Jenɨzɨzɨ 4
4
Kenɨ Aivelɨmɨ tamakyaa'.
(4:1-24)
1-24Ataamɨjɨ Yɨvasɨ sawaai kaimaleraarɨ wɨmwaaihagi. Kenɨ gannya wawɨnyavɨ yadaasɨ Aivelɨ jɨlɨkyaawaryaraavɨ maremwaalɨna. Pɨgaa' Kenɨ wawɨnyavɨdaasɨ wapaaya maarɨna yaka Gotɨyarɨ wɨmaaryɨna. Aivelɨ sipɨzipɨya tewaanyai maaraka Gotɨyarɨ wɨmaaryɨna. Kumaaryagi tawanakei wɨmaaryaka Aivelɨmɨna Gotɨyai yɨlaaya yɨna ya'. Wapaaya wɨmaaryaka Kenɨmɨna jɨkurya yɨna ya'. Jɨkurya yɨna kya' Kenɨ sɨnna tɨka kudava' sagaa' Gotɨyai wɨdɨna “Kenɨ sɨnna tɨka magɨthavanna! Kayaa'nanyabwi minnera!” Wɨla dɨvi wawɨnyavɨ a'mwera mamwaalyaba Kenɨjɨ Aivelɨjɨ saraai mwaaidakɨri Kenɨ Aivelɨmɨ tamakɨna. Tamakɨna kya' dɨvi sagaa' Gotɨyai Kenɨmɨ wɨdɨna “Jɨhwaalaangei gazɨyaka?” Sara wɨdɨna kya' Kenɨ wɨdɨna “Mwanganyɨweinyɨ. Gamɨnyɨ maremwaaidɨnyainyɨ daaka!” Gotɨyai wɨdɨna “Jɨhwaarɨ baarɨ' yɨwaa? Jɨhwaalaangare tawejɨ' kwaakevakɨ warɨ'. Dɨvi sagaa' kwaakevakɨ wawɨnya ya'gɨzɨyagaa' wapaaya maalɨke dakanadeigɨnyɨ. Gɨmɨ gazabazaba yamarina jɨtheigɨnyɨ.” Mi'na wɨdɨna kya' sagaa' Kenɨ wɨdɨna “Gɨmɨ mala kanyɨramaasa'gɨzɨ gazabazaba mwalamarina yɨdeinyɨ. Yamaryadaa'mujɨ a'mwei nyanganojɨ mala nyɨramakadeinyɨ.” Gotɨyai wɨdɨna “Aawano. Sasare' mika.” Wɨdɨna yaka Gotɨyai “Kenɨmɨ mala narabɨka!” daka Kenɨmɨre yamevɨ pɨkarya ya'. Sagaa' Gotɨyaryabadaasɨ Kenɨ kwaaka Nothɨnei kaanna wɨna ya'. Gamɨre kaimɨraayara kwaaka mudɨkeba mwalaaweva kwaari'masannajɨ, pɨradaazannajɨ yuya kunnya saburana yawɨreva yavɨkarye'.
25-26(-)
Kasalukuyang Napili:
Jenɨzɨzɨ 4: byr
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2013, Wycliffe Bible Translators, Inc. All rights reserved.