Matteiu 3
3
CAP. III.
1In quelli ghiorni venne Ghiuvanni Battista a predicà nelu desertu di Ghiudea,
2Dicendu: Fate penitenza: perchè lu regnu di li celi è vicinu.
3Quessu è l’ omu, di lu quale ha parlatu lu prufeta Isaia dicendu: La voce di quellu, che grida in lu desertu: Preparate la strada di lu Signore: addirizzate li soi viottuli.
4Ghiuvanni avia lu so vistimentu fattu di pelu di camellu, ed una cinta di coghiu inghiru a li reni: e magnava mele salvaticu, e grilli.
5Allora Ghierusalemme, tutta la Ghiudea, e tuttu lu paese d’ intornu a lu Ghiurdanu andavanu a truvallu;
6Ed eranu battizati da ellu in lu Ghiurdanu, cunfessandu i loru peccati.
7Ellu videndu molti Farisei, e Sadducei, che vinianu a lu so battesimu, li disse: Razza di vipare, chi v’ ha imparatu a fugghia l’ ira futura?
8Fate dunque frutti degni di penitenza.
9E nun vugliate dì dentru di voi: Avemu ad Abramu per babbu. Perchè eiu vi dicu, che Diu ha tanta putenza per fà nascia di li figlioli ad Abramu da ste petre.
10La piola è ghià posta a la radica di l’ alberu. Ogn’ alberu, che nun face fruttu bonu, sarà tagliatu, e lampatu in lu focu.
11Eiu poi vi battezu cun l’ acqua pe la penitenza: ma quellu, che deve vena dopu di me, è più putente di me, ed eiu nun son degnu di purtà li so’ sandali: ellu vi battizarà cun lu Spiritu santu, e cun lu focu.
12Ellu ha la so pala in manu: e nettarà la so aghia, e accugliarà tuttu lu so granu in lu granaghiu: ma brugiarà la paglia cun focu, che nun si po spigna.
13Allora venne Ghiesù da la Galilea versu lu Ghiurdanu per truvà a Ghiuvanni, perch’ ellu lu battizasse.
14Ma Ghiuvanni nun vulia, dicendu: Eiu devu essa battizatu da te, e tu veni, perch’ eiu ti battezi?
15Ma Ghiesù li rispose, dicendu: Lascia fà per lu mumentu: perchè cusì cunvene a noi per adempì tutta la ghiustizia. Allora Ghiuvanni cunvenne.
16Ghiesù essendu statu battizatu, surtì subitu da l’ acqua. Ed eccu che s’ aprinu i celi: e vidde lu Spiritu di Diu scenda come una culomba, e vena sopra d’ ellu.
17Ed eccu una voce da lu celu, che disse: Questu è lu me figliolu dilettu, in lu quale mi sonu cumpiaciutu.
Kasalukuyang Napili:
Matteiu 3: CORS1861
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Published in London in 1861.
