Kutep - 1995 Edition (Drama NT)

<div class="version vid2071 iso6393kub" data-vid="2071" data-iso6393="kub">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Yesu Nwangru Unde ti Kicaeb Uwae Uten Urushelima</div><div class="p"> 1Isim ayine, Yesu tso kyi yi Urushelima ikyaen ukwab iki ti Mbayawuda site atang. 2Urushelima atang ambyi iki ta atang fer ti uwog ti ande ku sang uwae uka ti a ku kunn wu baa, Ufu Mbawen. A ku kunn uwog ambyi wune ti unju Mbaibrane baa, Betisaida. Unju ambyi atang a sim afug itsong. 3Ande ti acaeb yang-ba akwen ku nae uwae afug yine, ande ti mbub ayib ti ande ti pxib afxen ti ande ti wam afxen ti ajwo.#5:3 Ariki uwae atsingken ti kucang site ira iki uwog ne baa, Aba som ku ji ti ambyi wune na kyi ijwe. Ikyaen ti, kiye iki unde ti atom na Rimam ku si ka uwae ambyi atang u ru ka kyi wu kyi. Kiye ti awu a kyi pu wu awu, unde ti kicaeb ti a tawe u si ka uwae ambyi atang awu u tu itinwangru uwae kicaeb-wu, ko kicaeb yi si itso ti rimang.</div><div class="p"> 5Unde iki ta atang ti nae kicaeb ka pu wu asang rijwe ita asu itsongta. 6Ti Yesu ru ba sang uwog-wu, awu nung unde wune nae atang. Awu nungye pu wu baa, unde wune na nae rwen pu wu ti uwae kicaeb-wu ayine. Awu rang unde wu baa, &#8220;Afu ku sha ti fu na nwangru uwae kicaeb a?&#8221; 7Unde ti kicaeb awune ri te Yesu baa, &#8220;Unde ti uwe, ame site-m unde iki ti u ye m si uwae ambyi wune kiye ti awu a ku kyi ijwe be. Kiye ti ame a ku kwab ti m na u si, unde iki ter bibir u si uwe-m.&#8221; 8Yesu ri te wu baa, &#8220;Sunwunn ritsen ti fur kucwo-fu ti kyang ikyin-fu ru.&#8221; 9Ti ritsen unde wu tu ribom ijwe. Awu fur kucwo-wu u kyang ikyin ara.</div><div class="p">Usir ti iken yine nde si usir ikyinn. 10Ikyaen yine, ande ndufu Mbayawuda ri te unde wu ti tu kushwur ijwe wune baa, &#8220;Yaka ne si usir ikyinn. Icwe cwe-wu ti afu su kucwo-fu be. Ayi si riraen.&#8221; 11Awu ri te ba baa, &#8220;Unde wu ti nwangru m uwae kicaeb-m ri te me baa, ame na fur kucwo-m ti m na kyang ikyin.&#8221; 12Aba rang wu baa, &#8220;Unde ti ri te fu baa, afu na fur kucwo-fu ti afu na kyang ikyin si aye wu?&#8221; 13Awu unde ti tu ribom ijwe-wu nungye-wu unde ti nwangru wu be, ikyaen ti, Yesu nwunn ruye kutampwa ande yang-ba ti munn atang. 14Isim yine Yesu ru ka tu unde wu Kusog Rimam tiyang u ri te wu baa, &#8220;Nung! Tine afu tu pu fu kushwur ijwe. Ya ikentitibi-fu ta tiri, be ira iki ti beb siskeb kicaeb-fu ayi u tu kyi fu cwucwo!&#8221; 15Unde wu nwunn tiri u ru ka ri te ande ndufu Mbayawuda baa, unde ti na nwangru wu na si Yesu. 16Mbayawuda nwunn ku nde Yesu rikaen, ikyaen ti, awu ku nde itso iken yine usir ikyinn.</div><div class="p"> 17Ama Yesu ri te ba baa, &#8220;Itse-m ku nde wande ko kiye titini, ame ama u nde wande ko kiye titini.&#8221; 18Ira yi ti awu ri ne kunn nwunn rinae ande ndufu Mbayawuda yang-ba akwen skeb ti kucang. Tiri aba nwunn ku pwen ti a na u wen wu wen. Ikyaen ti, isim ti awu nyatsa mam fe icwe-ba na usir ikyinn, awu ru ba ku ri baa, Rimam na si Itse-wu u ku myae risu-wu te Rimam pang atso.</div><div class="s">Kuko ti Rimam Nda Umbae-wu</div><div class="p"> 19Yesu ri te ba baa, &#8220;Ame ku ri te ni ira ti kubenti, Umbae Rimam ku nde-wu wande ti risu-wu amam be. Awu ku nde ny&#225;ng iken ti awu nung Itse-wu ku nde amam. Iken ti Itse ku nde si iken ti Umbae ku nde ama. 20Ikyaen ti, Rimam site ure ti Umbae-wu timambe. Awu ku tatso tag Umbae-wu iken ti awu ku nde meme. Awu u tatso wu iken ti awu u nde ti ko skeb ayine ama, ti ayi u fur ni ayib. 21Pangma ti Rimam ku kunn nwunn ande ti cwucwu u ku nda ba unyang ti atang, ayi si ahan ama Umbae-wu ku nda ande ti nyang uwae-wu unyang. 22Uwae ira rikwen ti pwen ama, Itse-m ti risu-wu ku pwen-wu ande rikwen be, awu nda Umbae-wu kuko ti wu na pwen ande rikwen, 23ikyaen ti ande meme na nda Umbae Rimam kuko pangma ti aba ku nda Itse-wu Rimam. Unde ti a ku nda-wu Umbae Rimam kuko be, ye si Itse-wu Rimam ti tom wu ba.</div><div class="p"> 24&#8220;Ame ku ri te ni ira ti kubenti, unde titini ti a fxen ira-m u ru uwae kinjo uwog Itse-m ti tom m ru ba, awu u site unyang ti tsi kukunn. A u pwen-ba awu rikwen be, ama awu ruye pu wu unju iticwu ru ba pu wu unju unyang. 25Ame ku ri te ni ira ti kubenti, kiye ru ku ba, kiye wu ba mam pu wu, ti ande ti cwucwu u fxen afxenjwin na Umbae Rimam, ama unde titini ti a fxen afxenjwin wune u tu unyang. 26Pangma ti Rimam ti risu-wu ku nda unyang, Umbae-wu ku nda unyang ama. 27Awu sa kuko na pu wu Umbae-wu ti wu na pwen ande rikwen ikyaen ti, awu si Umbae Unde. 28Ira yine fur ni ayib a? Kiye ru ku ba ti ande ti cwucwu ti ta uwae kuskab meme u fxen afxenjwin-wu 29u nwunn uwae askab-ba. Ande ti nde itinyang u nwunn u tu unyang ti tsi kukunn. Ande ti nde ikentitibi ama u nwunn u sang yi rikwen na Rimam.&#8221;</div><div class="p"> 30&#8220;Ame u nde fob-m iken iki ti risu-m amam be, se ti kuko na Rimam ti tom m ru ba. Ikyaen yine rikwen ti ame ku pwen si kubenti, ikyaen ti, ame ku kwab-m ti m na u nde iken ti m na sha amam be, ame ku nde iken ti Rimam ti tom me tom ku sha.&#8221;</div><div class="s">Iken ti Tatso baa Yesu na Si Umbae Rimam</div><div class="p"> 31&#8220;Asiti ame a ku ri ira risu-m ti ajwo-m, ira ti ame ku ri, ande u cwe-ba baa, ira yi na si kubenti be. 32Amaa unde iki ta atang ti ku ri ira risu-m. Ame nung pu m baa, ira ti awu ku ri risu-m si kubenti.&#8221;</div><div class="p"> 33&#8220;Ani tom atom-ni ru ka uwog Yohana, ama ani fxen pu ni ira ti kubenti ti awu ri risu-m.&#8221;</div><div class="p"> 34&#8220;Ayi si-yi ti ame shanum te unde ti u ri ya m be, amaa ame ri ira yine ikyaen ti ani na tu itinwangru. 35Yohana si pangma urwa fitila ti ku cwe u ku nda uwog saen paenine. Uwae kiye kpang, ani cwe ira-wu u ku tsen utob ti uwog ti saen-wu.&#8221;</div><div class="p"> 36Amaa Iken iki ta atang ti ku tso kuko-m, ti rob skeb pu yi ira ti Yohana ri risu-m. Ira yine si wande-m ti ame ku nde. Ayi si wande ti awu Itse-m nda m ti m na nde. Wande yine ku ri ira risu-m u ku tso baa, awu Itse-m ti na tom m ru ba. 37Awu Itse-m ti tom m ba ama ku ri ira risu-m, u ku cwe ira-m. Ani fxen ji-ni afxenjwin-wu be, u nung ji-ni uwe-wu khika be ama. 38Ani sa ira-wu tsi-ni uwae utob-ni be, ikyaen ti, ani ru-ni uwae kinjo uwog unde ti awu tom ba be. 39Ani ku n&#249;ng putsa kob atsingken Rimam ikyaen ti, ani tang baa, ayi na u tatso ni fengo na unyang ti tsi kukunn. Ayi atsingken ti risu-yi ku ri ira risu-m. 40Amaa ani cwe-ni ti ni u ba uwog-m ti ni ba tu unyang yi be.</div><div class="p"> 41&#8220;Ame ku sha-m ti ande na teb rinyi-m be. 42Ame nung pu m baa, ani na si-ni ti ure te Rimam uwae utob-ni be. 43Ame nung iken yine, ikyaen ti, ame ru ba pu m yi rinyi na Itse-m, ani paembe-ni ame be. Kiye ti unde iki a ru ba ti kuko ti risu-wu ani ku paembe wu. 44Ani ku sha ti ni u tu risu tinyang uwog atso, amaa ani ku sha-ni ti ni u tu risu tinyang uwog Rimam be, awu ti si kinjo-wu amam. N&#233; iken ti nde ani ru-ni uwae kinjo uwog-m be. 45I si-yi ame ti u kunn ni rikwen be. Awu Musa ti ani sa ijwe-ni konje rimenn-wu, awu ti u kunn ni rikwen uwog Rimam baa, ani na kyangte ni ira-wu be. 46A baa, ani na ru uwae kinjo ti kubenti uwog Musa, ani &#250; ru pu ni uwae kinjo uwog-m ama, ikyaen ti, awu ti risu-wu bae ira risu-m. 47Ama ti ani ru-ni uwae kinjo ti iken ti awu Musa bae be, ani u nde rimang titawe ani u ru uwae kinjo ti ira ti ame ku ri?&#8221;</div>
 </div>
 </div>
</div>

Isim ayine, Yesu tso kyi yi Urushelima ikyaen ukwab iki ti Mbayawuda site atang. Urushelima atang ambyi iki ta atang fer ti uwog ti ande ku sang uwae uka ti a ku kunn wu baa, Ufu Mbawen. A ku kunn uwog ambyi wune ti unju Mbaibrane baa, Betisaida. Unju ambyi atang a sim afug itsong. Ande ti acaeb yang-ba akwen ku nae uwae afug yine, ande ti mbub ayib ti ande ti pxib afxen ti ande ti wam afxen ti ajwo.
Unde iki ta atang ti nae kicaeb ka pu wu asang rijwe ita asu itsongta. Ti Yesu ru ba sang uwog-wu, awu nung unde wune nae atang. Awu nungye pu wu baa, unde wune na nae rwen pu wu ti uwae kicaeb-wu ayine. Awu rang unde wu baa, “Afu ku sha ti fu na nwangru uwae kicaeb a?” Unde ti kicaeb awune ri te Yesu baa, “Unde ti uwe, ame site-m unde iki ti u ye m si uwae ambyi wune kiye ti awu a ku kyi ijwe be. Kiye ti ame a ku kwab ti m na u si, unde iki ter bibir u si uwe-m.” Yesu ri te wu baa, “Sunwunn ritsen ti fur kucwo-fu ti kyang ikyin-fu ru.” Ti ritsen unde wu tu ribom ijwe. Awu fur kucwo-wu u kyang ikyin ara.
Usir ti iken yine nde si usir ikyinn. Ikyaen yine, ande ndufu Mbayawuda ri te unde wu ti tu kushwur ijwe wune baa, “Yaka ne si usir ikyinn. Icwe cwe-wu ti afu su kucwo-fu be. Ayi si riraen.” Awu ri te ba baa, “Unde wu ti nwangru m uwae kicaeb-m ri te me baa, ame na fur kucwo-m ti m na kyang ikyin.” Aba rang wu baa, “Unde ti ri te fu baa, afu na fur kucwo-fu ti afu na kyang ikyin si aye wu?” Awu unde ti tu ribom ijwe-wu nungye-wu unde ti nwangru wu be, ikyaen ti, Yesu nwunn ruye kutampwa ande yang-ba ti munn atang. Isim yine Yesu ru ka tu unde wu Kusog Rimam tiyang u ri te wu baa, “Nung! Tine afu tu pu fu kushwur ijwe. Ya ikentitibi-fu ta tiri, be ira iki ti beb siskeb kicaeb-fu ayi u tu kyi fu cwucwo!” Unde wu nwunn tiri u ru ka ri te ande ndufu Mbayawuda baa, unde ti na nwangru wu na si Yesu. Mbayawuda nwunn ku nde Yesu rikaen, ikyaen ti, awu ku nde itso iken yine usir ikyinn.
Ama Yesu ri te ba baa, “Itse-m ku nde wande ko kiye titini, ame ama u nde wande ko kiye titini.” Ira yi ti awu ri ne kunn nwunn rinae ande ndufu Mbayawuda yang-ba akwen skeb ti kucang. Tiri aba nwunn ku pwen ti a na u wen wu wen. Ikyaen ti, isim ti awu nyatsa mam fe icwe-ba na usir ikyinn, awu ru ba ku ri baa, Rimam na si Itse-wu u ku myae risu-wu te Rimam pang atso.

Yesu ri te ba baa, “Ame ku ri te ni ira ti kubenti, Umbae Rimam ku nde-wu wande ti risu-wu amam be. Awu ku nde nyáng iken ti awu nung Itse-wu ku nde amam. Iken ti Itse ku nde si iken ti Umbae ku nde ama. Ikyaen ti, Rimam site ure ti Umbae-wu timambe. Awu ku tatso tag Umbae-wu iken ti awu ku nde meme. Awu u tatso wu iken ti awu u nde ti ko skeb ayine ama, ti ayi u fur ni ayib. Pangma ti Rimam ku kunn nwunn ande ti cwucwu u ku nda ba unyang ti atang, ayi si ahan ama Umbae-wu ku nda ande ti nyang uwae-wu unyang. Uwae ira rikwen ti pwen ama, Itse-m ti risu-wu ku pwen-wu ande rikwen be, awu nda Umbae-wu kuko ti wu na pwen ande rikwen, ikyaen ti ande meme na nda Umbae Rimam kuko pangma ti aba ku nda Itse-wu Rimam. Unde ti a ku nda-wu Umbae Rimam kuko be, ye si Itse-wu Rimam ti tom wu ba.
“Ame ku ri te ni ira ti kubenti, unde titini ti a fxen ira-m u ru uwae kinjo uwog Itse-m ti tom m ru ba, awu u site unyang ti tsi kukunn. A u pwen-ba awu rikwen be, ama awu ruye pu wu unju iticwu ru ba pu wu unju unyang. Ame ku ri te ni ira ti kubenti, kiye ru ku ba, kiye wu ba mam pu wu, ti ande ti cwucwu u fxen afxenjwin na Umbae Rimam, ama unde titini ti a fxen afxenjwin wune u tu unyang. Pangma ti Rimam ti risu-wu ku nda unyang, Umbae-wu ku nda unyang ama. Awu sa kuko na pu wu Umbae-wu ti wu na pwen ande rikwen ikyaen ti, awu si Umbae Unde. Ira yine fur ni ayib a? Kiye ru ku ba ti ande ti cwucwu ti ta uwae kuskab meme u fxen afxenjwin-wu u nwunn uwae askab-ba. Ande ti nde itinyang u nwunn u tu unyang ti tsi kukunn. Ande ti nde ikentitibi ama u nwunn u sang yi rikwen na Rimam.”
“Ame u nde fob-m iken iki ti risu-m amam be, se ti kuko na Rimam ti tom m ru ba. Ikyaen yine rikwen ti ame ku pwen si kubenti, ikyaen ti, ame ku kwab-m ti m na u nde iken ti m na sha amam be, ame ku nde iken ti Rimam ti tom me tom ku sha.”

“Asiti ame a ku ri ira risu-m ti ajwo-m, ira ti ame ku ri, ande u cwe-ba baa, ira yi na si kubenti be. Amaa unde iki ta atang ti ku ri ira risu-m. Ame nung pu m baa, ira ti awu ku ri risu-m si kubenti.”
“Ani tom atom-ni ru ka uwog Yohana, ama ani fxen pu ni ira ti kubenti ti awu ri risu-m.”
“Ayi si-yi ti ame shanum te unde ti u ri ya m be, amaa ame ri ira yine ikyaen ti ani na tu itinwangru. Yohana si pangma urwa fitila ti ku cwe u ku nda uwog saen paenine. Uwae kiye kpang, ani cwe ira-wu u ku tsen utob ti uwog ti saen-wu.”
Amaa Iken iki ta atang ti ku tso kuko-m, ti rob skeb pu yi ira ti Yohana ri risu-m. Ira yine si wande-m ti ame ku nde. Ayi si wande ti awu Itse-m nda m ti m na nde. Wande yine ku ri ira risu-m u ku tso baa, awu Itse-m ti na tom m ru ba. Awu Itse-m ti tom m ba ama ku ri ira risu-m, u ku cwe ira-m. Ani fxen ji-ni afxenjwin-wu be, u nung ji-ni uwe-wu khika be ama. Ani sa ira-wu tsi-ni uwae utob-ni be, ikyaen ti, ani ru-ni uwae kinjo uwog unde ti awu tom ba be. Ani ku nùng putsa kob atsingken Rimam ikyaen ti, ani tang baa, ayi na u tatso ni fengo na unyang ti tsi kukunn. Ayi atsingken ti risu-yi ku ri ira risu-m. Amaa ani cwe-ni ti ni u ba uwog-m ti ni ba tu unyang yi be.
“Ame ku sha-m ti ande na teb rinyi-m be. Ame nung pu m baa, ani na si-ni ti ure te Rimam uwae utob-ni be. Ame nung iken yine, ikyaen ti, ame ru ba pu m yi rinyi na Itse-m, ani paembe-ni ame be. Kiye ti unde iki a ru ba ti kuko ti risu-wu ani ku paembe wu. Ani ku sha ti ni u tu risu tinyang uwog atso, amaa ani ku sha-ni ti ni u tu risu tinyang uwog Rimam be, awu ti si kinjo-wu amam. Né iken ti nde ani ru-ni uwae kinjo uwog-m be. I si-yi ame ti u kunn ni rikwen be. Awu Musa ti ani sa ijwe-ni konje rimenn-wu, awu ti u kunn ni rikwen uwog Rimam baa, ani na kyangte ni ira-wu be. A baa, ani na ru uwae kinjo ti kubenti uwog Musa, ani ú ru pu ni uwae kinjo uwog-m ama, ikyaen ti, awu ti risu-wu bae ira risu-m. Ama ti ani ru-ni uwae kinjo ti iken ti awu Musa bae be, ani u nde rimang titawe ani u ru uwae kinjo ti ira ti ame ku ri?”

Dinleyin Yohana 5