Kupang Malay - 2016 UBB (NT) Non Drama

Kupang Malay - 2016 UBB (NT) Drama

<div class="version vid1287 iso6393mkn" data-vid="1287" data-iso6393="mkn">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Carita so&#42892;al janda satu, deng hakim yang sonde bae</div><div class="p"> 1Satu kali, Yesus ajar Dia pung ana bua dong pake umpama, ko dong sambayang sonde putus-putus, deng sonde ilang samangat. Dong musti parcaya tar&#250;s sang Tuhan. 2Dia pung carita bagini: &#8220;Di satu kota ada satu hakim yang sonde toe sang Tuhan Allah. Dia sonde nodek sang sapa-sapa ju. 3Di situ ju ada satu mama janda yang maen datang di itu hakim ko minta bilang, &#8216;Bapa hakim! Putus dolo beta pung parkara deng bat&#250;l, &#243;!&#8217;</div><div class="p"> 4Mula-mula itu hakim sonde paduli deng itu janda. Ma lama-lama dia bosan dengar sang dia. Ais dia dudu pikir bilang, &#8216;Memang beta ni sonde toe sang Tuhan Allah, lebe-lebe deng manusia. 5Ma ini janda su bekin pusing sang beta. Tagal itu, lebe bae beta putus dia pung parkara deng fer dolo. Kalo sonde, nanti dia maen datang bekin cape sang beta tar&#250;s.&#8217;</div><div class="p"> 6Naa, bosong pikir coba itu hakim jahat pung omong tu. 7Kalo lama-lama dia su tolong itu janda, tantu Tuhan Allah ju mau tolong Dia pung orang yang sambayang siang-malam ko minta tolong sang Dia. Ma Tuhan sonde tunda-tunda. 8Te Dia urus dong pung parkara deng cap&#225;t. Naa, Beta mau tanya bagini: kalo Beta, Manusia Tulen ni, su datang kambali, kira-kira Beta masi bisa katumu deng orang parcaya di bumi, ko sonde?&#8221;</div><div class="s1">Orang Farisi satu deng tukang tagi bea satu pi sambayang</div><div class="p"> 9Yesus carita tamba satu umpama so&#42892;al orang yang pung parcaya diri tinggi, deng suka pandang enteng orang laen. Dia carita bilang, 10&#8220;Ada dua bapa pi sambayang di Ruma Sambayang Pusat. Yang satu, orang dari partei agama Farisi; yang satu lai, tukang tagi bea. [Orang Yahudi dong anggap orang Farisi dong, orang suci. Ma dong anggap tukang tagi bea dong, orang sonde bae.] 11Sampe di ruma sambayang ju, itu orang Farisi badiri sandiri ko sambayang bilang, &#8216;Tarima kasi Tuhan, te beta ni, orang bae. Beta sonde jahat ke orang laen dong. Beta sonde jadi pancuri. Beta sonde parakus. Beta sonde maen serong. Tarima kasi, Tuhan, te beta ju sonde jahat ke ini tukang tagi bea ni. 12Beta rajin puasa satu minggu dua kali. Deng beta salalu kasi perpuluhan dari samua yang beta dapa.&#8217; Itu orang Farisi sambayang bagitu.</div><div class="p"> 13Ma itu tukang tagi bea badiri jao-jao di balakang. Dia sonde barani angka muka ko lia pi langit. Dia cuma sambayang tondo kapala deng hati ancor bilang, &#8216;Ee! Tuhan Allah. Kasian sang beta, manusia bardosa ni! Kasi ampon sang beta!&#8217;</div><div class="p"> 14Naa, waktu itu dua orang pulang pi dong pung ruma, kira-kira sapa yang babae deng Tuhan Allah? Itu orang Farisi yang sombong, ko, itu orang tagi bea? Pasti Dia tarima bae itu tukang tagi bea yang rand&#225; hati. Ma Dia sonde toe sang itu orang Farisi. Te Tuhan Allah kasi jato orang sombong, ma Dia angka nae orang yang rand&#225; hati.&#8221;#Mateos 23:12; Lukas 14:11</div><div class="s1">Tuhan Yesus omong kasi berkat sang ana-ana</div><div class="r">(Mateos 19:13-15; Markus 10:13-16)</div><div class="p"> 15Satu kali, orang dong ada koko bawa dong pung ana mea pi Yesus, ko biar Dia taro tangan deng omong kasi berkat sang dong. Lia bagitu, ju Yesus pung ana bua dong togor sang itu orang dong. 16-17Ma Yesus sambut ame itu ana-ana dong datang sang Dia. Ais Dia togor Dia pung ana bua dong bilang, &#8220;Kasi tenga ko itu ana kici dong datang sang Beta. Bosong jang palang sang dong. Inga bae-bae! Te orang yang mau jadi Tuhan Allah pung orang, dia musti bagantong sang Tuhan Allah, sama ke ana kici bagantong sang dong pung mama deng papa.&#8221;</div><div class="s1">Orang kaya yang kapingin maso sorga</div><div class="r">(Mateos 19:16-30; Markus 10:17-31)</div><div class="p"> 18Satu kali, ada orang Yahudi pung orang b&#233;sar satu datang tanya sang Yesus bilang, &#8220;Bapa Guru yang terhormat! Beta musti bekin karmana ko biar beta tau pars&#237;s bilang, beta bisa maso sorga ko idop tar&#250;s deng Tuhan Allah?&#8221;</div><div class="p"> 19Ju Yesus manyao bilang, &#8220;Akurang ko lu sapa sang Beta bilang, &#8216;yang terhormat&#8217;? Cuma satu sa yang terhormat, andia Tuhan Allah sa. 20Naa! Lu su tau, to, Tuhan Allah pung atoran dari dolu bilang:</div><div class="q2">Jang barsina;</div><div class="q2">jang bunu orang;</div><div class="q2">jang pancuri;</div><div class="q2">jang jadi saksi putar-balek;</div><div class="q2">deng kasi hormat sang lu pung mama deng papa.&#8221;#Kaluar dari Masir 20:12-16; Carita Ulang so&#42892;al Jalan Idop 5:16-20</div><div class="p"> 21Itu orang manyao bilang, &#8220;Bat&#250;l, Bapa! Beta su iko itu atoran dong mulai dari beta masi kici.&#8221;</div><div class="p"> 22Dengar bagitu, ju Yesus bilang, &#8220;Bae! Ma lu masi kurang satu hal. Andia, sakarang lu pulang ko jual lu pung harta samua. Ais itu, pi bagi-bagi itu doi kasi orang malarat dong. Ais itu, baru lu datang kambali ko iko sang Beta. Te nanti Tuhan Allah balas kasi lu harta di sorga.&#8221; 23Dengar bagitu, ju itu orang pung hati susa, te dia kaya mau mati.</div><div class="p"> 24Lia dia pi deng hati ancor, ju Yesus kasi tau Dia pung ana bua dong bilang, &#8220;Orang kaya memang paling susa maso sorga. 25Kotong banding deng hal laen. Memang sonde mungkin binatang onta yang b&#233;sar bisa maso pi dia pung kandang lewat lobang jarom. Bagitu ju orang yang cuma harap dia pung harta, ma sonde harap sang Tuhan, sonde mungkin dia bisa maso sorga.&#8221;</div><div class="p"> 26Orang yang dengar Yesus omong bagitu dong, tanya sang Dia bilang, &#8220;Kalo memang susa kasi orang kaya bagitu, na, orang macam karmana bisa dapa salamat?&#8221;</div><div class="p"> 27Yesus manyao bilang, &#8220;Buat manusia, memang banya hal sonde mungkin. Ma buat Tuhan Allah samua bisa jadi.&#8221;</div><div class="p"> 28Ju Petrus sambung bilang, &#8220;Papa! Botong su jalan kasi tenga botong pung harta samua, ko iko sang Papa. Ma botong nanti dapa apa?&#8221;</div><div class="p"> 29Yesus manyao bilang, &#8220;Pe&#42892;u! Dengar bae-bae! Orang yang kasi tenga dia pung ruma, dia pung bini, dia pung adi-kaka, dia pung orang tua, ko, dia pung ana-ana, tagal dia kasi jalan tugas dari Tuhan Allah, 30pasti dia tarima kambali lebe banya di ini dunya. Ais kalo ini dunya su kiamat, dia ju dapa idop tar&#250;s deng Tuhan Allah.&#8221;</div><div class="s1">Su tiga kali Tuhan Yesus omong Dia pung mati</div><div class="r">(Mateos 20:17-19; Markus 10:32-34)</div><div class="p"> 31Yesus bawa Dia pung ana bua dua blas orang ko pi omong sandiri deng dong bilang, &#8220;Bosong samua su tau bilang, sakarang kotong ada jalan pi kota Yerusalem. Sampe di sana, samua hal yang Tuhan pung jubir dong su tulis dolu so&#42892;al Manusia Tulen tu, nanti jadi pars&#237;s ke apa yang dong su tulis. 32Nanti dong sarakan sang Beta pi orang asing dong yang sonde parcaya sang Tuhan Allah. Ais dong olok-olok sang Beta, bekin hina macam-macam sang Beta, buang luda sang Beta, 33firuk sang Beta, abis bunu bekin mati sang Beta. Ma dia pung lusa, Beta idop kambali.&#8221;</div><div class="p"> 34Dengar Yesus pung omong bagitu, Dia pung ana bua dong bingung, tagal dong bal&#243;m bisa tangkap itu kata-kata pung arti.</div><div class="s1">Tuhan Yesus bekin bae orang buta satu</div><div class="r">(Mateos 20:29-34; Markus 10:46-52)</div><div class="p"> 35Waktu Yesus dong su mau maso pi kota Yeriko, ada satu orang buta yang ada dudu minta-minta di jalan pung pinggir. 36Waktu dia dengar orang banya dong lewat di situ ju, dia tanya bilang, &#8220;We! Ada apa ni?&#8221;</div><div class="p"> 37Ju orang kasi tau sang dia bilang, &#8220;Yesus, dari Nasaret, ada lewat di sini.&#8221;</div><div class="p"> 38Dengar bagitu, ju itu orang buta batarea kar&#225;s-kar&#225;s bilang, &#8220;Yesus! Raja Daud pung turunan, &#233;! Kasian ame sang beta dolo!&#8221;#18:38:Ada pung banyak pangkat yang tunju sang Mesias, ko, Kristus. Conto ke: Manusia Tulen, Tuhan Allah pung Ana, deng laen-laen. &#8216;Raja Daud pung turunan&#8217; ju satu pangkat kasi &#8216;Kristus&#8217;. Deng bagitu, ini orang buta mangaku bilang, Yesus tu, Kristus.</div><div class="p"> 39Orang yang jalan di muka Yesus togor sang dia ko suru diam. Ma dia ba&#42892;eki-eki tamba kuat lai bilang, &#8220;Raja Daud pung turunan, &#233;! Kasian sang beta dolo!&#8221;</div><div class="p"> 40Waktu Yesus dengar bagitu, ju Dia badiri. Ais Dia suru orang pi hela bawa itu orang buta. Sampe di Dia pung muka ju, Yesus tanya sang dia bilang, 41&#8220;Lu mau Beta bekin apa kasi sang lu?&#8221;</div><div class="p">Dia manyao bilang, &#8220;Bapa! Beta minta ko beta bisa dapa lia.&#8221;</div><div class="p"> 42Yesus manyao sang dia bilang, &#8220;Bae. Tagal lu parcaya bilang, Beta bisa bekin bae sang lu, jadi sakarang lu su bisa dapa lia.&#8221; 43Takuju sa, itu orang pung mata buta su bae memang. Ju dia iko sang Yesus deng puji-puji sang Tuhan Allah. Samua orang yang lia bagitu, ju angka nae puji sang Tuhan.</div>
 </div>
 </div>
</div>

Satu kali, Yesus ajar Dia pung ana bua dong pake umpama, ko dong sambayang sonde putus-putus, deng sonde ilang samangat. Dong musti parcaya tarús sang Tuhan. Dia pung carita bagini: “Di satu kota ada satu hakim yang sonde toe sang Tuhan Allah. Dia sonde nodek sang sapa-sapa ju. Di situ ju ada satu mama janda yang maen datang di itu hakim ko minta bilang, ‘Bapa hakim! Putus dolo beta pung parkara deng batúl, ó!’
Mula-mula itu hakim sonde paduli deng itu janda. Ma lama-lama dia bosan dengar sang dia. Ais dia dudu pikir bilang, ‘Memang beta ni sonde toe sang Tuhan Allah, lebe-lebe deng manusia. Ma ini janda su bekin pusing sang beta. Tagal itu, lebe bae beta putus dia pung parkara deng fer dolo. Kalo sonde, nanti dia maen datang bekin cape sang beta tarús.’
Naa, bosong pikir coba itu hakim jahat pung omong tu. Kalo lama-lama dia su tolong itu janda, tantu Tuhan Allah ju mau tolong Dia pung orang yang sambayang siang-malam ko minta tolong sang Dia. Ma Tuhan sonde tunda-tunda. Te Dia urus dong pung parkara deng capát. Naa, Beta mau tanya bagini: kalo Beta, Manusia Tulen ni, su datang kambali, kira-kira Beta masi bisa katumu deng orang parcaya di bumi, ko sonde?”

Yesus carita tamba satu umpama soꞌal orang yang pung parcaya diri tinggi, deng suka pandang enteng orang laen. Dia carita bilang, “Ada dua bapa pi sambayang di Ruma Sambayang Pusat. Yang satu, orang dari partei agama Farisi; yang satu lai, tukang tagi bea. [Orang Yahudi dong anggap orang Farisi dong, orang suci. Ma dong anggap tukang tagi bea dong, orang sonde bae.] Sampe di ruma sambayang ju, itu orang Farisi badiri sandiri ko sambayang bilang, ‘Tarima kasi Tuhan, te beta ni, orang bae. Beta sonde jahat ke orang laen dong. Beta sonde jadi pancuri. Beta sonde parakus. Beta sonde maen serong. Tarima kasi, Tuhan, te beta ju sonde jahat ke ini tukang tagi bea ni. Beta rajin puasa satu minggu dua kali. Deng beta salalu kasi perpuluhan dari samua yang beta dapa.’ Itu orang Farisi sambayang bagitu.
Ma itu tukang tagi bea badiri jao-jao di balakang. Dia sonde barani angka muka ko lia pi langit. Dia cuma sambayang tondo kapala deng hati ancor bilang, ‘Ee! Tuhan Allah. Kasian sang beta, manusia bardosa ni! Kasi ampon sang beta!’
Naa, waktu itu dua orang pulang pi dong pung ruma, kira-kira sapa yang babae deng Tuhan Allah? Itu orang Farisi yang sombong, ko, itu orang tagi bea? Pasti Dia tarima bae itu tukang tagi bea yang randá hati. Ma Dia sonde toe sang itu orang Farisi. Te Tuhan Allah kasi jato orang sombong, ma Dia angka nae orang yang randá hati.”


Satu kali, orang dong ada koko bawa dong pung ana mea pi Yesus, ko biar Dia taro tangan deng omong kasi berkat sang dong. Lia bagitu, ju Yesus pung ana bua dong togor sang itu orang dong. Ma Yesus sambut ame itu ana-ana dong datang sang Dia. Ais Dia togor Dia pung ana bua dong bilang, “Kasi tenga ko itu ana kici dong datang sang Beta. Bosong jang palang sang dong. Inga bae-bae! Te orang yang mau jadi Tuhan Allah pung orang, dia musti bagantong sang Tuhan Allah, sama ke ana kici bagantong sang dong pung mama deng papa.”


Satu kali, ada orang Yahudi pung orang bésar satu datang tanya sang Yesus bilang, “Bapa Guru yang terhormat! Beta musti bekin karmana ko biar beta tau parsís bilang, beta bisa maso sorga ko idop tarús deng Tuhan Allah?”
Ju Yesus manyao bilang, “Akurang ko lu sapa sang Beta bilang, ‘yang terhormat’? Cuma satu sa yang terhormat, andia Tuhan Allah sa. Naa! Lu su tau, to, Tuhan Allah pung atoran dari dolu bilang:
Jang barsina;
jang bunu orang;
jang pancuri;
jang jadi saksi putar-balek;
deng kasi hormat sang lu pung mama deng papa.”
Itu orang manyao bilang, “Batúl, Bapa! Beta su iko itu atoran dong mulai dari beta masi kici.”
Dengar bagitu, ju Yesus bilang, “Bae! Ma lu masi kurang satu hal. Andia, sakarang lu pulang ko jual lu pung harta samua. Ais itu, pi bagi-bagi itu doi kasi orang malarat dong. Ais itu, baru lu datang kambali ko iko sang Beta. Te nanti Tuhan Allah balas kasi lu harta di sorga.” Dengar bagitu, ju itu orang pung hati susa, te dia kaya mau mati.
Lia dia pi deng hati ancor, ju Yesus kasi tau Dia pung ana bua dong bilang, “Orang kaya memang paling susa maso sorga. Kotong banding deng hal laen. Memang sonde mungkin binatang onta yang bésar bisa maso pi dia pung kandang lewat lobang jarom. Bagitu ju orang yang cuma harap dia pung harta, ma sonde harap sang Tuhan, sonde mungkin dia bisa maso sorga.”
Orang yang dengar Yesus omong bagitu dong, tanya sang Dia bilang, “Kalo memang susa kasi orang kaya bagitu, na, orang macam karmana bisa dapa salamat?”
Yesus manyao bilang, “Buat manusia, memang banya hal sonde mungkin. Ma buat Tuhan Allah samua bisa jadi.”
Ju Petrus sambung bilang, “Papa! Botong su jalan kasi tenga botong pung harta samua, ko iko sang Papa. Ma botong nanti dapa apa?”
Yesus manyao bilang, “Peꞌu! Dengar bae-bae! Orang yang kasi tenga dia pung ruma, dia pung bini, dia pung adi-kaka, dia pung orang tua, ko, dia pung ana-ana, tagal dia kasi jalan tugas dari Tuhan Allah, pasti dia tarima kambali lebe banya di ini dunya. Ais kalo ini dunya su kiamat, dia ju dapa idop tarús deng Tuhan Allah.”


Yesus bawa Dia pung ana bua dua blas orang ko pi omong sandiri deng dong bilang, “Bosong samua su tau bilang, sakarang kotong ada jalan pi kota Yerusalem. Sampe di sana, samua hal yang Tuhan pung jubir dong su tulis dolu soꞌal Manusia Tulen tu, nanti jadi parsís ke apa yang dong su tulis. Nanti dong sarakan sang Beta pi orang asing dong yang sonde parcaya sang Tuhan Allah. Ais dong olok-olok sang Beta, bekin hina macam-macam sang Beta, buang luda sang Beta, firuk sang Beta, abis bunu bekin mati sang Beta. Ma dia pung lusa, Beta idop kambali.”
Dengar Yesus pung omong bagitu, Dia pung ana bua dong bingung, tagal dong balóm bisa tangkap itu kata-kata pung arti.


Waktu Yesus dong su mau maso pi kota Yeriko, ada satu orang buta yang ada dudu minta-minta di jalan pung pinggir. Waktu dia dengar orang banya dong lewat di situ ju, dia tanya bilang, “We! Ada apa ni?”
Ju orang kasi tau sang dia bilang, “Yesus, dari Nasaret, ada lewat di sini.”
Dengar bagitu, ju itu orang buta batarea karás-karás bilang, “Yesus! Raja Daud pung turunan, é! Kasian ame sang beta dolo!”
Orang yang jalan di muka Yesus togor sang dia ko suru diam. Ma dia baꞌeki-eki tamba kuat lai bilang, “Raja Daud pung turunan, é! Kasian sang beta dolo!”
Waktu Yesus dengar bagitu, ju Dia badiri. Ais Dia suru orang pi hela bawa itu orang buta. Sampe di Dia pung muka ju, Yesus tanya sang dia bilang, “Lu mau Beta bekin apa kasi sang lu?”
Dia manyao bilang, “Bapa! Beta minta ko beta bisa dapa lia.”
Yesus manyao sang dia bilang, “Bae. Tagal lu parcaya bilang, Beta bisa bekin bae sang lu, jadi sakarang lu su bisa dapa lia.” Takuju sa, itu orang pung mata buta su bae memang. Ju dia iko sang Yesus deng puji-puji sang Tuhan Allah. Samua orang yang lia bagitu, ju angka nae puji sang Tuhan.

Dinleyin Lukas 18