Luka 18
18
Ngelekan’yo ya ndiwa na mũsili
1 #
Alo 12.12; Ako 4.2; 1 Ath 5.17. Amatavya ngelekan’yo mamanye nĩmaĩlwe nĩ kũvoya mĩthenya yonthe, mateũleela; 2akyasya, Kwaĩ mũsili ndũanĩ ĩmwe, ũla ũtakĩaa Ngai, o na ndoonaa mũndũ ta mũndũ: 3Na ndũanĩ ĩsu kwaĩ mũndũ mũka ũmwe ndiwa; nĩwaendangaa kaingĩ vala ũĩ aimwĩa, Ndĩvanĩsya kwa nthũ yakwa. 4Nake alea ĩvinda: na ĩtina wa ũu asya ngoonĩ yake atĩĩ, O na ethĩwa ndimũkia Ngai, o na ndyonaa mũndũ ta mũndũ; 5#Lk 11.7,8.ĩndĩ nũndũ mũndũ mũka ũũ ndiwa nũnũũnyamasya, nĩngũmũĩvanĩsya, ndakanosye akĩndokeanga mĩthenya yonthe. 6Na Mwĩaĩi asya, Ĩw’ai ũndũ ũla mũsili ũte mũlũngalu ũnũkwasya. 7Na Ngai ndakamaĩvanĩsya anyuve make, ala mamũĩĩa mũthenya na ũtukũ, o na amomĩĩsya? 8Nĩngũmũtavya, akamaĩvanĩsya mĩtũkĩ. Ĩndĩ yĩla Mwana wa mũndũ ũkoka nũkethĩa mũĩkĩĩo nthĩ?
Mũvalisi na mumya wa koti
9Amatavya ngelekan’yo ĩno nao ala metusaa ene alũngalu, makĩvũthya angĩ: 10Andũ elĩ nĩmambatie ĩkalũnĩ kũvoya; ũmwe nĩ Mũvalisi, na ũngĩ nĩ mumya wa koti. 11#Isa 58.2,3; Lk 16.15.Ũla Mũvalisi aũngama avoya ngooni yake, Ngai, nĩngũũtũngĩa mũvea, nũndũ nditilyĩ ta andũ ala angĩ, avutani, ala mate alũngalu, ilaalai, kana o na ta mumya wa koti ũũ. 12#Mt 23.23.Kyumwa kĩmwe nĩndĩĩaa ũya kelĩ; na nĩnumasya kĩlungu kya ĩkũmi kya kĩla kĩndũ nĩ nakyo. 13#Sav 51.1.Ĩndĩ mumya wa koti aũngamĩte kũasa, na ndaaũngalalya metho make kũsisya ĩtunĩ, ĩndĩ eekũnanga kĩthũi, akyasya, Ngai, mbĩw’ĩa tei, nĩ mwathe nyie. 14#Lk 14.11; Mt 23.12; Esek 21.26.Nĩngũmũtavya, Mũndũ ũsu atheeie kwake atalĩlwe ũlũngalu kũte ũla ũngĩ: nĩkwĩthĩwa ũla wĩnenevasya mwene nũkanyivw’a; ĩndĩ ũla wĩnyivasya mwene nũkanenevw’a.
Yesũ aiathima twana tũnini
(MATHAYO 9.13–15; MALIKO 10.13–16)
15Na mamũetee twana twoo tũnini, atũkiite: na amanyĩw’a moona ũu, mamakan’ya. 16Ĩndĩ Yesũ atwĩta tũke, kwake, akyasya, Tũekei twana tũnini tũke kwakwa, mũtikatũvate: nũndũ ũsumbĩ wa Ngai nĩ wa ala mailyĩ tatw’o. 17#Mt 18.3.Nĩ w’o nĩngũmwĩa, Ũla ũtosaa ũsumbĩ wa Ngai ta kana kanini ndakavota vo nongi.
Thayũ ũtathela na mĩisyo ya ũthwii
(MATHAYO 19.16–30; MALIKO 10.17–31)
18Na mũnene ũmwe amũkũlya, akyasya, Mũmanyĩsya mũseo, nĩĩka ata kana nĩtiĩwe thayũ ũtathela? 19Na Yesũ amwia, Nĩkĩ ũũmbĩta mũseo? Vai mũseo ate o ũmwe, nake nĩ Ngai. 20#Kuma 20.12–16; Kũt 5.16–20.Nũmĩsĩ ĩla mĩao, Ndũkalaalae, Ndũkoae, Ndũkoye, Ndũkaneene ũkũsĩ wa ũvũngũ, Taĩa au na mwenyu. 21Nake asya, Maũndũ asu onthe nĩnamakwatie kuma nĩ mũnini. 22#Mt 6.20.Yesũ eew’a ũu, amwĩa, Ve ũndũ ũmwe ũtielye: Thoosya syĩndũ syonthe ila wĩ nasyo, ũnenge ngya, na ũkethĩwa na ũthwii ĩtunĩ: na ĩndĩ ũkyũka ũngatĩĩe. 23Na eew’a ndeto isu, eew’a woo mũno; nũndũ aĩ mũthwii mũno. 24Na Yesũ amũketeea na asya, Ko nĩ vinya ala athwii kũvota ũsumbĩnĩ wa Ngai! 25Nũndũ nĩ ũvũthũ ngamĩle kũvotela kalimanĩ ka singano, kũte mũndũ mũthwii kũvota ũsumbĩnĩ wa Ngai. 26Na ala meewie masya, Nũũ ĩndĩ ũtonya kũtangĩĩwa? 27Nake asya, Maũndũ ala matatonyeka kwa andũ nĩmatonyeka kwa Ngai. 28Nĩvo Vetelo waisye, Sisya, ithyĩ nĩtũtiĩte syĩndũ sitũ twakũatĩĩa. 29Nake amea, Nĩ w’o nĩngũmwĩa, Vai mũndũ ũla waatia nyũmba, kana mũka, kana ana‐a‐inyia, kana asyai make, kana syana, kwondũ wa ũsumbĩ wa Ngai, 30ũtakosa vandũ va kĩmwe nyingĩ ĩvindanĩ yĩĩ twĩ nayo, na ĩvinda yĩla yũkĩte thayũ ũtathela.
Yesũ akyathana kĩkw’ũ kyake ya katatũ
(MATHAYO 20.17–19; MALIKO 10.32–34)
31 #
Lk 9.22,44. Na amomban’ya vala ũĩ ala ĩkũmi na elĩ, na amea, Sisyai, nĩtũkwambata Yelusaleme, na maũndũ onthe ala maandĩkiwe nĩ athani makeanĩwa kwa Mwana wa mũndũ. 32Nĩkwĩthĩwa akanenganwe mokonĩ ma Andũ‐ma‐mbaĩ‐ingĩ, akathekeewa na kĩvũthya, na kũthĩnw’a mũno, na kũtw’ĩlangwa mata: 33na makamũvũa na kũmũaa: na mũthenya wa katatũ akathayũũka. 34#Mko 9.32.Na maiaamanya, o na vanini, maũndũ asu; na ndeto isu nĩsyavithĩtwe kwoo, na maiaamanya ũla waneeniwe.
Yesũ aivosya kĩlilinda
(MATHAYO 20.29–34; MALIKO 10.46–52)
35Na kweethĩwa, aithengeea Yeliko, kwaĩ kĩlilinda kyekalĩte ũtee wa nzĩa kĩivoya syĩndũ: 36nakyo kyeew’a ĩkomano yĩvĩtĩte, kyakũlya nĩ ũndũ mwaũ. 37Nao makĩtavya nĩ Yesũ wa Nasaleti ũvĩtĩte. 38Nakyo kyookĩlya wasya, kĩkyasya, Yesũ Mwana wa Ndaviti, mbĩw’ĩa tei. 39Na ala matongoetye makĩkan’ya, kĩkilye: ĩndĩ kyookĩlya wasya mũno mbee, Mwana wa Ndaviti, mbĩw’ĩa tei. 40Na Yesũ aũngama, ameaĩa kĩetwe vala ũĩ: na kyathengeea, akĩkũlya, 41Wĩenda ngwĩke ata? Na kyasya, Mwĩaĩi, nĩenda kwona nthĩ. 42#Lk 17.19.Na Yesũ akĩtavya, Ona nthĩ: mũĩkĩĩo waku nĩwakũvosya. 43Na kavinda o kau kyanengwa kwona, na kyamũvikĩla, kĩimũkatha Ngai: na andũ onthe, moona ũu, mamũtaĩa Ngai.
Kasalukuyang Napili:
Luka 18: Mbivlia
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
