Sinulat ni Amy Groeschel ang Gabay sa Bibliang ito na tatagal ng pitong araw sa pag-asang ito ay tatanggapin bilang isang mensaheng nanggagaling mula mismo sa puso ng ating mapagmahal na Ama patungo sa puso mo. Ang kanyang panalangin ay maturuan kang maiwasan ang mga naglalaban-labang ingay at gisingin ka upang ipako ang iyong pag-iisip sa Kanyang tinig. 

Pakikinig sa Diyos

Pagbabalanse. Ito ang hinahanap natin sa ating mga buhay habang naririnig natin ang sigaw ng "Mas pag-igihan mo pang magtrabaho" sa isang tenga, at bumubulong naman sa kabila ang "mas damihan mo ang pagpapahinga". Paano kung ang plano ng Diyos ay hindi lang basta ganoon? Pasukin ang banal na pagsusumikap—ang pamumuhay ng puspusang pagtatrabaho at maayos na pagpapahinga sa pamamaraang kapuri-puri sa Diyos.

Banal na Pagsisikap: Yakapin ang Buhay ng Puspusang-Pagtatrabaho, Buhay ng Mahusay na Pagpapahinga

Alam mo na binibigyan ka ng Diyos ng buhay na mas masagana kaysa sa buhay mo ngayon, pero ang nakakalungkot na katotohan ay ang paghahambing ay pumipigil sa'yo para magpatuloy sa susunod na antas. Sa gabay sa pagbabasa na ito isisiwalat ni Anna Light ang mga pananaw na babasag sa takip na inilalagay ng paghahambing sa iyong kakayahan, at tinutulungan kang isabuhay ang buhay na malaya at masagana na siyang dinisenyo ng Diyos para sa iyo.  


Lumaya Mula Sa Paghahambing Isang 7 Araw na Gabay Ni Anna Light

Naisip mo na ba minsan kung para sa anong gawain ka nilikha ng Diyos o naitanong sa Kanya kung bakit napagdaanan mo ang ilang mga karanasan? Ikaw ay bukod-tanging nilikha para sa isang sadya-sa-iyong tungkulin na ikaw lang ang makagagawa. Kahit tila naliligaw ka, o nag-aatubiling umabante, ang 5-araw na gabay na ito ay tutulong sa iyong magtiwala sa Diyos, upang maakay ka Niya tungo sa iyong layunin.

Bagong Buhay: Layunin

Minsan ba ay nararamdaman mong hindi ka nasisiyahan sa anumang bagay dahil tinatangka mong gawin ang lahat ng bagay? Gawi mo na sa buhay ang pagmu-multitask kasama ang iyong mga minamahal. . .Oo nga at ikaw ay maraming nagagawa. Ngunit ikaw naman ay pagod na pagod. Kailangan mo ng kahit kaunting palugit upang huminga. Sa pamamagitan ng isang simpleng imbitasyon, nag-aalok ang Diyos ng paraan upang mapalitan ang iyong nakakapagod na buhay ng iba naman na magbibigay sa iyo ng kapayapaan. Ipapakita sa iyo ng gabay na ito kung paano.

Palugit Upang Huminga 

Sa dami ng mga tinig na nagsasabi sa atin kung sino tayo dapat maging, hindi kataka-takang nahihirapan tayong pagpasyahan ang ating pagkakakilanlan. Hindi nais ng Diyos na ituring tayo base sa ating trabaho, sa kung may asawa tayo o wala, o ating mga kamalian. Nais Niya na ang Kanyang opinyon ang maging pinakamataas na awtoridad sa ating buhay. Ang anim na araw na gabay na ito ay makatutulong sa iyong maunawaan ang sinasabi ng Biblia patungkol sa kung sino ka at tunay na mayakap ang iyong pagkakakilanlan kay Cristo.

Namumuhay na Binago: Pagyakap sa Pagkakakilanlan

Isa itong 4 na araw na hamon upang basahin ang 4 na kabanata sa aklat ni Ruth - isang dakilang kwento ng pag-ibig sa Biblia. Hahamunin ni Ruth ang iyong kaalaman tungkol sa mga relasyon at tutulungan ka niyang makita ang kagandahan ng nakapanliligtas na pag-ibig ng Diyos. Ang mga hamon ng Biblia ay mas malalim pa sa pagbabasa; habang ibinabahagi natin ang ating pag-unawa sa isa't-isa, sa iyong pagbabasa, i-hashtag ang #RuthChallenge sa twitter upang ibahagi ang iyong mga opinyon. MOTTO ng Bible Challenge: Ang Biblia ay MAKAHULUGAN. Ang Biblia ay BUHAY. Ang Biblia ay IKAW!

Ruth Challenge

Sa pitong-araw na debosyonal na ito, tuklasin kung paano kang magiging handa sa mga laban na kinakaharap natin sa araw-araw.  Ang seryeng Ang Mga Pakikibakang Kinakaharap ng Kababaihan ay tatalakay ng mga paksa mula sa mga hangganan hanggang sa pagkabahala at magbibigay ng mga katotohanang nakasaad sa Biblia at mga praktikal na paglalapat upang tulungan kang lumakad sa katagumpayan.

Ang mga Pakikibakang Kinakaharap ng Kababaihan

How will you describe your relationship with your mother?  Are you close to her, or do you have issues that need to be resolved with her? This four-day series will help you through some of the intricacies and complications in your relationship with your mother, whether she is with you or not.


Mom, Oh Mom!

Marami sa atin ang gustong magkaroon ng mas malapit na relasyon sa Diyos, ngunit hindi natin alam kung saan magsisimula. Kapag ang ibang tao ay nagmumungkahi ng panalangin, ito ay parang masyadong pormal, nakakatakot, o hindi epektibo. Ang gabay na ito ay tutulong sa mga tagabasa na mas makilala ang Diyos at maranasan ang kapangyarihan ng panalangin habang ang bawat araw ay nagbibigay ng mga tunay na halimbawa kung paano magkaroon ng makabuluhang pakikipag-usap sa Diyos.

Nabagong Pamumuhay: Mga Pakikipag-usap Sa Diyos

Sa pamamagitan ng mga makapangyarihang katuruang ito makakamtan mo ang mas malalim na pagkaunawa sa kung paano gumawa ng stratehiya upang mautakan at matalo ang kaaway at hadlangan ang plano niyang sirain ang buhay mo.  


Plano sa Pakikipaglabang Espirituwal

Ang Mga Pakikipag-usap Sa Diyos ay isang masayang karanasan na nagpapalalim sa buhay -panalangin,  at binibigyang-diin ang mga praktikal na pamamaraan upang marinig ang tinig ng Diyos. Nais ng Diyos na maging masaya tayo sa patuloy na pakikipag-usap sa Kanya sa buong buhay natin—isang usapan na gagawa ng kaibhan sa direksiyon, mga relasyon, at layunin. Ang gabay na ito ay puno ng mga personal na kuwento na madaling unawain patungkol sa mahabaging puso ng Diyos. Iniibig Niya tayo!

Mga Pakikipag-usap sa Diyos

Paano kung kaya mong gumawa ng isang napakatibay na bahay, na kahit mga bagyo ng kagipitan ay hindi ito mapapagalaw? Paano kung ang iyong pundasyon ay napakatatag na kahit na yumayanig na ang sahig na kinatatayuan mo, nananatili kang HINDI NATITINAG? Ang pagtatagpi at pagpipintura ay panandalian lamang. Hindi tayo makakapagtago habambuhay sa likod ng magandang tabing sa bintana. Panahon na upang pahintulutan natin ang Kanyang buhay na pagtibayin tayo at itatag sa Kanyang pag-ibig. 

Mga Inang Hindi Natitinag

Ang Pagkalag sa Tanikala ay gagabay sa iyo sa pag-aaral ng Banal na Kasulatan upang tuklasin ang nakapagpapabagong kapangyarihan ng kalayaan kay Jesu-Cristo. Ang mga tema sa pag-aaral na ito ay mula sa Isaias, isang aklat patungkol sa pagkakabihag ng mga anak ng Diyos, sa katapatan ng Diyos, at sa landas patungo sa kalayaan.

Pagkalag sa Tanikala

Ano ang katotohanan? Sang-ayon ang kultura sa kasinungalingan na ang katotohanan ay isang ilog, umuurong at dumadaloy kasabay ng pagdaan ng panahon. Ngunit ang katotohanan ay hindi isang ilog - ito ay isang bato. At sa nagngangalit na karagatan ng mga opiniyon, ang gabay na ito ay tutulong sa iyo na maiangkla ang iyong kaluluwa—at magbibigay sa iyo ng malinaw na direksyon sa isang nagpapagala-galang mundo.

Matatag

Tignan mo ang iyong kapaligiran. Sa gitna ng kaguluhan, palaging mayroong hiyas na matatagpuan. Ang Mga Araw-araw na Hiyas ay isang 7-araw na debosyonal na nanawagan sa iyo na buong tapang na ihanay ang iyong korona bilang anak na babae ng Hari. Samahan ako sa isang paghahanap sa kayamanan upang matuklasan ang mga pambihirang hiyas na nakakubli sa mga pangkaraniwang mga lugar. 

Mga Araw-araw na Hiyas- Ihanay ang Iyong Korona Bilang Anak na Babae ng Hari

Kung ang mga tinig ng kawalan ng kapanatagan, pagdududa, at takot ay hindi haharapin, didiktahan nila ang iyong buhay. Hindi mo maaaring mapatahimik ang mga tinig na ito o ipagsawalang-kibo na lang. Sa 3-araw na gabay sa pagbabasang ito, ipapakita sa iyo ni Sarah Jakes Roberts kung paano labanan ang mga limitasyon ng iyong nakaraan at yakapin ang pagkabalisa upang maging matatag.

Huwag Makuntento sa Ligtas

Ang mga Taga-Efeso ay mayaman sa katotohanan patungkol sa Diyos at ang Kanyang gawaing pagliligtas sa atin. Ang gabay na ito ay dinisenyo upang matulungan kayo na  maunawaang mabuti ang tekstong ito, habang  mas natututo ng tungkol sa Diyos at sa iyong sarili. Ang anim na araw-araw na ritmong hakbangin ay makatutulong na ugaliing magbasa at makibahagi sa Salita ng Diyos. Ang gabay na ito ay  mula sa Christian Standard Bible (CSB). Alamin ang iba pa sa CSBible.com. 

21-Araw sa Mga Taga-Efeso

Ang gabay na ito ay tutulong sa iyong mabasa ang Bagong Tipan sa loob ng isang taon.

Pagbasa sa Bagong Tipan

Ang liham na isinulat ni Pablo sa iglesia sa Filipos ay naisalinlahi sa mga henerasyon upang palusugin at hamunin ang ating mga puso at isipan sa ngayon. Ang limang-araw na gabay na ito ay magbibigay sa iyo ng karanasan sa Aklat ng mga taga-Filipos, maraming siglo na mula pa nang binigyang-kapangyarihan ito ng Diyos sa pamamagitan ni Pablo. Nawa ay punuin ka ng Diyos ng mga himala at pag-asa habang binabasa mo ang liham na ito ng kagalakan! Sapagkat hindi lamang ito basta salita ni Pablo sa lumang iglesia—Ito ay salita ng Diyos sa iyo.

Sa Lahat ng Bagay

Ang mga salitang ginagamit namin ay may napakalaking kapangyarihan upang magtayo at magwasak. Ang tsismis ay lalong nakakalason. Ano kaya ang papel na ginagampanan ng mga salita sa iyong buhay - upang magdala ng buhay o upang sirain ang iba? Ang pitong araw na gabay na ito ay tutulong sa iyo na maunawaan na sinisiryoso ng Dios kung ano ang lumalabas sa ating mga bibig. Manahimik at pakinggan lamang kung ano ang sasabihin Niya. Para sa higit pang nilalaman, tingnan ang finds.life.church

Ang Tsismis

Sa lahat ng kaabalahan sa kapaskuhan, maaaring madaling mawala ang paningin sa kung bakit tayo nagdiriwang. Sa 5-araw na gabay para sa adbiyento, susuriin natin ang mga pangako na tinupad sa pamamagitan ng kapanganakan ni Jesus at ang pag-asa na mayroon tayo sa hinaharap. Habang natututunan pa natin ang tungkol sa kung sino ang Diyos, matutuklasan natin kung paano mamuhay sa buong panahon ng kapaskuhan na may pag-asa, pananampalataya, kagalakan at kapayapaan.

Nabagong Pamumuhay: Sa Pasko

Ang debosyonal na ito ay isang paanyaya upang maramdaman, makipaglaban, maging lubos na gising sa iyong paghihirap pagkatapos makunan o iba pang pagkawala. Ito rin ay isang paanyaya na dapat pangalagaan at unawain at dapat marinig mula sa ibang kababaihan na ang sakit ay bumubuti, habang tayo ay nananabik sa araw na ang ating mga luha ay napahid na at ang sakit ay wala na. Kahit nasaan ka man sa iyong lakbayin ng pagdadalamhati pagkatapos mawalan ng sanggol—o kahit anumang uri ng personal na pighati o paghihirap—idinadalangin ko na ang mga salitang ito ay magiging pintuan para sa biyaya ng Diyos. Sabay nating suriin ito nang malalim.

Pagdadalamhati Nang May Pag-asa Pagkatapos Makunan at Mawalan Ni Adriel Booker

Ang panalangin ay isang regalo, isang kamangha-manghang pagkakataon na magkaroon ng kaugnayan sa ating Ama sa Langit. Sa anim na araw na ito, malalaman natin kung ano ang itinuturo ni Jesus sa atin tungkol sa panalangin at mabigyang-inspirasyon tayo na manalangin palagi at nang may matinding katapangan. 

Nagningas: Isang Simpleng Gabay para sa Matapang na Panalangin

Ang pagdiriwang ng pag-ibig ay higit pa sa isang bukod tanging petsa; ito ay isang buhay na patuloy na nagpapaalala sa iba na ang pag-ibig ng Diyos ay dumating upang pagalingin, ibalik, at bigyan tayo ng buhay na nagpapahayag ng Kanyang kabutihan.

Inaanyayahan kita na maglakbay sa isang tatlong araw na pag-aaral sa kung ano ang kinakatawan ng pag-ibig at kung paano ang pagmamahal sa iba tulad ng nilalayon sa atin ng Diyos.

Magmahal at Patuloy na Magmahal

Naisip mo na ba ang pakiramdam na talagang nakikita ka ng Diyos na hindi mo maiwasang makita ang iba? Naisip mo na ba ang iyong pang-araw-araw at ordinaryong buhay ay may napakahalagang epekto para sa walang hanggan? Ang 7-araw na debosyonal na ito mula kay Christine Caine ay tutulong sa iyo na matuklasan kung paano ka nakita, pinili, at ipinadala ng Diyos upang makita ang iba at tulungan silang madama na nakikita sila sa paraan ng pagtingin ng Diyos sa kanila—na may 20/20 na paningin.

20/20: Nakita. Pinili. Ipinadala. Ni Christine Caine 

Ang paghihiwalay ay nakapagdadalamhati sa puso ng Diyos. Nasusuklam Siya na nakikita tayong nasasaktan at pinanghahawakan ang kasalanan, kahihiyan at takot. Sa kabila ng ating mga pagkakamali, inaasam Niya na tanggapin natin ang Kanyang biyaya at malaman na tayo ay pinahahalagahan, itinatangi, at hindi maaaring palitan. Kahit ano man ang iyong kalagayan, ang gabay na ito ay makatutulong sa iyo na matagpuan ang kagalingan mula sa paghihiwalay, upang makapamuhay ka ng buhay na tinubos Niya para sa iyo—yaong puno ng pag-asa, kagalakan, at layunin.

Nabagong Pamumuhay: Pagkatapos ng Paghihiwalay

Ang gabay na ito ay umaasa na maitampok ang puso ng Diyos para sa mga inaapi, mahihirap, mga biktima ng pang-aabuso at diskriminasyon. Ang pag-aaral ay umaasang hamunin ang mga tao na tigilan ang pagbibigay ng karangalan sa diskriminasyon at kilalanin ang mga ugali at gawi na mapagpahirap at mag-ambag upang panumbalikin sa mga tao ang dangal na kaloob ng Diyos.  

May Pakialam ba ang Diyos sa Diskriminasyon

Naglilingkod tayo sa isang mapagbigay na Diyos na nangangakong magbibigay ng bawat pangangailangan natin. Bagama't hindi Niya ibinibigay ang mga kahilingan, gumagawa pa rin Siya ng mga himala. Nasisiyahan ang Diyos na bigyan tayo ng mga regalo dahil lubos ang Kanyang pagkalinga sa atin, hanggang sa kaliit-liitang detalye. Ang 5-araw na gabay na ito ay gagalugarin ang mga kuwento ng paglalaan ng Diyos, magpapatatag ng iyong pananampalataya, at hihikayatin kang unahin ang Diyos sa iyong pananalapi.

Binagong Pamumuhay: Paglalaan

Marami sa mga kababaihan ang naniniwalang hindi sila maganda dahil sa pamantayan na ipinapakita ng media. Alamin ang kuwento ng isang dalagang iyon din ang naging paniniwala at kung ano ang nagawa ng Bibilya para sa kaniya. Ang ‘Billboard Beauty’  ay isinulat ni Melinda Ramo, isang news reader sa Far East Broadcasting Company at manunulat sa www.rightnow.ph. 

Billboard Beauty

May mga tinig ba sa iyong isip na nagsasabing hindi ka sapat, sapat na matalino, sapat na maganda...basta lang hindi sapat. Isinisiwalat ng popular na manunulat at tagapagsalitang si Sharon Jaynes ang mga kasinungalingang naglulugmok sa'yo sa kahihiyan, kawalang-kapanatagan, at damdaming may kulang sa'yo. Patahimikin ang mga kasinungalingang nagsasabing hindi ka sapat, at yapusin ang iyong hindi kapani-paniwalang halaga bilang isang babaeng natatangi ang pagkakalikha at minamahal ng Makapangyarihang Diyos.

Tama Na: Patahimikin ang Mga Kasinungalingang Nagnanakaw ng Iyong Kumpiyansa

Walang perpektong pagsasama dahil ang pag-aasawa ay pagsasama ng dalawang di-perpektong tao. Ngunit sa tulong ng Diyos, maaaring magkaroon ng magandang buhay may-asawa–hindi sa pamamagitan ng paghiling sa Kanya na ayusin ang iyong asawa, kundi sa pamamagitan ng paghiling sa Kanya na kumilos sa Iyong puso. Ang 5-araw na gabay na ito ay tutulong sa iyo upang matagpuan ang kagalingan, kapayapaan, at pagtitiwala kay Cristo para mahalin mong mabuti ang iyong asawa at mabago ang inyong pagsasama.

Nabagong Pamumuhay: Sa Pag-aasawa

Napakaraming mga mag-asawa ang inilalagay ang kanilang buhay may-asawa sa sarili nilang mga kamay, maging ang mga Cristiano, sa pagsisikap na maayos ang kanilang relasyon ayon sa idinisenyo ng Diyos. Ang pag-aasawa ay hindi sinadya upang maging mahirap, miserable, o malungkot kundi ang eksaktong kabaligtaran nito. Upang tunay na maranasan ng mag-asawa ang pagsasama ayon sa paraan ng Diyos, dapat nilang isama Siya. Sa debosyonal na ito, dadalhin ka ni Treal Ravenel sa isang paglalakbay tungo sa isang pagsasamang ayon sa  paraan ng Diyos.

Mga Asawang Babaeng Nagtatagumpay: Paanong Magtagumpay sa Iyong Pag-aasawa sa Pamamaraan ng Diyos

Pagpapagaling ng ating mga sugat sa emosyon sa pamamagitan ng Salita ng Diyos, upang mapaglingkuran Siya nang mas mabuti.

Pagpapagaling ng Sugatang Puso

Ang pagiging ina ay ang lubhang kasiya-siyang papel na ating gagampanan, subalit ang daan patungo at sa kabuuan ng pagiging ina ay isang hamon. Ito ay puno ng kawalan ng kapanatagan, pagsubok, mga sandali ng pagpapakumbaba, at mga pagkakataon upang magtiwala sa Diyos. Sa 7-araw na gabay na ito, pitong ina mula sa iba't ibang mga yugto ng buhay ang magbabahagi ng kanilang karanasan at pinagpunyagiang karunungan tungkol sa pagiging ina.

Nabagong Pamumuhay: Ina sa Ina

Ang isang puno ng kayamanan ng pananampalataya ay nasa loob ng 30 araw na babasahing gabay na ito, "Ang Tibok ng Puso ng Diyos." Ang bawat araw ay nagsisimula sa isang deklarasyon ng papuri gamit ang mga salitang ito, "O Diyos, Ikaw ay...". Pagkatapos, ang paglalahad ng Kanyang pagkatao at mga katangian ay nagsisimula (halimbawa: "O Diyos, Ikaw ay Mabuti"). Ang mga panalanging ito na puno ng Banal na Kasulatan ay gumagabay sa mambabasa sa isang kasanayan sa pag-aangat ng Pangalan ng Diyos, na nagreresulta sa mas malalim na pag-unawa sa Kanyang sinadyang "tibok ng puso" ng pag-ibig sa Kanyang mga anak.

Ang Tibok ng Puso ng Diyos

Bilang mga babae, madalas nating masusumpungan ang ating sarili na pinagsasabay-sabay ang maraming iba't ibang papel sa buhay. Ngunit sa gitna ng kaabalahang ito, mahalagang tandaan kung sino tayo sa kaibuturan natin: Ang mga Babaeng Pinili ng Diyos, o ang Babae kay Cristo. Ang pagkakakilanlang ito ang pundasyon ng ating buhay, na humuhugis ng ating kaugnayan sa Diyos at sa iba. Samahan kami sa susunod na tatlong araw habang tinutuklas natin nang mas malalim ang pagkakakilanlang ito!

Pinili -  Paglalantad sa Babaeng na kay Cristo

Sa bawat Bagong Taon ay may bagong pagkakataon para sa isang bagong simula. Huwag hayaang ito ay isa pa muling taon na magsisimula sa mga resolusyon na hindi mo tutuparin. Ang 4-araw na gabay na ito ay tutulong sa iyo sa pagninilay-nilay at magbibigay sa iyo ng bagong pananaw upang gawin mo itong iyong pinakamahusay na taon.

Nabagong Pamumuhay: Sa Bagong Taon

Lahat tayo ay may mga inaasahan kung ano ang magiging takbo ng ating mga buhay. Marahil ay inasahan mong ikinasal ka na ngayon, sa halip ay nakadarama ka ng kalungkutan, pagkaligaw, o kawalan ng pag-asa. Ang totoo, hindi mo kailangang mag-asawa upang makahanap ng kagalakan at maisabuhay ang iyong tawag. Ang 5-araw na gabay na ito ay tutulong sa iyo na mamuhay nang may layunin ngayon at magbibigay sa iyo ng pag-asa para sa hinaharap.

Mga Kababaihan