Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkMAT">
 <div class="chapter ch21" data-usfm="MAT.21">
 <div class="label">21</div><div class="s">Ii&#7769;a na Yerusalemu kui Kyi&#7775;umi</div><div class="r">(Mak 11:1-11; Luk 19:28-40; Yoh 12:12-19)</div><div class="p"> 1Na lyilya waleshika kufuhi na Yerusalemu, na ishika Betifage, kyika&#7775;o kyiwekyeri msa&#7775;inyi o mashi&#7769;i ga mseituni, naaho-ng'u Yesu ale&#7769;uma wanalosho wawi, echiwawia, 2&#8220;Yendenyi m&#7775;asa kyika&#7775;o kyilya kyikyeri mbele ya ushangu lonyu, na cha ilyi mowona nzoi ingyipfungye, na igache lya nzoi hamwi nayo; tsipfunguonyi mungyiendie. 3Na kokooya mndu ammbesa kyindo, gambenyi, &#8216;Mndumii nawo&#7769;e kyindo akundi iwuta natso,&#8217; na kulawo&#7769;e i&#7769;etsa kyiyeri nechitsiende.&#8221; 4Ishi shoose shechiwa, kundu kyiafukyie kyindo kyilya kyile&#7769;e&#7769;o nyi moonguo shisuku echigamba,</div><div class="q1"> 5&#8220;Wienyi m&#7775;i o Sion,</div><div class="q2">mangyi opfo naicha na kopfo,</div><div class="q1">namhoo, na oe na&#7769;amie wuye ya nzoi.</div><div class="q2">Na igache lya nzoi, mana o nzoi.&#8221;</div><div class="m"> 6Wanalosho walya wakayenda, wakawuta chandu Yesu alewawia. 7Wakaende nzoi iya na igache lya nzoi, wakawikyia nguwo tsawo wuye yatso, na oe ka&#7769;amia wuye yayo. 8Wandu wafoi wa kyisanzionyi kyilya wakaala nguwo tsawo njienyi; na wengyi wakamanya ma&#7775;amba ga mashi&#7769;i, wakagaala njienyi. 9Na wuingyi wo wandu wawesongoi, na walya walemwosha, wakakuilenga na &#7775;ui lying'anyi wechigamba,</div><div class="q1">&#8220;Hosiana, Mono-Dawidi!</div><div class="q2">Nyi oe ammbikyie mbo&#7775;a,</div><div class="q1">ulya aicha kui rina lya Mndumii,</div><div class="q2">Hosiana wuye ruwewu.&#8221;</div><div class="m"> 10Na lyilya alei&#7769;a na Yerusalemu, m&#7775;i oose ukowa&#7769;a ndi&#7775;imo tsing'anyi, wandu wechigamba, &#8220;Nyi wui ichu?&#8221; 11Wuingyi wo wandu wukogamba, &#8220;Ichu nyi moonguo shisuku ulya, Yesu o Nasareti ya Galyilaya.&#8221;</div><div class="s">Ii&#7769;a na Hekalunyi</div><div class="r">(Mak 11:15-19; Luk 19:45-48; Yoh 2:13-22)</div><div class="p"> 12Yesu kai&#7769;a na hekalunyi, kafuna woose wawekapa mbucha kulya hekalunyi, kapfuluo mesa tsa weilacha heleri, na shi&#7769;i sha walya waweikumba mbeta. 13Kawawia, &#8220;Kyikyi&#7775;eie, &#8216;Numba yako yechilago numba ya kyiterewionyi,&#8217; kyaindi nyoe moigaluo iwa usanja lo wasokyi.&#8221; 14Na shipfupfu&#7775;e na shiwete shikayenda kokye akyeri kulya hekalunyi, kashikyi&#7775;a. 15Kyaindi wang'anyi wa makohanyi na walosha wa mawawaso kyiyeri walewona ma&#7775;iyisho alewuta, na kyiyeri wana walekuilenga na ma&#7775;ui gawo hekalunyi, wechigamba, &#8220;Hosiana, Mono-Dawidi&#8221; walesuo, 16wakammbia, &#8220;Uichuoe chandu iwa waigamba?&#8221; Yesu kawawia, &#8220;Yee loi. Mulandeicho kye &#8216;Kui ma&#7769;umbu ga wana wanangu na waionga nuleafutsia kyi&#7775;umi?&#8217; &#8221; 17Kalekana nawo, kayenda nja ya m&#7775;i m&#7775;asa Betania, kalaa pfo.</div><div class="s">Iseso lya Mfumu</div><div class="r">(Mak 11:12-14, 20-24)</div><div class="p"> 18Na lyilya kulekya kyiyeri aweiyenda m&#7775;inyi, nalewo&#7769;o nyi njaa. 19Kawona mfumu umwi mbai ya njia, kayenda halya-ndu uwekyeri, alawone pfo kyindo sile ma&#7775;a tupu. Kauwia, &#8220;Kulawonekye ndunda kopfo wookyia inu m&#7775;asa mlungana.&#8221; Mfumu ukouma cha ilyi. 20Kyiyeri wanalosho walewona, wale&#7775;iyio, wechigamba, &#8220;Nyi wu&#7769;a mfumu ouma cha ilyi?&#8221; 21Yesu kagaluo, kawawia, &#8220;Ny'kyaloi, ngammbia, mukowa&#7769;a ii&#7769;ikyia, mulandewe wandu weilacha-ilacha kyilya moi&#7769;ikyia, mochi&#7775;unda chi ilyo lya mfumu tupu-pfo, kyaindi maa mukowia fumvu-lyi, &#8216;Kuluka, uwiyitso ipalyipalyinyi,&#8217; kyechi&#7775;undika. 22Na shoose mochishiterewa kyiterewonyi mochii&#7769;ikyia, mochiambilyia.&#8221;</div><div class="s">Mbonyi tsa Wuchilyi wo Yesu</div><div class="r">(Mak 11:27-33; Luk 20:1-8)</div><div class="p"> 23Na kyiyeri amwi&#7769;e na hekalunyi wang'anyi wa makohanyi na wasongoru wa wandu wakayenda kokye kyiyeri aweilosha, wakagamba, &#8220;Nyi kui wuchilyi wuha uiwuta shindo-shi? Na oe nyi wui alekuenenga wuchilyi-wu?&#8221; 24Yesu kagaluo, kawawia, &#8220;Na inyi ngyemmbesa kyindo kyimwi na nyoe mukongyigaluo, inyi ngyechimmbia nyi kui wuchilyi wuha ngyiwuta ishi. 25Wupatiso wa Yohane wulewuka kwi? Wulewuka ruwewu, ang'u ko wandu?&#8221; Wakawesana wo wenyi ko wenyi, wechigamba, &#8220;Lukogamba, wulewuka ruwewu, neluwia, &#8216;Ny'kyilyi-ng'u mulalemwi&#7769;ikyia?&#8217; 26Na lukogamba, &#8216;Wulewuka ko wandu,&#8217; luiowuo kyisanzionyi; kyipfa wandu woose wawonyi Yohane nyi moonguo shisuku.&#8221; 27Wakagaluo Yesu, wakagamba, &#8220;Luichi-pfo.&#8221; Na oe kawawia, &#8220;Maa inyi ngyimmbia nyoe nyi kui wuchilyi wuha ngyiwuta ishi-pfo.&#8221;</div><div class="s">Mfano o Wana Wawi wa Kyiso&#7775;o</div><div class="p"> 28&#8220;Kyaindi muwonyi ku&#7769;a? Mndu umwi nawewo&#7769;e wana wawi. Kayenda ko ulya o kuwooka, kagamba, &#8216;Mono-ko, inu yenda unde&#7775;unda &#7769;emenyi lya msabibu.&#8217; 29Kagaluo kagamba, &#8216;Ngyiyenda, Mndumii,&#8217; alayende. 30Kayenda ko ulya o kawi, kagamba wu&#7769;o. Na oe kagaluo, kagamba, &#8216;Ngyikundi-pfo.&#8217; Numa ya iho katerewa ihoo&#7775;io, kayenda. 31Ngyesa kyii&#7769;i kya iwo wawi nyi uha ale&#7775;unda kyilya awuye akundi?&#8221; Wakammbia, &#8220;Nyi ulya o kawi.&#8221; Kyasia Yesu kawawia, &#8220;Ny'kyaloi ngammbia, wesania ukamba na ma&#7775;ai waimusongoya ii&#7769;a na Wumangyinyi wo Ruwa. 32Cha kyipfa Yohane nalecha na konyu kui njia ya wusumganyi, nyoe mulamwi&#7769;ikyie. Kyaindi wesania ukamba na ma&#7775;ai walemwi&#7769;ikyia; na nyoe maa lyilya mulewona, mule&#7769;umbuya kundu mumwi&#7769;ikyie-pfo.&#8221;</div><div class="s">Mfano o Wa&#7769;emi</div><div class="r">(Mak 12:1-12; Luk 20:9-19)</div><div class="p"> 33&#8220;A&#7769;anyienyi mfano ungyi. Kuwewo&#7769;e mndu umwi monyi kanyi, na oe nalewaaya sabibu &#7769;emenyi lyakye, kalyiringyichia u&#7775;igo, kasuma rina lyekamia mpfinyo makyi&#7769;i-gawi galyo, kawika kyitaanga, kagawia wa&#7769;emi &#7769;ema lyilya, kayenda kyaro. 34Ilyi kyiyeri kyesambuo kyiletikyira kufuhi, ka&#7769;uma wa&#7775;undi wakye ko wa&#7769;emi walya, waambilyie ndunda tsakye. 35Wa&#7769;emi walya wakawa&#7769;a wa&#7775;undi walya, ichu wakamkapa, na ichu wakammbaaga, na ichu wakamkapa na magoe. 36Ka&#7769;uma-se wa&#7775;undi wengyi wafoi kuta walya wa kuwooka, wakawawutia wu&#7769;o. 37Mafurumionyi ka&#7769;uma mono-kye o womi kowo, echigamba, weindia mono-ko. 38Kyaindi wa&#7769;emi walya kyiyeri walewona mana ulya, waka&#7769;e&#7769;a wo wenyi ko wenyi, wechigamba, &#8216;Ichu nyi mokyio&#7775;a. Sindenyi lummbaage, lu&#7769;uo kyoo&#7775;a kyakye.&#8217; 39Wakammba&#7769;a, wakammbiyitsa nja ya &#7769;ema lya msabibu wakammbaaga. 40Kyasia kyiyeri echicha mndumii ulya o &#7769;ema lya msabibu nechiwutia kyi wa&#7769;emi-wo?&#8221; 41Wakammbia, &#8220;Nechirumatsa uwicho walya wawicho; na &#7769;ema lya msabibu nechigawia wa&#7769;emi wengyi, wechimtaa ndunda kui kyiyeri kyiwa&#7775;i.&#8221; 42Yesu kawawia, &#8220;Muichi chandu kyikyeri shi&#7775;eionyi:</div><div class="q1">&#8216;Igoe walelyilega wewika numba,</div><div class="q2">ilyo lyawa igoe lying'anyi lya ndumbenyi;</div><div class="q1">&#7769;e&#7769;o-lyi lyiwukyie ko Mndumii,</div><div class="q2">nalyo nyi kyi&#7775;iyisho mesonyi ga&#7769;u?&#8217; &#8221;</div><div class="m"> 43Kyipfa kya ikyo ngammbia, &#8220;Wumangyi wo Ruwa wochiwuto konyu, na ienengo isanga lyingyi lyekyekumbia ndunda tsa Wumangyi-wo. [ 44Na icho echioloka wuye ya igoe-lyo nechifinjika-finjika; na ulya lyechimwolokyia, lyechimsaa lyimmami&#7775;e.]&#8221; 45Wang'anyi wa makohanyi na Mafarisayo, kyiyeri waleicho mfano yakye, walemanya kye nyi kyawo ai&#7769;e&#7769;a. 46Nawo kyiyeri walepfula immba&#7769;a, waleowuo wuingyi wo wandu, cha kyipfa wo walemmbona nai moonguo shisuku.</div>
 </div>
 </div>
</div>

New Testament in Kivunjo © Bible Society of Tanzania, 1999.

Na lyilya waleshika kufuhi na Yerusalemu, na ishika Betifage, kyikaṟo kyiwekyeri msaṟinyi o mashiṙi ga mseituni, naaho-ng'u Yesu aleṙuma wanalosho wawi, echiwawia, “Yendenyi mṟasa kyikaṟo kyilya kyikyeri mbele ya ushangu lonyu, na cha ilyi mowona nzoi ingyipfungye, na igache lya nzoi hamwi nayo; tsipfunguonyi mungyiendie. Na kokooya mndu ammbesa kyindo, gambenyi, ‘Mndumii nawoṙe kyindo akundi iwuta natso,’ na kulawoṙe iṙetsa kyiyeri nechitsiende.” Ishi shoose shechiwa, kundu kyiafukyie kyindo kyilya kyileṙeṙo nyi moonguo shisuku echigamba,
“Wienyi mṟi o Sion,
mangyi opfo naicha na kopfo,
namhoo, na oe naṙamie wuye ya nzoi.
Na igache lya nzoi, mana o nzoi.”
Wanalosho walya wakayenda, wakawuta chandu Yesu alewawia. Wakaende nzoi iya na igache lya nzoi, wakawikyia nguwo tsawo wuye yatso, na oe kaṙamia wuye yayo. Wandu wafoi wa kyisanzionyi kyilya wakaala nguwo tsawo njienyi; na wengyi wakamanya maṟamba ga mashiṙi, wakagaala njienyi. Na wuingyi wo wandu wawesongoi, na walya walemwosha, wakakuilenga na ṟui lying'anyi wechigamba,
“Hosiana, Mono-Dawidi!
Nyi oe ammbikyie mboṟa,
ulya aicha kui rina lya Mndumii,
Hosiana wuye ruwewu.”
Na lyilya aleiṙa na Yerusalemu, mṟi oose ukowaṙa ndiṟimo tsing'anyi, wandu wechigamba, “Nyi wui ichu?” Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”


Yesu kaiṙa na hekalunyi, kafuna woose wawekapa mbucha kulya hekalunyi, kapfuluo mesa tsa weilacha heleri, na shiṙi sha walya waweikumba mbeta. Kawawia, “Kyikyiṟeie, ‘Numba yako yechilago numba ya kyiterewionyi,’ kyaindi nyoe moigaluo iwa usanja lo wasokyi.” Na shipfupfuṟe na shiwete shikayenda kokye akyeri kulya hekalunyi, kashikyiṟa. Kyaindi wang'anyi wa makohanyi na walosha wa mawawaso kyiyeri walewona maṟiyisho alewuta, na kyiyeri wana walekuilenga na maṟui gawo hekalunyi, wechigamba, “Hosiana, Mono-Dawidi” walesuo, wakammbia, “Uichuoe chandu iwa waigamba?” Yesu kawawia, “Yee loi. Mulandeicho kye ‘Kui maṙumbu ga wana wanangu na waionga nuleafutsia kyiṟumi?’ ” Kalekana nawo, kayenda nja ya mṟi mṟasa Betania, kalaa pfo.


Na lyilya kulekya kyiyeri aweiyenda mṟinyi, nalewoṙo nyi njaa. Kawona mfumu umwi mbai ya njia, kayenda halya-ndu uwekyeri, alawone pfo kyindo sile maṟa tupu. Kauwia, “Kulawonekye ndunda kopfo wookyia inu mṟasa mlungana.” Mfumu ukouma cha ilyi. Kyiyeri wanalosho walewona, waleṟiyio, wechigamba, “Nyi wuṙa mfumu ouma cha ilyi?” Yesu kagaluo, kawawia, “Ny'kyaloi, ngammbia, mukowaṙa iiṙikyia, mulandewe wandu weilacha-ilacha kyilya moiṙikyia, mochiṟunda chi ilyo lya mfumu tupu-pfo, kyaindi maa mukowia fumvu-lyi, ‘Kuluka, uwiyitso ipalyipalyinyi,’ kyechiṟundika. Na shoose mochishiterewa kyiterewonyi mochiiṙikyia, mochiambilyia.”


Na kyiyeri amwiṙe na hekalunyi wang'anyi wa makohanyi na wasongoru wa wandu wakayenda kokye kyiyeri aweilosha, wakagamba, “Nyi kui wuchilyi wuha uiwuta shindo-shi? Na oe nyi wui alekuenenga wuchilyi-wu?” Yesu kagaluo, kawawia, “Na inyi ngyemmbesa kyindo kyimwi na nyoe mukongyigaluo, inyi ngyechimmbia nyi kui wuchilyi wuha ngyiwuta ishi. Wupatiso wa Yohane wulewuka kwi? Wulewuka ruwewu, ang'u ko wandu?” Wakawesana wo wenyi ko wenyi, wechigamba, “Lukogamba, wulewuka ruwewu, neluwia, ‘Ny'kyilyi-ng'u mulalemwiṙikyia?’ Na lukogamba, ‘Wulewuka ko wandu,’ luiowuo kyisanzionyi; kyipfa wandu woose wawonyi Yohane nyi moonguo shisuku.” Wakagaluo Yesu, wakagamba, “Luichi-pfo.” Na oe kawawia, “Maa inyi ngyimmbia nyoe nyi kui wuchilyi wuha ngyiwuta ishi-pfo.”

“Kyaindi muwonyi kuṙa? Mndu umwi nawewoṙe wana wawi. Kayenda ko ulya o kuwooka, kagamba, ‘Mono-ko, inu yenda undeṟunda ṙemenyi lya msabibu.’ Kagaluo kagamba, ‘Ngyiyenda, Mndumii,’ alayende. Kayenda ko ulya o kawi, kagamba wuṙo. Na oe kagaluo, kagamba, ‘Ngyikundi-pfo.’ Numa ya iho katerewa ihooṟio, kayenda. Ngyesa kyiiṙi kya iwo wawi nyi uha aleṟunda kyilya awuye akundi?” Wakammbia, “Nyi ulya o kawi.” Kyasia Yesu kawawia, “Ny'kyaloi ngammbia, wesania ukamba na maṟai waimusongoya iiṙa na Wumangyinyi wo Ruwa. Cha kyipfa Yohane nalecha na konyu kui njia ya wusumganyi, nyoe mulamwiṙikyie. Kyaindi wesania ukamba na maṟai walemwiṙikyia; na nyoe maa lyilya mulewona, muleṙumbuya kundu mumwiṙikyie-pfo.”


“Aṙanyienyi mfano ungyi. Kuwewoṙe mndu umwi monyi kanyi, na oe nalewaaya sabibu ṙemenyi lyakye, kalyiringyichia uṟigo, kasuma rina lyekamia mpfinyo makyiṙi-gawi galyo, kawika kyitaanga, kagawia waṙemi ṙema lyilya, kayenda kyaro. Ilyi kyiyeri kyesambuo kyiletikyira kufuhi, kaṙuma waṟundi wakye ko waṙemi walya, waambilyie ndunda tsakye. Waṙemi walya wakawaṙa waṟundi walya, ichu wakamkapa, na ichu wakammbaaga, na ichu wakamkapa na magoe. Kaṙuma-se waṟundi wengyi wafoi kuta walya wa kuwooka, wakawawutia wuṙo. Mafurumionyi kaṙuma mono-kye o womi kowo, echigamba, weindia mono-ko. Kyaindi waṙemi walya kyiyeri walewona mana ulya, wakaṙeṙa wo wenyi ko wenyi, wechigamba, ‘Ichu nyi mokyioṟa. Sindenyi lummbaage, luṙuo kyooṟa kyakye.’ Wakammbaṙa, wakammbiyitsa nja ya ṙema lya msabibu wakammbaaga. Kyasia kyiyeri echicha mndumii ulya o ṙema lya msabibu nechiwutia kyi waṙemi-wo?” Wakammbia, “Nechirumatsa uwicho walya wawicho; na ṙema lya msabibu nechigawia waṙemi wengyi, wechimtaa ndunda kui kyiyeri kyiwaṟi.” Yesu kawawia, “Muichi chandu kyikyeri shiṟeionyi:
‘Igoe walelyilega wewika numba,
ilyo lyawa igoe lying'anyi lya ndumbenyi;
ṙeṙo-lyi lyiwukyie ko Mndumii,
nalyo nyi kyiṟiyisho mesonyi gaṙu?’ ”
Kyipfa kya ikyo ngammbia, “Wumangyi wo Ruwa wochiwuto konyu, na ienengo isanga lyingyi lyekyekumbia ndunda tsa Wumangyi-wo. [ Na icho echioloka wuye ya igoe-lyo nechifinjika-finjika; na ulya lyechimwolokyia, lyechimsaa lyimmamiṟe.]” Wang'anyi wa makohanyi na Mafarisayo, kyiyeri waleicho mfano yakye, walemanya kye nyi kyawo aiṙeṙa. Nawo kyiyeri walepfula immbaṙa, waleowuo wuingyi wo wandu, cha kyipfa wo walemmbona nai moonguo shisuku.

Dinleyin Matayo 21