बुतोंग भूमिका
भूमिका
प्रबु येसु मसि हातोर लोकुरकनिगाडाल असा जिवेमास तेदितुर अनि पजा ओर आपुना चेला लोकुरकुन इतुर, “पवित्र आत्माता लाव पुटिहच निमाट दुनियाता सबोय जागातिगा नावा गवाहि हियानुर।” मसिना आग्या अनुसार येरुसलेम सहेरतिगा मिलेमास प्रार्थना किसोर मतोरक ओर चेला लोकुरा पोरो पवित्र आत्मा रयतुर अनि ओरक येसुना सोबाता पोल्लो वेहाना अत्भुत चमत्कार कियाना लाव पुटिहतुरक। पवित्र आत्माता लावदे पतरस येसुना सोबाता पोल्लो वेहतुरक ओदे दिया मून्ड हजार लोकुरक प्रबु येसुन स्विकार कितुरक। मसिलोकुरा सभातुन यहुदि लोकुरा कारण पकाय तकलिप आतु। मसिना विस्वासि लोकुरक येरुसलेम सहेरता बाहरो पसिस हिके होके आतुरक। ओर सबोय जागातिगा येसुना सोबाता पोल्लो वेहतुरक, पकाय लोकुरक मसि विस्वास येतितुरक। ओद बेरा शावुल पोरोयतोर वरोर पकाय ग्यानि यहुदि मानेय प्रबु येसुन येतितुर। ओर पहले येसुना विस्वासि लोकुरकुन पकाय तकलिप केवाल मतोर। ओर येसुना सोबाता पोल्लो सबोय दुनियातिगा फयले कितुर। मसिलोकुरा विरोद पकाय तकलिप आतु ते वने मसिलोकुरा सभा सबोय दुनियातिगा आतु।
मसिलोकुरा सभाता सुरुवात अनि बरसानाता बारेता इद इतिहास पुस्तक लूका पोरोयतोर वरोर मानेय कोटतुर, ओर मसिना चेलाल मतोर। लूका पोलुसनासंग येसुना सोबाता पोल्लो वेहान साटि पकाय जागातिगा संगे हतोर। इद पुस्तक वाचेकियान साटि परमेस्वर मिकुन सन्दि हितुर इन्जोर नना परमेस्वरना धन्यवाद किन्तोना। ओर मसिन निमा आपुना जिवातिगा येचुन पवित्र आत्माता लावदे पकाय लोकुरकुन येसुना सोबाता पोल्लो वेहान साटि परमेस्वर मिकुन आशिष हेविर।
रुप-रेखा
येसु मसिना गवाहि हियान साटि चेला लोकुरकुन तयारि किन्तोर १:१-२६
येसु मसिना हजोर आग्या अनि पवित्र आत्माता बारेते वाचा १:१-१४
यहुदा इसकरियोतिना उत्तराधिकारि १:१५-२६
येसुना खास चेला लोकुरक येरुसलेम सहेरतिगा गवाहि हिन्तोरक २:१-४१
येसुना खास चेला लोकुरक यहुदिया अनि सामरियातिगा गवाहि हिन्तोरक ८:४—१२:२५
पोलुस मसिन स्विकार किन्तोर अनि येसुना सोबाता पोल्लो प्रचार कियाना बुतो ९:१—२८:३१
येसुना सोबाता पोल्लो प्रचार कियाना साटि पोलुसना पहले बेरा हन्दाना १३:१—१४:२८
येरुसलेम सहेरतिगा मसिलोकुरा मुक्या लोकुरा सम्मेलन १५:१-३५
येसुना सोबाता पोल्लो प्रचार कियाना साटि पोलुसना दुसरो बेरा हन्दाना १५:३६—१८:२२
येसुना सोबाता पोल्लो प्रचार कियाना साटि पोलुसना तिसरो बेरा हन्दाना १८:२३—२१:१६
पोलुस कयदि आस येरुसलेम, कयसरिया अनि रोमि सहेरतिगा २१:१७—२८:३१
येसुना सोबाता पोल्लो प्रचार कियाना साटि पोलुसना चवतो बेरा हन्दाना २७:१—२८:३१
Kasalukuyang Napili:
बुतोंग भूमिका: fmu
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© (Active) Wycliffe Bible Translators, Inc. All rights reserved.