Ang Awit ni Solomon 6:1-3
Ang Awit ni Solomon 6:1-3 Magandang Balita Bible (Revised) (RTPV05)
O babaing napakaganda, giliw mo'y saan ba nagpunta? Ika'y aming tutulungan sa paghanap mo sa kanya. Ang mahal kong kasintahan ay nagpunta do'n sa hardin, sa hardin na ang halama'y mababangong mga tanim upang kawan ay bantayan at ang liryo ay pitasin. Ang irog ko'y akin lamang, at sa kanya naman ako; sa kanya na nagpapastol ng kawan sa mga liryo.
Ang Awit ni Solomon 6:1-3 Ang Salita ng Dios (ASND)
O babaeng pinakamaganda, nasaan na ang iyong mahal? Saan siya nagpunta upang matulungan ka naming hanapin siya? Ang aking mahal ay nagpunta sa hardin niyang puno ng halamang ginagawang pabango, upang magpastol doon at kumuha ng mga liryo. Akoʼy sa aking mahal, at ang mahal ko naman ay sa akin lang. Nagpapastol siya sa gitna ng mga liryo.
Ang Awit ni Solomon 6:1-3 Ang Biblia (TLAB)
Saan naparoon ang iyong sinisinta, Oh ikaw na pinakamaganda sa mga babae? Saan tumungo ang iyong sinisinta, upang siya'y aming mahanap na kasama mo? Ang sinisinta ko'y bumaba sa kaniyang halamanan, sa mga pitak ng mga especia, upang magaliw sa mga halaman, at upang mamitas ng mga lila. Ako'y sa aking sinisinta, at ang sinisinta ko ay akin: pinapastulan niya ang kaniyang kawan sa gitna ng mga lila.
Ang Awit ni Solomon 6:1-3 Magandang Balita Biblia (2005) (MBB05)
O babaing napakaganda, giliw mo'y saan ba nagpunta? Ika'y aming tutulungan sa paghanap mo sa kanya. Ang mahal kong kasintahan ay nagpunta do'n sa hardin, sa hardin na ang halama'y mababangong mga tanim upang kawan ay bantayan at ang liryo ay pitasin. Ang irog ko'y akin lamang, at sa kanya naman ako; sa kanya na nagpapastol ng kawan sa mga liryo.
Ang Awit ni Solomon 6:1-3 Ang Biblia (1905/1982) (ABTAG)
Saan naparoon ang iyong sinisinta, Oh ikaw na pinakamaganda sa mga babae? Saan tumungo ang iyong sinisinta, Upang siya'y aming mahanap na kasama mo? Ang sinisinta ko'y bumaba sa kaniyang halamanan, Sa mga pitak ng mga especia, Upang magaliw sa mga halaman, at upang mamitas ng mga lila. Ako'y sa aking sinisinta, at ang sinisinta ko ay akin: Pinapastulan niya ang kaniyang kawan sa gitna ng mga lila.