Jonas 2:6-7
Jonas 2:6-7 Magandang Balita Bible (Revised) (RTPV05)
Ako'y bumabâ sa paanan ng mga bundok, sa libingan ng mga patay. Ngunit mula roo'y buháy akong iniahon, O Yahweh. Nang maramdaman kong malalagot na ang aking hininga, naalala ko kayo, Yahweh. Ako'y nanalangin, at mula sa banal ninyong Templo, ako'y inyong narinig.
Jonas 2:6-7 Ang Salita ng Dios (ASND)
Lumubog ako hanggang sa pinakailalim ng dagat, at parang ikinulong sa kailaliman ng lupa magpakailanman. Pero kinuha nʼyo ako sa kailalimang iyon, O PANGINOON kong Dios. Nang parang mamamatay na ako, tumawag ako sa inyo, PANGINOON, at pinakinggan nʼyo ang dalangin ko roon sa inyong banal na templo.
Jonas 2:6-7 Ang Biblia (TLAB)
Ako'y bumaba sa mga kaibaibabaan ng mga bundok; Ang lupa sangpu ng kaniyang halang ay tumakip sa akin magpakailan man: Gayon may isinampa mo ang aking buhay mula sa hukay, Oh Panginoon kong Dios. Nang ang aking kaluluwa ay nanglupaypay sa loob ko; naaalaala ko ang Panginoon; At ang aking dalangin ay umabot sa loob ng iyong banal na templo.
Jonas 2:6-7 Magandang Balita Biblia (2005) (MBB05)
Ako'y bumabâ sa paanan ng mga bundok, sa libingan ng mga patay. Ngunit mula roo'y buháy akong iniahon, O Yahweh. Nang maramdaman kong malalagot na ang aking hininga, naalala ko kayo, Yahweh. Ako'y nanalangin, at mula sa banal ninyong Templo, ako'y inyong narinig.
Jonas 2:6-7 Ang Biblia (1905/1982) (ABTAG)
Ako'y bumaba sa mga kaibaibabaan ng mga bundok; Ang lupa sangpu ng kaniyang halang ay tumakip sa akin magpakailan man: Gayon ma'y isinampa mo ang aking buhay mula sa hukay, Oh Panginoon kong Dios. Nang ang aking kaluluwa ay nanglupaypay sa loob ko; naaalaala ko ang Panginoon; At ang aking dalangin ay umabot sa loob ng iyong banal na templo.