Kamano

<div class="version vid1236 iso6393kbq" data-vid="1236" data-iso6393="kbq">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Maria'a, Jisasi agiare masave frente'nea naneke</div><div class="r">(Mat 26:6-13, Mak 14:3-9)</div><div class="p"> 1Kinafinti Jiu vahe zamare'nea kna (Pasova) 6si'a zgegna atupa nehigeno, fri'nefinti azeri oti'nea ne' Lasarusi'ma nemnia kumate Jisasi'a Betani uhanati'ne. 2Anante Jisasima hu'nea nezana retro hunte'naze. Mata'a ne'za netigeno Lasarusi'ene, mago'a vahe'ene kave'ne sipare mani'naze. 3Trazamofo rafu'nareti tro hu'naza msavena, zgo'amo mreri'nea masaventafe Maria'a erino, Jisasina agiare tagino frenteteno, anu azokateti eri ho'mu huntegeno, ana nomofona mana'amo avite'ne. 4Hianagi Judas Iskariot, mago amage nentea disaipol ne'mo, komoru huno Jisasina avreno ha' vahe zamazampi antesimo anage hu'ne, 5na'a hanigeta ama msavena 3 hantreti'a silva zgorera atreta, zgo erita#11 ni'a ikamofo mizan kna hu'ne. zamunte omne vahera zamaza osugahuno? 6Menima Judas Iskariotima ama kema nehiana, na'ankure agra zamunte omne vahe zamaza hunaku nentahino nosie, hagi agra kumza nere. Zgo tafente kva nehia nekino, ome nentazana osi'a anampinkati musufa eritere nehia ne'mo anage higeno, 7Jisasi'a anage hu'ne, Asenante'saza knagu avega ante'nea zanki, atrenkeno agra ana hino. 8Na'ankure zamunte omne vahe'mo'za maka kna tamagra ne manigahaze, hianagi Nagra, tamagra nena maka kna omnigahue.</div><div class="p"> 9Maka Jiu vahe'mo'za antahizana Jisasi emani'ne hige'za, zamagra Jisasinke kenaku ome'nazanki, Lasarusima, fri'nefinti azeri oti'nea ne' kenaku e'naze. 10Ana nehu'za vugota prisi vahe'mo'za Lasarusi'nena ahe frinaku ke anaki'naze. 11Na'ankure Lasarusinte'ma fore hu'nea'zanku, rama'a Jiu vahe'mo'za atre'za nevu'za Jisasinte zamentinti hu'naze.</div><div class="s">Jisasima Jerusalem ufre'nea naneke</div><div class="r">(Mat 21:1-11, Mak 11:1-11, Luk 19:28-40)</div><div class="p"> 12Anante nanterana rama'a vahe'mo'za, kinafinti zamare'nea knagu antahimiza ne'za (Pasova) nenaza knare e'namo'za, Jisasi'a Jerusale ne-ea ke antahi'naze. 13Antahite'za tofe zafamofo ani'na hantagi'za e'neri'za, ome ke'za amrara nehu'za kezati'za, Tza huogu ke'za netune! (Hosana!) Ramofo Agifi ne-ea nera agi'a hentesga hanune! Israeli vahemofo kinia agi'a hentesga hanune! 14Jisasi'a mago agaho ve tonki afu keteno, agumpi mrerino mani'ne, kasnampa vahe'mo'za korapa krente'naza kemo efore hu'ne. 15Korera osiho Saion veara, Keho tmagri Kinimo, agaho ve donki afumofo agumpi manino ne-e. (Zek 9:9) 16Agri amage nentaza disaipol naga'mo'za e'inama pusante hiazana antahi so'e osu'naze. Hianagi Jisasi'ma hanave'afi mrerino, Ra agi erige'za zamagra zamagesa nentahi'za, e'i Agriku huno avontafepina krente'negeno, amazana Agrite fore hie hu'naze. 17Ana higeno, rama'a vahe'mo'za, Jisasi'a kerifinti Lasarusi azeri otige'za ke'naza vahe'mo'za, mago'ene ome huama hume vu'naze. 18Ama'na agafare, vahe'mo'za anahu kna hu'za ome Agrira ke'naze. Na'ankure vahe'mo'za nosaza kaguvaza (mirakol) hu'nea ke nentahi'za ome ke'naze. 19Ana hige'za Farisi vahe'mo'za ohumi ahumi hu'za zamagra anage hu'naze, keho tagrira neratre'za maka vea'mo'za Jisasi amage avriri'za nevze.</div><div class="s">Griki vahe'mo'za Jisasi kenaku hakre'naza naneke</div><div class="p"> 20Ana zupage Griki vahepinti mago'a vahe'mo'za, kinafinti zamare'nea ne'za ne'knare mono hunaku mreri'naze. 21Ana vahe'mo'za Galili kazigati Betsaida kumateti ne' Filipinte uhaniti'za antahige'za, ramoka Jisasi kenaku nehune. 22Filipi'a eno Andruna eme asmitege'ne, tarega'moke vu'ke, Jisasina ome asmi'na'e. 23Jisasi'a anage huno kenona zani'arera hu'ne, Vahe'mofo Mofavremo ra agi erisia kna atupa nehie. 24Tamage hu'na neramasmue, witi rgamo'ma mopafi taniramino ofrisigeno'a anante megahie. Hianagi taniramino mopa agu'afi frisigeno'a rama'a rga'a rentegahie. 25Aza'o agragu'ma avesi antesimo'a, mani'zama'a eri haviza hugahie. Iza'o ama mopafi mani'zama'a ha'rentesimo'a, manivava asimu erigahie. 26Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.</div><div class="s">Jisasi'a frisia ke zamasmi'nea naneke</div><div class="p"> 27 Menina Nagu namemo kna navenesianki, na'ane hu'na Nagra hugahue, Nafa'nimoka, ama knare (aua) fore hania knazampinti naza huo, hianagi ama'na agafare ama knarera (aua) e'noe. 28Nafa'nimoka, ra kagi erio. Anante mago ageru monafinti eno amanage hu'ne, hago Nagra erisaga hu'noanki'na, rune Nagra erisaga hugahue hu'ne. 29Rama'a vahe'ma atru hu'za anante oti'namo'za, ana ageru nentahi'za, monage nehie nehzageno, mago'amo'za ankeromo naneke hu nemigahie hu'za hu'naze. 30Jisasi kenona'a anage hu'ne, ama'na agerura Nagri naza hunakura nosianki, tmagri tmaza hunaku nehie. 31Menina ama mopa refkohu knae, menina ama mopafi kva hu'nea nera retufe atregahie. 32Hanki, Nagri'ma mopafinti nazeri'sga hanige'na, hakare vahera zamare Nagrarega atregahue, 33E'inagema hu'neana, fri'zamo avate'ma fore hanigeno frisnigu huama hu'ne. 34Hakare vahema atru hu'namo'za, Agrikura amanage hu'naze, tagrama kasegefinti antahi'nonana, Kraisi'a manivava hugahie hu'neanki, nahigenka Kagra hunka, Vahe'mofo Mofavre azeri sga hugahie nehane? Iza'e ana Vahe'mofo Mofavre'a? 35Jisasi'a kenona anage huno zamasmi'ne, Osi'a knafi Msamo'a tmagri amu nompina me'ne. Msama me'nenire kana nentenkeno hanimo'a tmagate oreno, iza'o hanimpima nevimo'a, iga nevio antahino keno nosie. 36Msama me'nenire, kagra Msagura kmentinti'a huo, e'inama hanunka kagra Msamofo mofavre manigahane. Jisasi'a anage huteno, Agra zamatreno vuno ome frakino mani'ne.</div><div class="s">Jisasi'a vahepi eri'za eri'nea zamo fore hu'nea naneke</div><div class="p"> 37Jisasi'a rama'a kaguvaza (mirakol) huzmeri hu'neanagi, zamagra zamentintia Agritera osu'naze. 38Ana higeno kasnampa ne'mo Aisaia hu'nea kemofo avufa'a fore nehie, Ramoka iza tagri kerera amentintia nehie? Ramofo hanave'amo'a izante eama hu'ne? (Aisa 53:1) 39E'i ana agafare vahe'mo'za zamentinti osugahaze, Aisaia'a mago ene anage hu'ne, 40Ramo zamurga erisu nehuno, zamarimpa kafana erigi'ne, e'ina hanige'za zamurga nonke'za, zamarimpa erigisige'za zamagu zamagesa antahi ama nosuza, zamagu'a rukrehe osnage'na, zmazeri so'e osugahue hu'ne. (Aisa 6:10)</div><div class="p"> 41Ama'i zanku'ma Aisaia'ma hu'neana, na'ankure Jisasi'a hanave'afi mani'negeno ke'negu huno, Agriku hu'ne.</div><div class="p"> 42Ana hianagi hakare'a mono kva vahe'mo'za zamentinti Agrite hu'naze. Hianagi Farisi vaheku kore hu'za Jisasi'a, Kraisi'e hu'za huama osu'naze, anagema hanage'za mono nompinti (Sinagog) zamahe fegi atre'zanku kore hu'za osu'naze, 43Na'ankure vahe'mo'za husga huzmante zanku nehu'za, Anumzamo husga huzmante zankura ontahi'naze.</div><div class="s">Jisasi'a vgare naneke'a vahe zamufi hu'nea naneke</div><div class="p"> 44Jisasi'a ranke huno amanage hu'ne, iza'o Nagrite amentinti hanimo'a, Nagritekera amentinti osugahianki, Agrama hunantege'na e'nomofonte amentinti hugahie. 45Iza'o Nagri'ma nenagemo'a, hunantege'na e'nomofo nege. 46Nagra ama mopafi Msa e'noe, maka vahe'mo'za Nagrite zamentinti hanamo'za hanimpina omnigahaze. 47Iza'o nanekeni'a nentahino, namage nome simofona kea huontegahue, na'ankure Nagra ama mopafi vahe refko hunaku ome'noe, hianagi mopafi vahe zamaza hu'na zamavrenaku e'noe. 48Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vgare knare, henka'a refko huntegahie. 49Na'ankure Nagrani'a antahintahifinti ama nanekea nosue, hianagi Nfanimo Agra hunantege'na e'nomo, zamasmio hianke ana naneke'age nehue. 50Nagra antahi'noe, e'i Agri kasege'a manivava asimure, e'ina hu'negu Nagrama nehua kea Nenfa'ma huoma hia ke'age nehue. </div>
 </div>
 </div>
</div>

Kinafinti Jiu vahe zamare'nea kna (Pasova) 6si'a zgegna atupa nehigeno, fri'nefinti azeri oti'nea ne' Lasarusi'ma nemnia kumate Jisasi'a Betani uhanati'ne. Anante Jisasima hu'nea nezana retro hunte'naze. Mata'a ne'za netigeno Lasarusi'ene, mago'a vahe'ene kave'ne sipare mani'naze. Trazamofo rafu'nareti tro hu'naza msavena, zgo'amo mreri'nea masaventafe Maria'a erino, Jisasina agiare tagino frenteteno, anu azokateti eri ho'mu huntegeno, ana nomofona mana'amo avite'ne. Hianagi Judas Iskariot, mago amage nentea disaipol ne'mo, komoru huno Jisasina avreno ha' vahe zamazampi antesimo anage hu'ne, na'a hanigeta ama msavena 3 hantreti'a silva zgorera atreta, zgo erita zamunte omne vahera zamaza osugahuno? Menima Judas Iskariotima ama kema nehiana, na'ankure agra zamunte omne vahe zamaza hunaku nentahino nosie, hagi agra kumza nere. Zgo tafente kva nehia nekino, ome nentazana osi'a anampinkati musufa eritere nehia ne'mo anage higeno, Jisasi'a anage hu'ne, Asenante'saza knagu avega ante'nea zanki, atrenkeno agra ana hino. Na'ankure zamunte omne vahe'mo'za maka kna tamagra ne manigahaze, hianagi Nagra, tamagra nena maka kna omnigahue.
Maka Jiu vahe'mo'za antahizana Jisasi emani'ne hige'za, zamagra Jisasinke kenaku ome'nazanki, Lasarusima, fri'nefinti azeri oti'nea ne' kenaku e'naze. Ana nehu'za vugota prisi vahe'mo'za Lasarusi'nena ahe frinaku ke anaki'naze. Na'ankure Lasarusinte'ma fore hu'nea'zanku, rama'a Jiu vahe'mo'za atre'za nevu'za Jisasinte zamentinti hu'naze.


Anante nanterana rama'a vahe'mo'za, kinafinti zamare'nea knagu antahimiza ne'za (Pasova) nenaza knare e'namo'za, Jisasi'a Jerusale ne-ea ke antahi'naze. Antahite'za tofe zafamofo ani'na hantagi'za e'neri'za, ome ke'za amrara nehu'za kezati'za, Tza huogu ke'za netune! (Hosana!) Ramofo Agifi ne-ea nera agi'a hentesga hanune! Israeli vahemofo kinia agi'a hentesga hanune! Jisasi'a mago agaho ve tonki afu keteno, agumpi mrerino mani'ne, kasnampa vahe'mo'za korapa krente'naza kemo efore hu'ne. Korera osiho Saion veara, Keho tmagri Kinimo, agaho ve donki afumofo agumpi manino ne-e. (Zek 9:9) Agri amage nentaza disaipol naga'mo'za e'inama pusante hiazana antahi so'e osu'naze. Hianagi Jisasi'ma hanave'afi mrerino, Ra agi erige'za zamagra zamagesa nentahi'za, e'i Agriku huno avontafepina krente'negeno, amazana Agrite fore hie hu'naze. Ana higeno, rama'a vahe'mo'za, Jisasi'a kerifinti Lasarusi azeri otige'za ke'naza vahe'mo'za, mago'ene ome huama hume vu'naze. Ama'na agafare, vahe'mo'za anahu kna hu'za ome Agrira ke'naze. Na'ankure vahe'mo'za nosaza kaguvaza (mirakol) hu'nea ke nentahi'za ome ke'naze. Ana hige'za Farisi vahe'mo'za ohumi ahumi hu'za zamagra anage hu'naze, keho tagrira neratre'za maka vea'mo'za Jisasi amage avriri'za nevze.

Ana zupage Griki vahepinti mago'a vahe'mo'za, kinafinti zamare'nea ne'za ne'knare mono hunaku mreri'naze. Ana vahe'mo'za Galili kazigati Betsaida kumateti ne' Filipinte uhaniti'za antahige'za, ramoka Jisasi kenaku nehune. Filipi'a eno Andruna eme asmitege'ne, tarega'moke vu'ke, Jisasina ome asmi'na'e. Jisasi'a anage huno kenona zani'arera hu'ne, Vahe'mofo Mofavremo ra agi erisia kna atupa nehie. Tamage hu'na neramasmue, witi rgamo'ma mopafi taniramino ofrisigeno'a anante megahie. Hianagi taniramino mopa agu'afi frisigeno'a rama'a rga'a rentegahie. Aza'o agragu'ma avesi antesimo'a, mani'zama'a eri haviza hugahie. Iza'o ama mopafi mani'zama'a ha'rentesimo'a, manivava asimu erigahie. Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Menina Nagu namemo kna navenesianki, na'ane hu'na Nagra hugahue, Nafa'nimoka, ama knare (aua) fore hania knazampinti naza huo, hianagi ama'na agafare ama knarera (aua) e'noe. Nafa'nimoka, ra kagi erio. Anante mago ageru monafinti eno amanage hu'ne, hago Nagra erisaga hu'noanki'na, rune Nagra erisaga hugahue hu'ne. Rama'a vahe'ma atru hu'za anante oti'namo'za, ana ageru nentahi'za, monage nehie nehzageno, mago'amo'za ankeromo naneke hu nemigahie hu'za hu'naze. Jisasi kenona'a anage hu'ne, ama'na agerura Nagri naza hunakura nosianki, tmagri tmaza hunaku nehie. Menina ama mopa refkohu knae, menina ama mopafi kva hu'nea nera retufe atregahie. Hanki, Nagri'ma mopafinti nazeri'sga hanige'na, hakare vahera zamare Nagrarega atregahue, E'inagema hu'neana, fri'zamo avate'ma fore hanigeno frisnigu huama hu'ne. Hakare vahema atru hu'namo'za, Agrikura amanage hu'naze, tagrama kasegefinti antahi'nonana, Kraisi'a manivava hugahie hu'neanki, nahigenka Kagra hunka, Vahe'mofo Mofavre azeri sga hugahie nehane? Iza'e ana Vahe'mofo Mofavre'a? Jisasi'a kenona anage huno zamasmi'ne, Osi'a knafi Msamo'a tmagri amu nompina me'ne. Msama me'nenire kana nentenkeno hanimo'a tmagate oreno, iza'o hanimpima nevimo'a, iga nevio antahino keno nosie. Msama me'nenire, kagra Msagura kmentinti'a huo, e'inama hanunka kagra Msamofo mofavre manigahane. Jisasi'a anage huteno, Agra zamatreno vuno ome frakino mani'ne.

Jisasi'a rama'a kaguvaza (mirakol) huzmeri hu'neanagi, zamagra zamentintia Agritera osu'naze. Ana higeno kasnampa ne'mo Aisaia hu'nea kemofo avufa'a fore nehie, Ramoka iza tagri kerera amentintia nehie? Ramofo hanave'amo'a izante eama hu'ne? (Aisa 53:1) E'i ana agafare vahe'mo'za zamentinti osugahaze, Aisaia'a mago ene anage hu'ne, Ramo zamurga erisu nehuno, zamarimpa kafana erigi'ne, e'ina hanige'za zamurga nonke'za, zamarimpa erigisige'za zamagu zamagesa antahi ama nosuza, zamagu'a rukrehe osnage'na, zmazeri so'e osugahue hu'ne. (Aisa 6:10)
Ama'i zanku'ma Aisaia'ma hu'neana, na'ankure Jisasi'a hanave'afi mani'negeno ke'negu huno, Agriku hu'ne.
Ana hianagi hakare'a mono kva vahe'mo'za zamentinti Agrite hu'naze. Hianagi Farisi vaheku kore hu'za Jisasi'a, Kraisi'e hu'za huama osu'naze, anagema hanage'za mono nompinti (Sinagog) zamahe fegi atre'zanku kore hu'za osu'naze, Na'ankure vahe'mo'za husga huzmante zanku nehu'za, Anumzamo husga huzmante zankura ontahi'naze.

Jisasi'a ranke huno amanage hu'ne, iza'o Nagrite amentinti hanimo'a, Nagritekera amentinti osugahianki, Agrama hunantege'na e'nomofonte amentinti hugahie. Iza'o Nagri'ma nenagemo'a, hunantege'na e'nomofo nege. Nagra ama mopafi Msa e'noe, maka vahe'mo'za Nagrite zamentinti hanamo'za hanimpina omnigahaze. Iza'o nanekeni'a nentahino, namage nome simofona kea huontegahue, na'ankure Nagra ama mopafi vahe refko hunaku ome'noe, hianagi mopafi vahe zamaza hu'na zamavrenaku e'noe. Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vgare knare, henka'a refko huntegahie. Na'ankure Nagrani'a antahintahifinti ama nanekea nosue, hianagi Nfanimo Agra hunantege'na e'nomo, zamasmio hianke ana naneke'age nehue. Nagra antahi'noe, e'i Agri kasege'a manivava asimure, e'ina hu'negu Nagrama nehua kea Nenfa'ma huoma hia ke'age nehue.

Dinleyin Joni 12