Sa pitong araw na debosyonal na ito batay sa aklat na Set My Heart on Fire ni J. Lee Grady, makikilala mo ang Banal na Espiritu, na kayang gawin ang lahat. Siya ang Espiritu ng Diyos. Walang limitasyong ang Kanyang kapangyarihan at karunungan, ngunit kusa Siyang naparito upang mamuhay sa sinumang taong naniniwala kay Jesu-Cristo.

Ang Pitong Tungkulin Ng Banal na Espiritu

May mga lumalaganap na mensahe ngayon, sa labas at loob ng simbahan, na nakasisira sa tunay na mensahe ng biyaya ng Diyos. Ang katotohanan ay hindi obligado ang Diyos na bigyan tayo ng mga mabubuting bagay—bagkus ay nais Niya itong gawin! Ang susunod na 5 araw ay maaaring makatulong sa iyo na magkaroon ng bagong pananaw at makita ang hindi maitatanggi at marangyang kabutihan ng Diyos sa kabila ng mga hindi kanais-nais na nangyayari araw-araw.

Pagtitiwalang ang Diyos ay Mabuti Kahit Anupaman

Ang Pagkalag sa Tanikala ay gagabay sa iyo sa pag-aaral ng Banal na Kasulatan upang tuklasin ang nakapagpapabagong kapangyarihan ng kalayaan kay Jesu-Cristo. Ang mga tema sa pag-aaral na ito ay mula sa Isaias, isang aklat patungkol sa pagkakabihag ng mga anak ng Diyos, sa katapatan ng Diyos, at sa landas patungo sa kalayaan.

Pagkalag sa Tanikala

Araw-araw, gumagawa tayo ng mga pagpiling huhubog sa ating talambuhay. Anong magiging hitsura ng buhay mo kung magiging dalubhasa ka sa paggawa ng mga pagpiling ito? Sa Gabay sa Bibliang Divine Direction, ang pinakamahusay na may-akda at nakatataas na Pastor ng Life.Church, si Craig Groeschel, ay hinihikayat ka sa pamamagitan ng pitong prinsipyo mula sa kanyang aklat na Divine Direction upang tulungan kang matagpuan ang karunungan ng Diyos para sa iyong araw-araw na pagpapasya. Tuklasin ang espirituwal na patnubay na kailangan mo upang magkaroon ng isang buhay na magbibigay-karangalan sa Diyos na nanaiisin mong isalaysay sa ibang tao.

Banal na Patnubay

Ang debosyong ito ay magpapahayag sa atin ng kapangyarihan ng panalangin, na ang Diyos ay pwede nating makausap at tumutugon sa mga nananamplataya sa Kanya.

 Kapangyarihan Ng Panalangin

Nangyari na ba na ikaw ay lubhang napagod o talunan sa buhay at ninanais mong bumitiw at sumuko? Ang Biblia ay puno ng panghihikayat na magpursigi at magpatuloy! Ang 7-araw na babasahing gabay na ito ay magpapaginhawa sa iyong paglalakbay sa hinaharap.

Huwag kang susuko

Ang pagsuko kay Jesus ay may epekto sa kabuuan ng ating buhay. Pero ano nga ba ang ibig sabihin ng desisyong ito at paano natin ito isasabuhay bawat araw? Para lang ba ito sa malalaking desisyon sa buhay, o sa labis na espirituwal na tao? Takot, mga naunang kabiguan, at hindi pagkakaunawaan ay maaaring humadlang sa atin.  "Humayo Gawin Sabihin Ibigay" ay isang pangako/panalangin na naglalahad sa kung paano gagawin ang mga susunod na hakbang sa iyong espirituwal na paglalakbay. Danasin ang kalayaan na nagmumula sa pagsunod kay Jesus. 

Humayo Gawin Sabihin Ibigay: Ang Kalayaan Ng Pagsuko Kay Jesus

Makakaya mong lampasan ang mga pakiramdam ng takot. Gagabayan ka ni Dr. Tony Evans sa landas patungong kalayaan sa gabay na itong puno ng kaalaman. Tuklasin ang buhay ng kaligayahan at kapayapaan na hinahangad mo sa iyong paggamit ng mga prinsipyo na ipapakita sa gabay na ito. 

Alisin ang Takot

Hindi ka kailanman nag-iisa.  Ikaw man ay 1 araw o 30 taon na sa iyong pananampalataya bilang Kristiyano, nananatili ang katotohanang ito para sa lahat ng maaaring ihamon ng buhay sa atin.  Alamin kung paano yayakapin nang epektibo ang tulong ng Diyos sa gabay na ito.  Hango sa librong, "Out of This World: A Christian’s Guide to Growth and Purpose” ni David J. Swandt

Mamuhay nang may Lakas at Tapang!

Ang lahat ng tao ay nagagalit! Ang tamang sagot sa galit ay ang patuloy nating paglapit sa Panginoon at pagninilay sa Kanyang mga salita. Maaari mong basahin ang Reading Plan Trust kasabay ng temang Galit. Ang mga sumusunod na talata; kapag naisabuhay ay makatutulong sa iyong panghawakan ang sarili sa gitna ng galit. Hayaang ang iyong buhay ay mabago sa pagsasaulo ng mga kasulatan ng Diyos! Para sa mas kopmprehensibong pagsasaulo ng kasulatan ng Diyos, bisitahin lamang ang www.MemLok.com.

Ang Galit o Poot 

Ikaw ba ay naghahanap ng isang mapayapang buhay na protektado sa kaguluhan ng iyong mundo? Hangad mo ba ang isang buhay na lahat ay mapayapa ang takbo, na walang paggambala at alitan? Lahat tayo ay nais iyon, ngunit ang ideyang ito ay malayo sa ating katotohanan. Sa 5-araw na gabay na ito, tuklasin na ang kapayapaan ay hindi ang kawalan ng mga problema o paghihirap. Ang kapayapaan ay ang presensya ni Jesus. Ang Kapayapaan ay isang Tao.  


Ang Kapayapaan ay Isang Tao

Ang pagdurusa ay maaaring makagulo ng isipan. Ang bayan ng Diyos—at maging si Cristo mismo—ay madalas na nagtatanong ng "Bakit" kapag may kinakaharap na pagdurusa. Binuksan ng Banal na Kasulatan ang kurtina upang isiwalat ang ilan, bagaman hindi lahat, sa mga layunin ng Diyos kung bakit hinahayaan Niyang pumasok ang pagdurusa sa ating mga buhay. Sa gitna ng lahat ng ito, tayo ay tinawag upang tapat na magtiyaga, sa katiyakang ng tunay na tagumpay at walang hanggang gantimpala.

Tagumpay Sa Kabila Ng Kahinaan

Sa pamamagitan ng mga komprehensibong pang-araw-araw na babasahin na ito, alamin kung paano maghintay sa takdang panahon ng Diyos sa lahat ng aspeto ng buhay, mula sa paghilom hanggang sa mga relasyon. Tuklasin kung paano ganap na mapakikinabangan ang panahon ng paghihintay at manalangin nang naaayon sa kalooban ng Diyos. Ang debosyonal na ito ay batay sa Everybody Wants to Win, But Nobody Wants to Wait ni Marcus Gill.

Lahat ay Gustong Manalo Ngunit Walang May Gustong Maghintay

Iniuutos sa atin ng Biblia na magtrabaho tayo nang maigi, pero sinasabi rin nito na ang Diyos—hindi tayo—ang nagbibigay ng resulta sa ating ginagawa. Ang apat na araw na planong ito ay magpapakita na ang isang propesyonal na Cristiano ay kailangang tanggapin ang tensyon sa pagitan ng "pagtitiwala" at "pagsisikap" upang malaman ang tunay na Araw ng Pamamahinga.

Pagtitiwala, Pagsisikap, at Pagpapahinga

Ang pagkakaroon ng pananampalataya ay nangangahulugan ng tiwala sa mga di mo nakikita dahil sa mga nakikita mo na. Ito ay mahirap. Paano natin malalaman na ang Diyos ay totoo? Mapagtitiwalaan ba natin Siya kapag may masama o nakakatakot na bagay na nangyayari? Paano kung may ginawa tayong mali? Patatawarin ba Niya tayo? Sa pamamagitan ng Gabay sa Biblia na ito, titingnan natin kung ano ang ibig sabihin ng paglalagay ng pananampalataya natin kay Jesus (at paano nito mas mapapaganda ang buhay).

Pagtutok: Isang 6-Araw na Interaktibong Debosyonal Tungkol sa Pananampalataya Para sa Mga Bata 

Ang nakagawiang pamamahala ng oras ay maaaring makapagdulot ng kapaguran kapag ang layunin ay ang "makontrol" ang buhay sa pamamagitan ng ating sariling lakas at pagdidisiplina sa sarili. Ngunit sinasabi sa atin ng Biblia na tumatanggap tayo ng kapayapaan at kapahingahan kapag ipinagkakatiwala natin sa Diyos ang ating oras. Sa 6-araw na gabay na ito, matututunan mo kung paanong ang pamamahala ng oras na nakasentro sa Diyos ay magdadala sa atin sa pagtanggap ng lahat ng kabutihang inihanda Niya para sa iyo, kasama na ang Kanyang kagalakan at kapayapaan. 

Ang Banal na Pamamahala sa Oras

Ang pakikipagbuno sa pananampalataya at pag-aalinlangan ay maaaring maging lubhang malungkot at nakapaghihiwalay. Ang ilan ay nagdurusa sa katahimikan habang ang iba ay lubusang tumitiwalag sa paniniwala, sa pag-aakalang ang pagdududa ay hindi tugma sa pananampalataya. Naniniwala si Dominic Done na ito ay parehong kalunus-lunos at malalim na pagkakamali. Gumagamit siya ng Banal na Kasulatan at literatura para ipangatuwiran na hindi lamang normal ang pagtatanong kundi kadalasan ito ay isang landas patungo sa isang mayaman at masiglang pananampalataya. Tuklasin ang pananampalataya at pagdududa sa 10-araw na gabay na ito.

Kapag ang Pananampalataya ay Nabigo: 10 Araw ng Paghahanap sa Diyos sa Anino Ng Pag-aalinglangan

Ang ating mga buhay ay madaling mapuspos ng pag-aalala at pagkatakot sa hindi natin nalalaman. Ngunit ang Diyos ay binigyan tayo ng Ispiritu ng katapangan, hindi ng pagkatakot o pagkabalisa. Itong pitong araw na debosyonal na babasahin ay makakatulong sa yo na tumungo sa Diyos sa bawat sitwasyon. Ang tunay na katapusan ng pag-aalala ay ang pagtiwala sa Diyos.

Pag-aalala 

AJ Dela Fuente was a successful talent coach and director in theatre and television, nasa kanya na halos ang lahat until greed and poor financial decisions landed him sa isang kulungan sa Singapore sa loob ng dalawang taon. Stripped of his success and influence, AJ found true freedom in Christ sa kulungan.

Positively Pinoy: Free - Bagong Buhay kay Kristo

Nais ng Diyos na MALAMAN mong ligtas ka at makararating sa langit! Pagtitibayin ng patuloy mong pamumuhay nang may takot sa Diyos at pagninilay sa Kanyang Banal na Salita ang iyong kasiguruhan. Ang mga sumusunod na bersikulo, kung iyong isasaulo, ay makatutulong magbigay sa iyo ng kapayapaan. Hayaang mabago ang iyong buhay sa pagsasaulo ng Banal na Kasulatan! Para sa mas komprehensibong pagsasaulo ng Salita ng Diyos, bisitahin ang http://www.MemLok.com 

Kasiguruhan

Ang pagdurusa ay isang mahalangang saligan ng Cristianong pananampalataya - 2 Timoteo 3:12. Ang banal mong pagtugon rito ay lumalago rin sa pamamagitan ng palagiang enkwentro sa banal na presensya ng Dios at pagninilay sa Kaniyang mga Salita. Sa pagsasaulo ng mga sumusunod na tula ay mahihikayat ka sa tamang paraan ng pagharap sa pagdurusa.

Pagdurusa

Hindi ka pa rin makapag desisyon tungkol sa Diyos? Hindi ka pa ba tiyak kung ano ang pinaniniwalaan mo? Gugulin mo ang mga susunod na pitong araw upang galugarin ang Biblia upang makita kung ano ang ipapahayag sa iyo ng Diyos tungkol sa Kanyang tunay na katangian. Ito ang pagkakataon upang ikaw mismo ang makabasa sa kasaysayang ito at makapag desisyon kung ano ang iyong paniniwalaan. Ang ideya patungkol sa Diyos ay masyadong mahalaga para ikaw ay hindi pa rin makapag desisyon.

Hindi makapag desisyon?

Sa dami ng kaganapan tuwing Kapaskuhan, karamihan sa atin ay nakakaramdam ng pagkapagod at pagkabalisa sa mga pakikipag-ugnayan sa pamilya, pangangailangan sa pananalapi, mabilis na pagpapasya, at kabiguan sa mga inaasahan. Kaya’t sige. Huminga ka. Simulan ang Gabay sa Biblia ng Life.Church at unawaing ang bigat na nararamdaman natin ay maaaring hindi hiningi ng Diyos na dalhin natin. Paano kaya kung bitawan natin ang bagaheng ito? Maglakbay tayo nang may kagaanan.

Magaang Paglalakbay

Sa 7-araw na babasahing gabay na ito, gumagamit si Beth Moore ng mga katanungan mula sa Banal na Kasulatan upang dalhin ka sa pakikipaglapit sa Nag-iisang lubos na nakakakilala sa iyo. Ang baluktot na bantas sa dulo ng pangungusap ay nagpapahayag ng pag-uusisa, pagkakaroon ng interes, at marahil ay pagdududa. Ang tanong ay isang paanyaya sa kahinaan, sa pagiging malapit. Ang Biblia ay hindi lumalayo sa mga ganitong paanyaya. Paulit-ulit na nakikita natin ang mga anak ng Diyos na nagtatanong tungkol sa kanilang Maykapal. Nakikita rin natin ang Diyos ng sandaigdigan na nagtatanong sa Kanyang nilikha. Ang Paghahanap ay isang hamon na tanggapin ang paanyayang ito.  Matutong maghanap sa Banal na Salita, tumugon sa mga katanungan ng Diyos, at magdala ng iyong mga katanungan sa Kanya. Hayaan mong ang baluktot na bantas ay maging mapa mo na magtuturo sa iyo sa isang mas malapit na pakikipag-ugnayan sa Ama.

Ang Paghahanap

Madalas sinasabi ng mga tao, “Ibigay mo sa Diyos ang iyong mga pasanin.” Naisip mo na ba: Paano ko ba magagawa ito? Ang pagkasira ng mundong ito ay tila napakabigat. At kahit gusto mong ipakita ang pagkinang ng liwanag ni Jesus, iniisip mo rin kung ano ang itsura nito kapag ikaw mismo ay nahihirapang makita ang liwanag na ito. Ang debosyonal na ito ay tinitingnan kung paano tayo magiging mga ilaw para kay Jesus kahit sa pakiramdam natin ay madilim ang ating sariling mundo.

Bumangon at Kuminang

Dumating na ang isang bagong taon at kasama nito, ang mga bagong tunguhin at resolusyon na nais nating makamit. Lahat ay nagbago sa daigdig; gayunpaman, mayroon tayong parehong Diyos na makapangyarihan-sa-lahat na may kakayahang magbigay sa atin ng isang taong pinagpala. Sumali sa akin sa apat na araw na ito na tutulong sa atin na magsimula ng isang taon na may layunin.

Bagong Taon, Parehong Diyos

Ang pag-aalala ay isang magnanakaw ng ating oras, lakas, at kapayapaan. Kaya bakit natin ito gagawin? Sa 3-araw na debosyonal na ito, titingnan natin ang pag-aalala, kung bakit natin ito ginagawa, at kung paano natin mapipigilan.

Mag-alala para sa Wala

Maaaring ang buhay ay walang kasiguruhan at nakalilito, kahit na tayo'y naglilingkod sa Diyos. Minsan, parang hindi na natin makontrol ang mga bagay-bagay, kaya't iniisip natin kung ano na ang nangyayari sa mundo! Kung naranasan mo na ang ganitong damdamin o nalilito ka, ang bagong seryeng ito ng mga debosyon ni Pastor Jim Cymbala ay para sa iyo lamang!

Pagbibigay Kahulugan sa Iyong Buhay

May mga pagkakataon na mayroon tayong pangako mula sa Diyos, ngunit hindi natin nakikita ang ating buhay na nakaayon sa pangakong ibinigay sa atin ng Diyos. O may mga pagkakataong naabot natin ang isang sangang-daan sa ating buhay, umaasa sa Diyos na magbigay ng direksyon sa ating buhay, at katahimikan lamang ang ating naririnig. Ang 7-araw na debosyonal na ito ay mangungusap sa iyong puso tungkol sa kung paano kumilos ayon sa Kalooban ng Diyos kapag ang Diyos ay tila tahimik. 



Pag-upo sa Katahimikan: 7 Araw sa Paghihintay sa Loob ng Pangako ng Diyos

Ang tinig ng Diyos ay maaaring dumating na parang isang banayad na bulong o lakas ng isang bagyo. Ang susi ay makilala ito, anuman ang mangyari—at magtiwala na Siya ay mabuti, na Siya ay mas malaki kaysa sa alinman sa iyong pakikibaka. Simulan ang apat na araw na gabay na ito at simulang matutunan kung paano Siya kakatagpuin, ang Kanyang tinig, ang Kanyang presensya —at samahan ang maraming mga lalaki at babae na nakakaranas ng Pagmamadali | Ang Banal na Espiritu sa Makabagong Buhay.

Pagkilala sa Tinig ng Diyos // Matutunang Katagpuin Siya

Ang buhay puno ng mga hindi inaasahang lakbayin, mabuti at masama. Habang madalas na madaling makita ang Diyos sa mga mabubuting panahon, lubhang mahirap na panghawakan ang pag-asa sa gitna ng mga trahedya at imposibilidad. Magkaroon ng kapangyarihan na manampalataya sa Kanya na kaya ang imposible. Kapag inasahan mo na masumpong ang Diyos sa oras ng kadiliman, ililigtas Niya ang isang tila walang pag-asang bagay sa pamamagitan ng kahima-himalang kasagutan!

Asahan ang Diyos

Sinasabi mo ba ang ibig mong sabihin at tapat ka ba sa iyong sinasabi? Naaayon ba sa iyong mga gawa at salita sa iyong mga sinasabi at paniniwala? Sa kasalukuyang lipunan, mahirap mamuhay nang may integridad. Ang gabay na ito ay makakatulong upang mas masuri mo kung paano magtatag ng buhay na nakasalig sa integridad. 

Buhay na May Integridad

Lahat tayo ay maaaring dumaan na sa isa sa mga unos ng buhay, nasa gitna ng unos ngayon, o haharap sa isa sa mga unos ng buhay sa malapit na hinaharap. Ang 14 na araw na debosyon na ito ay magpapaalala sa iyo na si Jesus ang may kontrol sa bawat unos. Dahil ang mga imahe ay ang wika ng ika-21 siglo, bawat debosyon ay gumagamit ng mga orihinal na larawan upang ipaliwanag ang debosyon at palalimin ang epekto nito.