Matɨyo 1

Te mon̰ gɨ da Jesu

(Lug 3:23-38)

1Magtubu da te mon̰ gɨ da Jesu-Kɨris ba kɛ: Ban na kungan̰ Dabid dan̰ kungan̰ Abɨraham. 2Abɨraham wɔɔ Isag, Isag wɔɔ Jagob, Jagob wɔɔ Juda dan̰ karmii. 3Juda dan̰ Tamar wɔɔge Parɛs bɨ Jera bɨ. Parɛs wɔɔ Ɛsrɔm, Ɛsrɔm wɔɔ Aram. 4Aram wɔɔ Aminadab, Aminadab wɔɔ Naso̰, Naso̰ wɔɔ Salmo. 5Salmo dan̰ Rahab wɔɔge Booj. Booj dan̰ Rudɨ wɔɔge Obɛd, Obɛd wɔɔ Jese. 6Jese wɔɔ kɨlma Dabid. Dabid dan̰ tam Uri wɔɔge Salomo. 7Salomo wɔɔ Robowam. Robowam wɔɔ Abɨya, Abɨya wɔɔ Asa. 8Asa wɔɔ Josapad, Josapad wɔɔ Joram, Joram wɔɔ Ojɨyas. 9Ojɨyas wɔɔ Yotam, Yotam wɔɔ Agaj, Agaj wɔɔ Ejegɨyas. 10Ejegɨyas wɔɔ Manase, Manase wɔɔ Amo̰, Amo̰ wɔɔ Jojɨyas. 11Jojɨyas wɔɔ Jegonɨyas bɨ, karmii bɨ. Na boy ɨlgedi gɨ nee gɨŋ le ma, kan ƴomge karɨn̰ Ɨsɨrayɛl orɨn̰ge danage a Babilɔn.

12Kardi ɔrɛ gɨ da karɨn̰ Ɨsɨrayɛl a Babilɔn na, Jegonɨyas wɔɔ Salatɨyɛl, Salatɨyɛl wɔɔ Jorobabɛl. 13Jorobabɛl wɔɔ Abihud, Abihud wɔɔ Elɨyagim, Elɨyagim wɔɔ Ajor. 14Ajor wɔɔ Sadɔg, Sadɔg wɔɔ Agim, Agim wɔɔ Elɨyud. 15Elɨyud wɔɔ Eleyajar, Eleyajar wɔɔ Matan, Matan wɔɔ Jagob. 16Jagob wɔɔ Jɨsɛb Mari kudurɔ, bɨ Mari wɔɔ Jesu, kan teeyige na Kɨris.

17Ɨni na, ayɨn̰ toy a cay Abɨraham bɨrɨŋ andɨn̰ a cay Dabid na, te mon̰ nɔm ga woyge boy nee na mɔjɨ-cayge-poɗɨn̰. Bɨ ayɨn̰ toy a cay Dabid bɨrɨŋ andɨn̰ a cay ɨlge gɨ orɨn̰ge dan̰ kalaŋ a Babilɔn na, te mon̰ na mɔjɨ-cayge-poɗɨn̰ bɨ, ayɨn̰ toy a cay ɨlge gɨ orɨn̰ge dan̰ kalaŋ a Babilɔn bɨrɨŋ andɨn̰ a boy ɨlge gɨ da Kɨris gɨŋ na, te mon̰ na mɔjɨ-cayge-poɗɨn̰ bɨ.

Wɔɔ gɨ da Jesu-Kɨris

18Wɔɔ gɨ da Jesu-Kɨris le woy na hɨn̰ wo̰: Ƴoyi di ni Mari le, na ɗe kujɔ da Jɨsɛb. Ama kɨɗɨn̰ ga kan ƴage gusɨge naŋ ƴee bɨ ga ma, hɨndi ƴee kur dan̰ gɨyəŋ gɨ da Turnɔ ɗe-kuduroy-bɛrɛ. 19Jɨsɛb ba-kujɔdo le na ungo gɨ dan̰ durɔ ɗɨngar, ban gey dɨbe dasi caa cɨn̰ kalaŋ naŋ. Lee gɨ ban ɨrɨm dɔrɛ kobi jaŋ coŋ guso. 20Kɨɗɨn̰ ga ban woy te ɨrɨme ƴee bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cayi duroy sɔndɛ gɨŋ, yeyi hɨn̰: «Jɨsɛb, kungay Dabid, ji ɗɔɔ ba hundɔrɔ gɨ ni kan̰e ƴɔɔ Mari coŋ naŋ. Kɨya wa kur gɨ hɨndi ƴee le, na dan̰ gɨyəŋ gɨ da Turnɔ ɗe-kuduroy-bɛrɛ. 21Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.» 22Hɨnga ga nee le nɔm, ɨrga hɨn̰ wo̰ ɗe kɔl gɨ Ba-gulɔŋ ba ye dan̰ gɨyəŋ gɨ da ba-yɔɔ-kɔl-gɨ-Kumu-ba-yɔɔ le, na or kɨɗɨn̰dɨge gaŋ. Kɔl gɨ ban ba ye le ba kɛ:

23«Sɨlagɨŋ, tɨmbali di cɨl kɨya ƴɔɔ kur bɨ,

Kɨya wɔɔ kɨye gɨ bara,

Kan kɨya se gusondi na Emanɨwɛl.»#1:23 Ayge na duroy: Esaïe 7:14.

Duroy na Kumu dananagɨŋ.

24Kɨɗɨn̰ ga Jɨsɛb say lɨbɨ cay kuŋ gaŋ na, ban lee hɨnga ga ba-ƴɔbɛ gɨ daa nii gɨ da Ba-gulɔŋ ba yeyi le, lee gɨ ban ƴoo gorɨn̰ ƴaa danaa. 25Ama ban wɨyan̰ danaa naŋ bɨrɨŋ gɨsɨn̰ gɨ hɨndi woon̰ kɨye gɨ nee le. Mari wɔɔ kɨye gɨ bara bɨ Jɨsɛb si gusondi naa Jesu.

Kasalukuyang Napili:

Matɨyo 1: gab

Haylayt

Ibahagi

Kopyahin