 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

عِيسَى وِعِ ݠُکَرَعٜنْ مُوطُمْ‏: «وَلَا مٛ وَاوَتَ حَطُغٛ کٛ نَسْتِنْتَ يِمْࢡٜ ندٜرْ حَکّٜ؞ عَمَّا بٛنٜ لَاتَنْتٛ نٜطّٛ مٛ لَاتِ دَلِيلَ مَاجُمْ‏! ندِکَّنَ مٛ ࢡٜࢡِلَ حَيْرٜ نَمَرْدٜ مَوْندٜ حَا دَاندٜ مَاکٛ، ࢡٜنجٛلَّ مٛ ندٜرْ مبٜىٰلَ، دٛوْ عٛدٛعَّ غٛوتٛ ࢡُرْطٛ ڢَمْطُغٛ عٛو ندٜرْ حَکّٜ؞ کَکِّلَنٜ کٛعٜ مٛوطٛنْ‏!
«تٛ دٜىٰرْطِرَاوٛ مَ وَطِ حَکّٜ، ڢٜلْ مٛ؞ تٛ عٛتُوبِ، يَاڢَ مٛ؞ تٛ عٛوَطِ مَ عَيْبٜ ندٜ جٛوٜىٰطِطِ ندٜرْ ࢩَلَادٜ، ندٜنْ بٛو ندٜ جٛوٜىٰطِطِ مَنْ ڢُو، عٛلٛرِ حَا مَاطَ بٜى وِعْغٛ‏: مِتُوبِ، يَاڢَ مٛ؞»

نٜلَاࢡٜ مبِعِ جَوْمِرَاوٛ‏: «ࢡٜسْدَنْ مِنْ نُطِّنْکِ‏!» جَوْمِرَاوٛ بٛو وِعِ‏: «تٛ عٛنْ نغٛودِ نُطِّنْکِ کٛو سٜطَّ بَنَ غَوٜلْ شِتَّ، عٛنْ مبِعَنْ دُندٜىٰحِ کِعِ‏: طٛوڢَ، يَحْ طِسٛيَ ندٜرْ مبٜىٰلَ؞ کِ طٛوْتَنْتٛ عٛنْ؞»

«مٛيْ حَا مٛوطٛنْ مَرِ کُووٛووٛ، مٛ طٛنْ رٜمَ مَلَّ طٛنْ دُرَ دَبَّاجِ، تٛ کُووٛووٛ عٛو وَرْتِ نغٜسَ، عٛوِعَ مٛ‏: وَرْ لَوْ، ࢩَامْ؟ نَا عٛوِعَنْ مٛ‏: تَاسْکِتِنَمْ کٛ مِࢩَامَ، ࢡٛرْنَ لِمْشٜ کُوغَلْ، حُووَنَمْ، حَا تٛ مِࢩَامِ عٜ مِيَرِ، ࢡَاوٛ مَاجُمْ عَنْ بٛو عَࢩَامَ عَيَرَ کَدِ؞ نَا نٛنْ نَ؟ کَدِ عٛيٜتَّنْ سُکَ عٛو نغَمْ عٛحُووَنِمٛ کٛ عٛعُمْرِمٛ نَ؟ بَنَ نٛنْ عٛنٛنْ بٛو، تٛ عٛنْ مبَطِ کٛ اَللَّه عُمْرِ عٛنْ ڢُو، مبِعٜ‏: مِنِنْ مِنْ حُووٛوࢡٜ مٜىٰرٜ، نغَمْ مِنْ کُووِ کٛ حَاندَنِنٛ مِنْ کُووَ تَنْ؞»

ندٜ عِيسَى طٛنْ يَحَ عُرُسَلِيمَ، عٛسَالٛرِ حَکُّندٜ سَمَرِيَ بٜى غَلِيلِ؞ عٛطٛنّٛ نَسْتَ وُرٛ ڢٜىٰرٜ، کُتُرُعٜنْ سَݠّٛ نغَرِ ڢٛتُّغٛ بٜى مَاکٛ؞ ࢡٜندَرِ دَايِيطُمْ، ࢡٜتٛوْنِ سَوْتُ، ࢡٜمبِعِ‏: «عِيسَى، جَاغٛرْطٛ، يُرْمِنْ مِنْ‏!» ندٜ عٛيِعِ ࢡٜ، عٛوِعِ ࢡٜ‏: «نجٜحٜ، شَݠِّنٜ ࢡَلِّ مٛوطٛنْ حَا لِمَنْعٜنْ؞» ندٜ ࢡٜطٛنْ نجَحَ، ࢡٜنجَمْطِتِ؞ غٛوتٛ مَࢡّٜ، ندٜ يِعِ يَمْطِتِ، لٛرِ، طٛنْ تٜدِّنَ اَللَّه بٜى سَوْتُ؞ عٛسُجِدِ کٛمْبِ عِيسَى، عٛيٜتِّمٛ؞ غٛطّٛ عٛو عٛ سَمَرِيَاجٛ؞ عِيسَى ࢨَمِ‏: «نَا سَݠّٛ ڢُو نجَمْطِتِ نَ؟ عٜ تٛيْ نجٛوٜىٰنَيٛ وٛطْࢡٜ؟ وَلَا کٛو غٛوتٛ مٛ نُمِ لٛرَاغٛ، تٜدِّنَ اَللَّه، سٜيْ جَنَنّٛ عٛو نَ؟» ندٜنْ عٛوِعِمٛ‏: «عُمَّ، دِلُّ، نُطِّنْکِ مَ حِسْنِ مَ؞»


ڢَرِسَعٜنْ ࢨَمِ عِيسَى‏: «ندٜيٜ لَامُ اَللَّه وَرَتَ؟» عٛجَابِ ࢡٜ‏: «لَامُ اَللَّه وَرَتَا بٜى عَلَامَاجِ غِعٜتٜىٰطِ؞ ࢡٜمبِعَتَا بٛو‏: ندَارٜ نغُ طٛنْ طٛ مَلَّ نغُ طٛنْ تٛ نغَمْ لَامُ اَللَّه طٛنْ شَکَ مٛوطٛنْ؞»
عٛوِعِ ݠُکَرَعٜنْ‏: «ࢩَلْطٜ نغَرَنْ، عٛنْ نغٜلَنْ يِعُغٛ ࢩَلَادٜ وٛورٜ ندٜرْ ࢩَلْطٜ ࢡِي-نٜطّٛ ، عَمَّا عٛنْ نغِعَتَا ندٜ؞ ࢡٜمبِعَنْ عٛنْ‏: ندَا عٛطٛنْ طٛ، عٛطٛنْ تٛ؞ تَا نجٜحٜ تٛنْ، تَا ندٛغّٜ تٛنْ؞ نغَمْ بَنَ مَعّٜرٜ مَعِّرْتَ وَکٜىٰرٜ عَسَمَ ندٜعٜ ندٜنْ جَيْنغٛلْ مَارٜ طٛنْ يٛتّٛ حَا وَکٜىٰرٜ ندٜيَ، بَنَ نٛنْ ࢡِي-نٜطّٛ لَاتٛرْتٛ ندٜرْ ࢩَلَادٜ مُمْ؞ عَمَّا عَرَنْ، عٛيَرَنْ بٛنٜ طُوطُّمْ، يِمْࢡٜ زَمَنُورُ ندُعُ نغُدِنَنْ مٛ؞ کٛ لَاتِنٛ ندٜرْ زَمَنُ نُوحُ، طُمْ لَاتٛتٛ بَنَ نٛنْ بٛو ندٜرْ ࢩَلْطٜ ࢡِي-نٜطّٛ؞ يِمْࢡٜ طٛنّٛ ࢩَامَ، نجَرَ، تٜعَ، تٜعَنَ ࢡِيُمْعٜنْ، حَا ࢩَلَادٜ نُوحُ نَسْتِ کٛومْبٛوَلْ، عِلَمْ تُوڢَانَ وَرِ حَلْکِ ࢡٜ ڢُو؞ طُمْ لَاتٛتٛ بٛو بَنَ ندٜرْ زَمَنُ لُوطُ‏: يِمْࢡٜ طٛنّٛ ࢩَامَ، نجَرَ، شٛودَ، شٛورَّ، عَاوَ، مَحَ شُوطِ؞ عَمَّا ࢩَلَادٜ لُوطُ وُرْتِ سٛدٛمَ، اَللَّه تٛࢡْنِ يِيتٜ عٜ بَرُودُ دِغَ دٛوْ بَنَ عِيٜىٰندٜ، حَلْکِ لُتُّࢡٜ ڢُو؞ بَنَ نٛنْ طُمْ لَاتٛتٛ ࢩَنْدٜ بَنغُکِ ࢡِي-نٜطّٛ؞
«ࢩَلَادٜ مَنْ، مٛ طٛنْ دٛوْ سٛورٛوٛلْ تَا جِݠّٛ نغَمْ حٛوعُغٛ کُوجٜ مُوطُمْ ندٜرْ سُودُ مُمْ؞ نٛنْ بٛو نغَمْ غٛنْطٛ حَا نغٜسَ، تَا لٛرٛ سَمْ؞ شِڢْتٛرٜ دٜبّٛ لُوطُ؞ کٛو مٛيْ يِطِ حِسْنُغٛ يٛنغْکِ مُمْ، مَجِّنَنْ کِ، عَمَّا مٛ مَجِّنِ کِ بٛو، حٜࢡْتَنْ کِ؞ مِطٛنْ وِعَ عٛنْ، جٜمَّارٜ مَاجُمْ يِمْࢡٜ طِطٛ نغٛنْدَنْ دٛوْ لٜىٰسٛ وٛوتٛ، غٛوتٛ حٛوسٜ، غٛوتٛ عَشّٜ؞ رٜوْࢡٜ طِطٛ نَمْدَنْ دٛوْ نَمَرْدٜ وٛورٜ، غٛوتٛ حٛوسٜ، غٛوتٛ عَشّٜ؞ ‏[‏ يِمْࢡٜ طِطٛ نغٛنْدَنْ ندٜرْ نغٜسَ، غٛوتٛ حٛوسٜتٜ، غٛوتٛ بٛو عَشّٜ؞]‏» ݠُکَرَعٜنْ مَاکٛ مبِعِمٛ‏: «حَا تٛيْ طُمْ لَاتٛتٛ، جَوْمِرَاوٛ؟» عٛوِعِ ࢡٜ‏: «حَا ࢩَوْمَندٜ وٛنِ ڢُو، تٛنْ جِغَاجٜ مٛوࢡْتٛتٛ؞»

Dinleyin لُکَ 17