Jesus: Ang Ating Watawat ng TagumpayHalimbawa

Tagumpay Laban sa Pagkakasala 

Isa sa mga ninanais ni Satanas na mangyari ay upang tayo ay mamuhay sa kadiliman ng pagkakasala mula sa ating nakaraan. Alam niyang kahit tayo ay naniniwalang namatay si Jesus para sa ating mga kasalanan, ngunit dala-dala pa rin ang bigat ng ating kasalanan, hindi tayo tuluyang nakatatanggap ng biyaya at kalaunan ng Kanyang pagpapatawad. Tayo ay maninirahan sa anino ng ating pinakamasamang kasalanan. Sa Juan 9:5, tinutukoy ni Jesus ang Kanyang sarili bilang ilaw ng sanlibutan. Ngunit sa Mateo 5:14 at 16, sinabi rin ni Jesus, "Kayo ang ilaw ng sanlibutan. Ang isang lunsod na nakatayo sa ibabaw ng burol ay hindi maitatago...Gayundin naman, dapat ninyong paliwanagin ang inyong ilaw sa harap ng mga tao upang makita nila ang inyong mabubuting gawa at papurihan ang inyong Ama na nasa langit." Hindi kailanman tayo inaasahan ni Jesus na maging ilaw para sa Kanyang kaluwalhatian kung hindi Siya nagbigay ng daan palabas ng kadiliman ng pagkakasala.

Sinasabi sa atin ng Awit 103:10-12 na hindi natin kayang masukat ang pag-ibig ng Diyos para sa atin at kung gaano kalayo ang silangan sa kanluran gayon din Niya inalis sa atin ang ating mga kasalanan. Noong namatay si Jesus sa krus, walang hanggan Niyang kinuha ang bigat ng kasalanan mula sa mga naniniwala sa Kanya. Malaya na nating natatanggap ang Kanyang pagpapatawad, malaya na tayong namumuhay nang walang pagkakasala, at nararamdamang tanggap at napapaloob sa presensiya ng Diyos.

Habang tayo ay papalapit sa pagdiriwang ng muling pagkabuhay ni Jesus, ating sariwain na ang Kanyang kamatayan ay hindi lamang tinubos ang pagpapatawad mula sa ating kasalanan, bagkus pati ang awtoridad na tanggalin ang bigat ng pagkakasala.Ang pagkakautang ng iyong kasalanan, kabilang ang iyong pinakamabigat na kasalanan, ay nabayaran na ng dugo ni Jesus. Lumakad sa Kanyang kalayaan ngayon! 

I-download ang larawan para sa araw na ito dito.