&#187; yaa laarukko. 39Illagenne higga'a mattam hee'llo'i keenim &#171;Sa'ihe!&#187; yita'a wocanto'o. Ihukkaarem ixxi &#171;Daawiit Beet Yesuusa, at iina qishixxe!&#187; yaa lonsaa laarukko.</div><div class="p"> 40Yesuusim uullaa ixxi beyyo eebakkamisina ijaajukko. Ixxim Yesuus beyyo hincu ammanenne 41&#171;An kiina maha issona hassootto?&#187; yaa xa'mmukko. Ixxim dabaraa &#171;Moollanna! An moo'eena hasoommo&#187; yukko. 42Yesuusim ee manchina &#171;Ki amma'nnat keese fayyiisaakko; ki illi fooqihona&#187; yukko. 43Ee ammanenne ixxi illi fooqukkaare Waa'a galaxxukkuuyyi Yesuusa awwonukko. Manni hundim eekka moo'aa Waa'a galaxxukko.</div>
 </div>
 </div>
</div>

Hundem ammanem hooggoo'n Waa'a uunxitamisina kobi'llishsha Yesuus ixxi losaanina kurukko. Ixxim «Mat beero'onne Waa'a baddoobee'ekii mannam hamannoobee'ekii mat daanni hee'ukko. Ee beero'onnem busar meentichcho balli hundam ee daanni beyyo waattu'uuyyi ‹I lambe'ennee i masokkichchi lambe'ennee yoo woshshanne oogate› yitam hee'llo'o. Oo daannim oogatimma sabaa lobakat ammane afukko. Ixxim lasaanchonne ‹An maham Waa'a baddumbee'aaree manna hamannumbee'aarem tu busar meentichcho eese hawwisso'i bikkina isena hanqa oogatoommo. Eehid issumbeelas i beyyo hundi ammanem waatta'a hawwissamo› yaa sawwukko» yukko.
Odim Moollanni Yesuus «Oo boqqi daanni wocu luwwa sawwi'llehe. Ee'isam ballaa hiimoo ixxi kollonne laattam ixxi minaadabina Waa'i oogatooyyonnihe? Ixxuwwina dasoohonnihe? An ki'nnuwwina kuroommo; ixxuwwina qaqqisaa oogatookko. Ihona bagaan Manchi Beet waaroo ammane uullanne amma'nnato siidoohonnihe?» yukko.

Odim Yesuus ixxuwwi gaga xummaan issita'a mulli keeno gaddam keenina kobi'llishshinne «Lam manchi Waa'a uunxiteena Keesammi Mine matto'o. Ixxuwwiinsim mat Farisaawekkichchi hee'ukko. La'mmekim qaraxaanchi hee'ukko. Farisaawekkichchi uullaa ixxi wodanonne ‹Waa'a! An mulli mannisa bogaanchi ihumbee'i bikkina, jora baxichchi ihumbee'i bikkina, saa'aanchi ihumbee'i bikkinaa te'im ka qaraxaanchisa ihumbee'i bikkinaa keese galaxxoommo. Anim saantanne lamaagge soommanoommo. Siixxummi luwwi hundiinsim tommiinsi mato kiina uwwoommo› yukko.
Ihukkaarem oo qaraxaanchi qee'llonne uullaa iim moo'eenam baddaa biqe aphphixxukkuuyyi ‹Waa'a! An baaxiilaanchi ihummi bikkina iina haafihe› yukko. An ki'nnuwwina kuroommo; ee Farisaawekkichchiinsi qaraxaanchi muccuraa ixxi mine elle'ukko. Mashka'oomim ixxi gaga iimiimaa'ookkok hundim sholle'ookko. Ixxi gaga hoffiisookkok hundim lophphookko» yukko.


Mat mat manni Yesuus ixxi anginne nakkoo'isina ciilluwwa ixxi beyyo eebbo'aare ixxi losaan eekka moo'llo'i ammanenne manna wocanto'o. Ihukkaarem ciilluwwa Yesuus ixxi beyyo weeshaa «Waa'i adillanonne hee'llam keen kido'i keen ikko'i bikkina ciilluwwi i beyyo waatteena hoottakkotte. Hanqinam an ki'nnuwwina kuroommo; ayyi manchim ciilluwwisa ihaa Waa'i adillano aa'oobee'ek Waa'i adillanonne aageena xanooyyo» yukko.


Mat gassaanchi manchi Yesuusina «Er losisaancho! Heer heerina hee'oo heechcha siixxeena maha isso?» yaa xa'mmukko. Yesuusim ixxena «Mahina eese ‹er losisaancho› yitoolla? Matem Waa'iinsi bagaan erok bee'e. Ihukkaarem Waa'ik ijaaj ‹Saa'llitte, shititte, game'llitte, qophphano naqqassittee kiyyannaa kiyyummaa lonsee› yoo'isa laqqootto» yukko.
Oo manchim «Ee hundam oosoommaniinsim ki'isaa egeraammo» yukko. Yesuusim eekka macceesu ammanenne ixxena «Kabadem kiina mat luwwi gataakko. Iimanenne godda siixxiteena kiina yoo luwwa hundam biteessaa diinatooma buxina baxxansitaa waattaa eese awwone» yukko.
Ihukkaarem oo manchi lobakata goddaanchi hee'u bikkina Yesuus eekka wocukkaare kichche'ukko. Yesuusim ee mancho moo'aa «Goddaan manni Waa'i adillanonne aagimmi hinkaa'nna kee'mmaalla? Goddaanchi manchi Waa'i adillanonne aagimmiinsi gaameelakkichchi marfe'i afo'inne firimmi sholle'ookko» yukko.
Eekka macceesso'i keen «Eehaara'i ayyi gateena xanookko?» yito'o. Ihukkaarem Yesuus «Mannina xanamoobee'i luwwi Waa'ina xanamookko» yukko. Pheexiroos «Oono'o! Neese ni mine ullaa keese awwonnaammo» yukko. Yesuusim ixxuwwina «Hanqinam an ki'nnuwwina kuroommo; Waa'i adilla'n bikkinaa yaa ixxeka mine, are, abbaayyuwwa, annaa amaa te'im ooso urookkok ka doollennem ee uru luwwika lam suume siixxookko. Waaroo doollennem heer heerina hee'oo heechcha siixxookko» yukko.


Tommoo lamem losaanoo Yesuus annanni issaa massaa «Oono'o! Kaba Yerusaaleema malloommuulla. Manchi Beet bikkina hiraagaan kitaabbo'i woshshi hundim wo'mmookko. Manchi Beeto mulli minaadabina higisakka'a uwwakkamo. Oo keenim ixxo naaccamoo sholliissamoo. Ixxi hanennem anja tuhitamo. Ixxom gantamo; shitamome. Ihukkaarem sas balliinsi lasage lehiinsi ki'ookko» yaa kurukko. Ihona bagaan Yesuus kuru woshshi ixxuwwiinsi daphphaa hee'u bikkina mayyuda'e qoossita'a laqqo'oyyo.


Iyyaarko'i beero'onne Yesuus hincaakkoohaannonne mat qooq manchi gooqqi inqenne afuuraa uunxam hee'ukko. Oo manchi lobakat minaadaphpheka sagara macceesaa «Ku maruwwa?» yaa xa'mmukkaare ixxuwwim ee qooq manchina «Naazireexxi Yesuus higoolla» yita'a kutto'o.
Oo qooqim «Daawiit Beet Yesuusa, at iina qishixxe!» yaa laarukko. Illagenne higga'a mattam hee'llo'i keenim «Sa'ihe!» yita'a wocanto'o. Ihukkaarem ixxi «Daawiit Beet Yesuusa, at iina qishixxe!» yaa lonsaa laarukko.
Yesuusim uullaa ixxi beyyo eebakkamisina ijaajukko. Ixxim Yesuus beyyo hincu ammanenne «An kiina maha issona hassootto?» yaa xa'mmukko. Ixxim dabaraa «Moollanna! An moo'eena hasoommo» yukko. Yesuusim ee manchina «Ki amma'nnat keese fayyiisaakko; ki illi fooqihona» yukko. Ee ammanenne ixxi illi fooqukkaare Waa'a galaxxukkuuyyi Yesuusa awwonukko. Manni hundim eekka moo'aa Waa'a galaxxukko.

Dinleyin Luqaas Mishiraachcha 18