Mapun - WBT Version (NT+) Drama

<div class="version vid3121 iso6393sjm" data-vid="3121" data-iso6393="sjm">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s">Si Isahak pinamaddihan</div><div class="p"> 1Na song hallom, lay na tinuman me&#42892; Tuhan bay janji&#42892; na ni si Sara 2sampay lay na ya battong. Dari san ndang toa na sila ka lla na, lay na du ya maddi ni waktu looy du si&#42892; ma bay pinam&#257;&#42892; me&#42892; Tuhan. Anak da si&#42892; tu, lalla du bana yana me&#42892; ndang bay njanji&#42892; me&#42892; Tuhan. 3Maka lay na du inawnan si Isahak me&#42892; si Ibrahim.</div><div class="p"> 4Na pag taabut wawu&#42892; ngallaw umu si Isahak, lay du ya bay inislam me&#42892; si Ibrahim man na mean bay soho&#42892; Tuhan niiya. 5Jaman si Isahak bay pinamaddihan, kuwan si Ibrahim mag-umu na dahatus taun.</div><div class="p"> 6Yuk si Sara, &#8220;Ya&#42892; la tasagga&#42892; ku lannu atay ku me&#42892; tuu na gantaan Tuhan njata&#42892; ku. Kira ku, soysoy ja&#42892; kaaka kadarihan ku me&#42892; tuu, masti&#42892; kapatatto ja&#42892; du.&#8221; 7Maka yuk si Sara lagi, &#8220;Bong tud binista, soy gi bay kalangga piki m&#257;&#42892; ni si Ibrahim luu gi masa ku maddi sampay maduru&#42892; anak-anak? Suga&#42892; san me&#42892; looy, lay gi baw lla ku tabuwanan ku anak lalla san kami toa laslas na sikaduwa.&#8221;</div><div class="s">Si Hajal ka si Ismail pinalahi</div><div class="p"> 8Na mehe-mehe ja&#42892; si&#42892; si Isahak sampay pag nda&#42892; nne&#42892; na ya&#42892; na ya duru&#42892;, ni llaw looy du, lay si Ibrahim ballang mehe. 9Sasang da maglami-lami mangan, lay na baw takita si Sara anak si Hajal, yana si Ismail, numbi&#42892; si Isahak. 10Dari yuk si Sara ni si Ibrahim, &#8220;Palahiyun na ata looy ka anak na. Ya&#42892; ku doman anak na kabahagian pusaka. Karomanan ku labbasakayi pusaka para ni anak ta sadja&#42892;.&#8221;</div><div class="p"> 11Pag takale me&#42892; si Ibrahim halling si Sara, tud sobot pamiki na batan si Ismail pun anak na du. 12Suga&#42892; yuk Tuhan niiya, &#8220;Daa na ko ba susahan si Ismail ka ata bi si Hajal. Duwanun na ja&#42892; oy-oy soho&#42892; si Sara ningkau. Ndang-ndang si Isahak du bay pene&#42892; ku binuwat poonan panubu&#42892; ma bay janji&#42892; ku ningkau. 13Suga&#42892; ya&#42892; du baw lay pabiya ku anak ata nu. Buwanan ku sa ya panubu&#42892; paeka mari sila dari disu bangsa tanyag batan iya pun anak nu du.&#8221;</div><div class="p"> 14Dari pag sayu, awwal lagi, lay na bangun si Ibrahim manyap lutu&#42892; ka b&#257;g kuwit kambing panno&#42892; le&#42892; bohe&#42892;, bo&#42892; pasandang na ni baha si Hajal. Dari si&#42892;, lay na ga si Hajal ka si Ismail lakka. Song hallom, lay sila lingu sampay maglunsuhan na ja&#42892; sila ni lahat ya&#42892; magluma&#42892; ndooy ni Beel-Siba.</div><div class="p"> 15Na katis ja&#42892; si&#42892; bohe&#42892; da, lay do&#42892; sindungan si Hajal anak na ni poon kayu-kayu ndooy. 16Pag-anu, bo&#42892; na palawak-lawak ningk&#333;&#42892; ganta&#42892; ya&#42892; takita na anak na batan hona&#42892;-hona&#42892; na, ya&#42892; na tasogsog na nganda&#42892; anak na magkamatoy-matoy na. Sasang na si&#42892; ndooy ningk&#333;&#42892;, bbuwatan na nangis ja&#42892;.</div><div class="p"> 17Damikiyan anak-anak looy pun nangis na ja&#42892; du. Suga&#42892; lay du takale le&#42892; Tuhan anak-anak looy. Dari luu na suwara malaikat Tuhan p&#333;&#42892; man sulga&#42892; nginganan si Hajal, yuk na, &#8220;Oy tu kasusahan nu Hajal? Daa na ko ba hanggaw. Lay na du silay si&#42892; takale Tuhan anak nu nangis ndooy. 18Pilay na ko pa mman anak nu. Ug-ugan nu na ya. Pabuwat ku sa ya poonan bangsa tanyag.&#8221; 19Pag-anu si&#42892;, man Tuhan na du, ngita na si Hajal taga&#42892; bohean. Dari si&#42892; magti du ya pilay ngisihan pangannaan na sampay lay na painum na anak na.</div><div class="p"> 20-21Na song hallom, lay na baw sila maglahat ni lahat lau-lau ndooy ni Paran. Si Ismail si&#42892; tu alistu mana&#42892; hayop. Njawom na sulig, luu na pin Tuhan ngunung ngagpangan iya man bahaya. Pag taabut sangkad umu na, lay ya pinahand&#257;n me&#42892; nne&#42892; na ni bangsa Ejip.</div><div class="s">Si Ibrahim maka Sultan Abimalik magsapa</div><div class="p"> 22Balik ta pa Sultan Abimalik, song hallom, lay ya pilay ka komandel sundalu na, yana Komandel Pikol, pa mman si Ibrahim. Takka ndooy, yuk na, &#8220;Ni lilingan kami, tud inunungan ko me&#42892; Tuhan batan nda&#42892; kami, oy-oy pabuwat nu, ya&#42892; luu sa&#42892; ya&#42892; sampulna&#42892;. 23Bong si&#42892; kadarihan ningkau, sapahan nu na pa Tuhan basta ya&#42892; ku taaku nu mag-anak-mpu. Yana me&#42892; kami bay maasean kau san ko jama sampi ni paglahat kami, sapatut na kaasean nu du kami.&#8221;</div><div class="p"> 24Dari yuk si Ibrahim, &#8220;Oho&#42892; Ampun Sultan, sapahan ku pa Tuhan basta ya&#42892; baw sina ko taaku ku mag-anak-mpu.&#8221; 25Suga&#42892; lay gi baw si Ibrahim masamba ni Sultan. Yuk na, &#8220;Ampun Sultan, ga tindog nu la lay ngagaw taga&#42892; bay kinali me&#42892; tindog ku. Pooy lay la ningkau?&#8221;</div><div class="p"> 26Pag tampung Sultan, &#8220;Uy la, boho&#42892; sina tasayu ku! Dapat si&#42892;, man masa hallom tuu lagi, ndang bay na ku baan nu. Ya&#42892; san silay bay tasayu ku bong mamooy tindog ku bay ngagaw.&#8221;</div><div class="p"> 27Dari si&#42892;, lay na sinalassay me&#42892; da palkala&#42892; looy. Tanda&#42892; magsulut na sila, lay na baw si Ibrahim muwanan Sultan Abimalik ga bili-bili na ka ga sapi&#42892;. 28Pag lupus me&#42892; looy, lay na baw si Ibrahim masar&#299; pitu&#42892; anak bili-bili na danda. 29Pag nda&#42892; Sultan Abimalik me&#42892; looy, yuk na ni si Ibrahim, &#8220;Bat&#333;y nu ina?&#8221;</div><div class="p"> 30Pag tampung si Ibrahim, &#8220;Ampun Sultan, dean ku sina kau. Kaddoun na bong pin mangaku ja&#42892; ko kami bay ngali taga&#42892; looy.&#8221; 31Dari si&#42892; lay du kuhi sultan. Maka labba man llaw looy, lay na inawnan lahat looy Beel-Siba, hati na, &#8220;taga&#42892; mman bay napa,&#8221; batan ndooy na man da bay napa sali&#42892;-sali&#42892;.</div><div class="p"> 32Lupus ja&#42892; si&#42892; sila bay magsapa ndooy ni Beel-Siba, lay na mole&#42892; ga Sultan Abimalik ka komandel sundalu na, yana Komandel Pikol, pa jawom baanan raayat da bangsa Pilistin. 33Kuwan si Ibrahim, lay gi nanom tamaris dampoon ndooy ni Beel-Siba. Maka lay gi ya numba Papu&#42892; ndooy, yana Tuhan sabanna ma luu na pin saumu-umu. 34Dari ndooy na du ga si Ibrahim bay maglahat pahallom ni lahat bangsa Pilistin.</div>
 </div>
 </div>
</div>

Na song hallom, lay na tinuman meꞌ Tuhan bay janjiꞌ na ni si Sara sampay lay na ya battong. Dari san ndang toa na sila ka lla na, lay na du ya maddi ni waktu looy du siꞌ ma bay pinamāꞌ meꞌ Tuhan. Anak da siꞌ tu, lalla du bana yana meꞌ ndang bay njanjiꞌ meꞌ Tuhan. Maka lay na du inawnan si Isahak meꞌ si Ibrahim.
Na pag taabut wawuꞌ ngallaw umu si Isahak, lay du ya bay inislam meꞌ si Ibrahim man na mean bay sohoꞌ Tuhan niiya. Jaman si Isahak bay pinamaddihan, kuwan si Ibrahim mag-umu na dahatus taun.
Yuk si Sara, “Yaꞌ la tasaggaꞌ ku lannu atay ku meꞌ tuu na gantaan Tuhan njataꞌ ku. Kira ku, soysoy jaꞌ kaaka kadarihan ku meꞌ tuu, mastiꞌ kapatatto jaꞌ du.” Maka yuk si Sara lagi, “Bong tud binista, soy gi bay kalangga piki māꞌ ni si Ibrahim luu gi masa ku maddi sampay maduruꞌ anak-anak? Sugaꞌ san meꞌ looy, lay gi baw lla ku tabuwanan ku anak lalla san kami toa laslas na sikaduwa.”

Na mehe-mehe jaꞌ siꞌ si Isahak sampay pag ndaꞌ nneꞌ na yaꞌ na ya duruꞌ, ni llaw looy du, lay si Ibrahim ballang mehe. Sasang da maglami-lami mangan, lay na baw takita si Sara anak si Hajal, yana si Ismail, numbiꞌ si Isahak. Dari yuk si Sara ni si Ibrahim, “Palahiyun na ata looy ka anak na. Yaꞌ ku doman anak na kabahagian pusaka. Karomanan ku labbasakayi pusaka para ni anak ta sadjaꞌ.”
Pag takale meꞌ si Ibrahim halling si Sara, tud sobot pamiki na batan si Ismail pun anak na du. Sugaꞌ yuk Tuhan niiya, “Daa na ko ba susahan si Ismail ka ata bi si Hajal. Duwanun na jaꞌ oy-oy sohoꞌ si Sara ningkau. Ndang-ndang si Isahak du bay peneꞌ ku binuwat poonan panubuꞌ ma bay janjiꞌ ku ningkau. Sugaꞌ yaꞌ du baw lay pabiya ku anak ata nu. Buwanan ku sa ya panubuꞌ paeka mari sila dari disu bangsa tanyag batan iya pun anak nu du.”
Dari pag sayu, awwal lagi, lay na bangun si Ibrahim manyap lutuꞌ ka bāg kuwit kambing pannoꞌ leꞌ boheꞌ, boꞌ pasandang na ni baha si Hajal. Dari siꞌ, lay na ga si Hajal ka si Ismail lakka. Song hallom, lay sila lingu sampay maglunsuhan na jaꞌ sila ni lahat yaꞌ maglumaꞌ ndooy ni Beel-Siba.
Na katis jaꞌ siꞌ boheꞌ da, lay doꞌ sindungan si Hajal anak na ni poon kayu-kayu ndooy. Pag-anu, boꞌ na palawak-lawak ningkōꞌ gantaꞌ yaꞌ takita na anak na batan honaꞌ-honaꞌ na, yaꞌ na tasogsog na ngandaꞌ anak na magkamatoy-matoy na. Sasang na siꞌ ndooy ningkōꞌ, bbuwatan na nangis jaꞌ.
Damikiyan anak-anak looy pun nangis na jaꞌ du. Sugaꞌ lay du takale leꞌ Tuhan anak-anak looy. Dari luu na suwara malaikat Tuhan pōꞌ man sulgaꞌ nginganan si Hajal, yuk na, “Oy tu kasusahan nu Hajal? Daa na ko ba hanggaw. Lay na du silay siꞌ takale Tuhan anak nu nangis ndooy. Pilay na ko pa mman anak nu. Ug-ugan nu na ya. Pabuwat ku sa ya poonan bangsa tanyag.” Pag-anu siꞌ, man Tuhan na du, ngita na si Hajal tagaꞌ bohean. Dari siꞌ magti du ya pilay ngisihan pangannaan na sampay lay na painum na anak na.
Na song hallom, lay na baw sila maglahat ni lahat lau-lau ndooy ni Paran. Si Ismail siꞌ tu alistu manaꞌ hayop. Njawom na sulig, luu na pin Tuhan ngunung ngagpangan iya man bahaya. Pag taabut sangkad umu na, lay ya pinahandān meꞌ nneꞌ na ni bangsa Ejip.

Balik ta pa Sultan Abimalik, song hallom, lay ya pilay ka komandel sundalu na, yana Komandel Pikol, pa mman si Ibrahim. Takka ndooy, yuk na, “Ni lilingan kami, tud inunungan ko meꞌ Tuhan batan ndaꞌ kami, oy-oy pabuwat nu, yaꞌ luu saꞌ yaꞌ sampulnaꞌ. Bong siꞌ kadarihan ningkau, sapahan nu na pa Tuhan basta yaꞌ ku taaku nu mag-anak-mpu. Yana meꞌ kami bay maasean kau san ko jama sampi ni paglahat kami, sapatut na kaasean nu du kami.”
Dari yuk si Ibrahim, “Ohoꞌ Ampun Sultan, sapahan ku pa Tuhan basta yaꞌ baw sina ko taaku ku mag-anak-mpu.” Sugaꞌ lay gi baw si Ibrahim masamba ni Sultan. Yuk na, “Ampun Sultan, ga tindog nu la lay ngagaw tagaꞌ bay kinali meꞌ tindog ku. Pooy lay la ningkau?”
Pag tampung Sultan, “Uy la, bohoꞌ sina tasayu ku! Dapat siꞌ, man masa hallom tuu lagi, ndang bay na ku baan nu. Yaꞌ san silay bay tasayu ku bong mamooy tindog ku bay ngagaw.”
Dari siꞌ, lay na sinalassay meꞌ da palkalaꞌ looy. Tandaꞌ magsulut na sila, lay na baw si Ibrahim muwanan Sultan Abimalik ga bili-bili na ka ga sapiꞌ. Pag lupus meꞌ looy, lay na baw si Ibrahim masarī pituꞌ anak bili-bili na danda. Pag ndaꞌ Sultan Abimalik meꞌ looy, yuk na ni si Ibrahim, “Batōy nu ina?”
Pag tampung si Ibrahim, “Ampun Sultan, dean ku sina kau. Kaddoun na bong pin mangaku jaꞌ ko kami bay ngali tagaꞌ looy.” Dari siꞌ lay du kuhi sultan. Maka labba man llaw looy, lay na inawnan lahat looy Beel-Siba, hati na, “tagaꞌ mman bay napa,” batan ndooy na man da bay napa saliꞌ-saliꞌ.
Lupus jaꞌ siꞌ sila bay magsapa ndooy ni Beel-Siba, lay na moleꞌ ga Sultan Abimalik ka komandel sundalu na, yana Komandel Pikol, pa jawom baanan raayat da bangsa Pilistin. Kuwan si Ibrahim, lay gi nanom tamaris dampoon ndooy ni Beel-Siba. Maka lay gi ya numba Papuꞌ ndooy, yana Tuhan sabanna ma luu na pin saumu-umu. Dari ndooy na du ga si Ibrahim bay maglahat pahallom ni lahat bangsa Pilistin.

Dinleyin Panagnaan 21