Fulfulde, Maasina - 2005 Edition (NT) Non-Drama

<div class="version vid1175 iso6393ffm" data-vid="1175" data-iso6393="ffm">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="p"> 1Nde Iisaa yii jamaa oo heewii ndee, o &#331;abbi dow waamnde haayre, o joo&#599;ii ton. Taalibaa&#595;e makko &#595;ee ngari e makko, 2o fu&#599;&#599;i waajaade &#595;e, o wii:</div><div class="s">Haala mbelko'aaku</div><div class="q"> 3&#8212;&#385;een annditin&#595;e yonkiiji mum'en ana lo'i, mbelii hoore,</div><div class="q2">sabi kam&#595;e njey Laamu Laam&#599;o oo!</div><div class="q"> 4&#385;een woyoo&#595;e, mbelii hoore,</div><div class="q2">sabi Laam&#599;o waaltinan &#595;er&#599;e mum'en!</div><div class="q"> 5&#385;een ley&#599;inkinii&#595;e, mbelii hoore,</div><div class="q2">sabi &#595;e ke&#595;an leydi ndi Laam&#599;o fodani &#595;e ndii!</div><div class="q"> 6&#385;een yolbu&#595;e fooccitaare so &#599;om&#599;i &#599;um, mbelii hoore,</div><div class="q2">sabi &#595;e kaaran &#595;e &#599;om&#599;itan!</div><div class="q"> 7&#385;een yurmotoo&#595;e, mbelii hoore,</div><div class="q2">sabi Laam&#599;o yurmoto &#595;e!</div><div class="q"> 8&#385;een laa&#595;u&#595;e &#595;er&#599;e, mbelii hoore,</div><div class="q2">sabi &#595;e njiyan Laam&#599;o!</div><div class="q"> 9&#385;een waddoo&#595;e jam, mbelii hoore,</div><div class="q2">sabi &#595;e noddirte &#595;i&#595;&#595;e Laam&#599;o!</div><div class="q"> 10&#385;een torraa&#595;e kammari fooccitaare, mbelii hoore,</div><div class="q2">sabi kam&#595;e njey Laamu Laam&#599;o oo!</div><div class="p"> 11On mbelii hoore so yim&#595;e njennii on, torrii on, kappii on sii boneeji fuu saabe am. 12Ceyee, mbeltee, sabi mbarjaari mawndi ana doomi on dow kammu. Sabi hono non annabaa&#595;e adii&#595;e on &#595;ee torriraa.</div><div class="s">Haala lam&#599;am e fooyre</div><div class="p"> 13&#8212;Onon ngoni lam&#599;am aduna oo. Kaa so lam&#599;am &#331;oottii lammude, ko&#599;um lamminta &#599;um? &#394;am nafataa fay huunde! Ko &#599;am waawi wa&#599;eede tan, tippeede sella, yim&#595;e nja&#595;&#595;a &#599;am.</div><div class="p"> 14Onon ngoni fooyre aduna oo. Ngalluure &#626;i&#595;aande dow waamnde haayre waawaa &#626;oo&#595;ude. 15Fay gooto hu&#595;&#595;ataa lampa, so hippa hen kaakol. Ko wa&#599;ata dee, sinndan ka, ka yaaynana gon&#599;o e suudu nduu fuu. 16Hono non fooyre moo&#599;on haani yaaynirde yeeso yim&#595;e, yalla e&#595;e njiya golleeji lobbi &#599;i nga&#599;aton &#599;ii, &#595;e njetta Baabiraa&#599;o moo&#599;on gon&#599;o dow kammu oo.</div><div class="s">Ko Iisaa janngini banngal Tawreeta</div><div class="p"> 17&#8212;Pati cikkee mi gar&#599;o ittude Sariya binndaa&#599;o ley Tawreeta naa ley dewte annabaa&#595;e oo. Mi waraali ittude mo, mi gar&#599;o hi&#595;&#595;inde mo. 18Mi&#599;o haalana on goonga: so nii kammu e leydi ana keddii, wanaa to&#595;&#595;el wanaa masel tosataake e Sariya oo faa nde fuu tabiti. 19&#394;um nee, boofu&#599;o ko &#595;uri fuu fam&#599;ude e jamirooje &#599;ee, so janngini wo&#595;&#595;e faa nga&#599;a non, laatoto &#595;ur&#599;o fam&#599;ude e Laamu Laam&#599;o. Kaa ne&#599;&#599;o fuu jokku&#599;o sariya oo, so janngini wo&#595;&#595;e nga&#599;a non, laatoto maw&#599;o e Laamu Laam&#599;o. 20Sabi mi&#599;o wiya on: so on &#595;uraali dunkee'en Sariya e Farisa'en fooccitaare, on naatataa e Laamu Laam&#599;o abada.</div><div class="s">Haala tikkere</div><div class="p"> 21&#8212;On nanii njaatiraa&#595;e mee&#599;en &#595;ee mbiyanooma: &#171;Pati &#626;aa&#599;u hoore, &#626;aa&#599;u&#599;o hoore fuu, ana haandi e sareede.&#187;#5.21 Pergu 20.13 22Miin noo mi&#599;o wiya on: tikkan&#599;o sakiike mum fuu, ana haandi e sareede. Oon bii&#599;o sakiike mum &#171;Meereejo&#187; darnete yeeso sariya &#595;ur&#599;o fuu naawde. Kasen ne&#599;&#599;o fuu bii&#599;o mo &#171;Nuykaa&#599;o&#187; ana haandi e naatude yiite jahannama. 23Ndennoo, so a warii e ittirde sadaka faa cakko-&#599;aa, a miccitike &#599;on e &#599;on sakiike maa ana jogani maa metti, 24yoppu &#599;on sadaka maa oo, njahaa njaafondiroyaa e sakiike maa oo tafon, so ke&#595;aa wartude cakko-&#599;aa.</div><div class="p"> 25So won gullanii&#599;o ma saabe &#626;amaande, o&#599;on njaada sariya, yaawnu ndewritaa e joomum fade moo&#599;on yottaade, pati o wa&#599;e e juu&#599;e caroowo, oon wa&#599;e e junngo kayboowo kasu, nden kaa, udde-&#599;aa e kasu. 26Mi&#599;o haalane goonga: abada a yaltataa so a yo&#595;aali ko ndewete-&#599;aa koo faa laa&#595;a.</div><div class="s">Haala jeenu</div><div class="p"> 27&#8212;On nanii wiyanooma: &#171;Pati jeenu!&#187;#5.27 Pergu 20.14 28Miin noo mi&#599;o wiya on: &#436;eewru&#599;o debbo janano muuyo fuu, jeenii e ley &#595;ernde mum. 29Ndennoo, so yitere maa &#626;aamere luuttinte, sol nde tippo-&#599;aa nde to wo&#599;&#599;i! Mbaasaa salndu maa wooturu &#595;uri mo&#436;&#436;ande ma diina cal&#599;i maa &#599;ii fuu mbedee e jahannama. 30So junngo maa &#626;aamo luuttinte, ta&#436;u ngo tippo-&#599;aa ngo to wo&#599;&#599;i: mbaasaa salndu maa wooturu &#595;uri mo&#436;&#436;ande ma diina cal&#599;i maa &#599;ii fuu naata jahannama.</div><div class="s">Haala ceergal</div><div class="p"> 31&#8212;Wiyanooma kasen: &#171;Ceer&#599;o jom suudu mum fuu, yo hokku &#599;um talkuru ceergal.&#187;#5.31 Fillitagol Tawreeta 24.1 32Miin noo mi&#599;o wiya on: ceer&#599;o jom suudu mum tawee oon jeenaali, so o &#595;amoyaama, gorko arano oo wa&#599;ii mo e jeenu. Ne&#599;&#599;o fuu &#595;am&#599;o debbo ceeraa&#599;o, ka&#626;um duu jeenii.</div><div class="s">Haala hunoore</div><div class="p"> 33&#8212;On nanii kasen, njaatiraa&#595;e mee&#599;en mbiyanooma: &#171;Pati fiirtu hunoore maa, tabintin nde yeeso Joomiraa&#599;o.&#187;#5.33 Limooje 30.3 34Miin noo mi&#599;o wiya on: pati kunee fey. Pati kunoree kammu, sabi &#599;um yo joo&#599;orgal Laam&#599;o, 35naa leydi, sabi &#599;um yo njaa&#595;irdi koy&#599;e makko, naa Urusaliima, sabi &#599;um yo ngeenndi Kaananke maw&#599;o oo. 36Pati hunora hoore maa ndee, sabi a waawaa rawninde naa &#595;awlinde fay lee&#595;ol mayre gootol. 37Mbiyaa &#171;Mi wa&#599;an&#187; naa &#171;Mi wa&#599;ataa&#187;, &#599;um tan he&#436;ii. Ko &#595;eydii hen fuu, e Bon&#599;o oo iwi.</div><div class="s">Haala yo&#595;tagol</div><div class="p"> 38&#8212;On nanii wiyanooma: &#171;Yitere yo&#595;irtee yitere, &#626;iinde yo&#595;irtee &#626;iinde.&#187;#5.38 Lewinkoo&#595;e 24.20 39Miin noo mi&#599;o wiya on: pati njo&#595;tee ga&#599;u&#599;o on ko boni. So won pii&#599;o ma banaawo bannge &#626;aamo, accu &#599;um fiye bannge go&#599;&#599;o oo duu. 40So won gullanii&#599;o ma faa teeta forgo maa, accu &#599;um na&#595;a dolloke oo duu. 41So won tilsin&#599;o ma roondaade donngal yaadu kiloomeetere, roonda ngal yaadu kiloomeetereeji &#599;i&#599;i. 42So won &#626;aagii&#599;o ma, hokku &#599;um, so won ndaardu&#599;o ma lu&#595;al, pati ha&#599;u &#599;um.</div><div class="s">Haala yi&#599;ugol konnee'en</div><div class="p"> 43&#8212;On nanii wiyanooma: &#171;Nji&#599;aa tanaa maa, mba&#626;aa ga&#626;o maa.&#187; 44Miin noo mi&#599;o wiya on: nji&#599;ee konnee'en moo&#599;on, kasen duu nduwanee torroo&#595;e on, 45yalla o&#599;on laatoo &#595;i&#595;&#595;e Baabiraa&#599;o moo&#599;on gon&#599;o dow kammu oo. Sabi no o fu&#599;inirta naange makko e bon&#595;e nii, hono non o fu&#599;inirta nge e mo&#436;&#436;u&#595;e, kasen duu no o to&#595;inirta e fooccitii&#595;e nii, hono non o to&#595;inirta e oo&#626;ii&#595;e. 46So yi&#599;u&#595;e on tan nji&#599;aton, mbarjaari hendi ke&#595;aton hen? Fay duwaa&#626;e'en &#595;ee ana nga&#599;ira non! 47So sakiraa&#595;e moo&#599;on tan njowtaton, ko&#599;um seenndi on e wo&#595;&#595;e &#595;ee? Fay heefer&#595;e &#595;ee ana nga&#599;ira non! 48Ndennoo, laatee hi&#595;&#595;u&#595;e, hono no Baabiraa&#599;o moo&#599;on gon&#599;o dow kammu oo laatorii ki&#595;&#595;u&#599;o nii.</div>
 </div>
 </div>
</div>

Nde Iisaa yii jamaa oo heewii ndee, o ŋabbi dow waamnde haayre, o jooɗii ton. Taalibaaɓe makko ɓee ngari e makko, o fuɗɗi waajaade ɓe, o wii:

—Ɓeen annditinɓe yonkiiji mum'en ana lo'i, mbelii hoore,
sabi kamɓe njey Laamu Laamɗo oo!
Ɓeen woyooɓe, mbelii hoore,
sabi Laamɗo waaltinan ɓerɗe mum'en!
Ɓeen leyɗinkiniiɓe, mbelii hoore,
sabi ɓe keɓan leydi ndi Laamɗo fodani ɓe ndii!
Ɓeen yolbuɓe fooccitaare so ɗomɗi ɗum, mbelii hoore,
sabi ɓe kaaran ɓe ɗomɗitan!
Ɓeen yurmotooɓe, mbelii hoore,
sabi Laamɗo yurmoto ɓe!
Ɓeen laaɓuɓe ɓerɗe, mbelii hoore,
sabi ɓe njiyan Laamɗo!
Ɓeen waddooɓe jam, mbelii hoore,
sabi ɓe noddirte ɓiɓɓe Laamɗo!
Ɓeen torraaɓe kammari fooccitaare, mbelii hoore,
sabi kamɓe njey Laamu Laamɗo oo!
On mbelii hoore so yimɓe njennii on, torrii on, kappii on sii boneeji fuu saabe am. Ceyee, mbeltee, sabi mbarjaari mawndi ana doomi on dow kammu. Sabi hono non annabaaɓe adiiɓe on ɓee torriraa.

—Onon ngoni lamɗam aduna oo. Kaa so lamɗam ŋoottii lammude, koɗum lamminta ɗum? Ɗam nafataa fay huunde! Ko ɗam waawi waɗeede tan, tippeede sella, yimɓe njaɓɓa ɗam.
Onon ngoni fooyre aduna oo. Ngalluure ɲiɓaande dow waamnde haayre waawaa ɲooɓude. Fay gooto huɓɓataa lampa, so hippa hen kaakol. Ko waɗata dee, sinndan ka, ka yaaynana gonɗo e suudu nduu fuu. Hono non fooyre mooɗon haani yaaynirde yeeso yimɓe, yalla eɓe njiya golleeji lobbi ɗi ngaɗaton ɗii, ɓe njetta Baabiraaɗo mooɗon gonɗo dow kammu oo.

—Pati cikkee mi garɗo ittude Sariya binndaaɗo ley Tawreeta naa ley dewte annabaaɓe oo. Mi waraali ittude mo, mi garɗo hiɓɓinde mo. Miɗo haalana on goonga: so nii kammu e leydi ana keddii, wanaa toɓɓel wanaa masel tosataake e Sariya oo faa nde fuu tabiti. Ɗum nee, boofuɗo ko ɓuri fuu famɗude e jamirooje ɗee, so janngini woɓɓe faa ngaɗa non, laatoto ɓurɗo famɗude e Laamu Laamɗo. Kaa neɗɗo fuu jokkuɗo sariya oo, so janngini woɓɓe ngaɗa non, laatoto mawɗo e Laamu Laamɗo. Sabi miɗo wiya on: so on ɓuraali dunkee'en Sariya e Farisa'en fooccitaare, on naatataa e Laamu Laamɗo abada.

—On nanii njaatiraaɓe meeɗen ɓee mbiyanooma: «Pati ɲaaɗu hoore, ɲaaɗuɗo hoore fuu, ana haandi e sareede.» Miin noo miɗo wiya on: tikkanɗo sakiike mum fuu, ana haandi e sareede. Oon biiɗo sakiike mum «Meereejo» darnete yeeso sariya ɓurɗo fuu naawde. Kasen neɗɗo fuu biiɗo mo «Nuykaaɗo» ana haandi e naatude yiite jahannama. Ndennoo, so a warii e ittirde sadaka faa cakko-ɗaa, a miccitike ɗon e ɗon sakiike maa ana jogani maa metti, yoppu ɗon sadaka maa oo, njahaa njaafondiroyaa e sakiike maa oo tafon, so keɓaa wartude cakko-ɗaa.
So won gullaniiɗo ma saabe ɲamaande, oɗon njaada sariya, yaawnu ndewritaa e joomum fade mooɗon yottaade, pati o waɗe e juuɗe caroowo, oon waɗe e junngo kayboowo kasu, nden kaa, udde-ɗaa e kasu. Miɗo haalane goonga: abada a yaltataa so a yoɓaali ko ndewete-ɗaa koo faa laaɓa.

—On nanii wiyanooma: «Pati jeenu!» Miin noo miɗo wiya on: ƴeewruɗo debbo janano muuyo fuu, jeenii e ley ɓernde mum. Ndennoo, so yitere maa ɲaamere luuttinte, sol nde tippo-ɗaa nde to woɗɗi! Mbaasaa salndu maa wooturu ɓuri moƴƴande ma diina calɗi maa ɗii fuu mbedee e jahannama. So junngo maa ɲaamo luuttinte, taƴu ngo tippo-ɗaa ngo to woɗɗi: mbaasaa salndu maa wooturu ɓuri moƴƴande ma diina calɗi maa ɗii fuu naata jahannama.

—Wiyanooma kasen: «Ceerɗo jom suudu mum fuu, yo hokku ɗum talkuru ceergal.» Miin noo miɗo wiya on: ceerɗo jom suudu mum tawee oon jeenaali, so o ɓamoyaama, gorko arano oo waɗii mo e jeenu. Neɗɗo fuu ɓamɗo debbo ceeraaɗo, kaɲum duu jeenii.

—On nanii kasen, njaatiraaɓe meeɗen mbiyanooma: «Pati fiirtu hunoore maa, tabintin nde yeeso Joomiraaɗo.» Miin noo miɗo wiya on: pati kunee fey. Pati kunoree kammu, sabi ɗum yo jooɗorgal Laamɗo, naa leydi, sabi ɗum yo njaaɓirdi koyɗe makko, naa Urusaliima, sabi ɗum yo ngeenndi Kaananke mawɗo oo. Pati hunora hoore maa ndee, sabi a waawaa rawninde naa ɓawlinde fay leeɓol mayre gootol. Mbiyaa «Mi waɗan» naa «Mi waɗataa», ɗum tan heƴii. Ko ɓeydii hen fuu, e Bonɗo oo iwi.

—On nanii wiyanooma: «Yitere yoɓirtee yitere, ɲiinde yoɓirtee ɲiinde.» Miin noo miɗo wiya on: pati njoɓtee gaɗuɗo on ko boni. So won piiɗo ma banaawo bannge ɲaamo, accu ɗum fiye bannge goɗɗo oo duu. So won gullaniiɗo ma faa teeta forgo maa, accu ɗum naɓa dolloke oo duu. So won tilsinɗo ma roondaade donngal yaadu kiloomeetere, roonda ngal yaadu kiloomeetereeji ɗiɗi. So won ɲaagiiɗo ma, hokku ɗum, so won ndaarduɗo ma luɓal, pati haɗu ɗum.

—On nanii wiyanooma: «Njiɗaa tanaa maa, mbaɲaa gaɲo maa.» Miin noo miɗo wiya on: njiɗee konnee'en mooɗon, kasen duu nduwanee torrooɓe on, yalla oɗon laatoo ɓiɓɓe Baabiraaɗo mooɗon gonɗo dow kammu oo. Sabi no o fuɗinirta naange makko e bonɓe nii, hono non o fuɗinirta nge e moƴƴuɓe, kasen duu no o toɓinirta e fooccitiiɓe nii, hono non o toɓinirta e ooɲiiɓe. So yiɗuɓe on tan njiɗaton, mbarjaari hendi keɓaton hen? Fay duwaaɲe'en ɓee ana ngaɗira non! So sakiraaɓe mooɗon tan njowtaton, koɗum seenndi on e woɓɓe ɓee? Fay heeferɓe ɓee ana ngaɗira non! Ndennoo, laatee hiɓɓuɓe, hono no Baabiraaɗo mooɗon gonɗo dow kammu oo laatorii kiɓɓuɗo nii.

Dinleyin Matta 5