MA-TAI 9
9
DSA̱̍NG DAE KÛ.
1Iei-su zên liao ndăn rù kău ku̍a zâi, da̍u dà̱ng dsŭ giăng dı̍.
2Li dù uèn răm váng bàn dâ̱n ndiăo nìn dso̍ mbu̍an mă dà̱ng Iei-su, Iei-su răn sĭn dsàn sa̍o dı̍, lăng váng bàn dân nào, lèk săe dsu̱̍ng dsŏ̤ sŭei mèng iàng liao.
3Li gî váng kó sĕ dso̍ ndăeo dsò̤ nào, dù uèn ni lò̤n nào za̍o.
4Iei-su ro ka̍i dsĭm ndăeo dsò̤ sa̍o dı̍ dsi nào, ka̍i su̍ uĕi iàng mà ndăeo dsò̤ dsĭm ka̍i ya̍k ní?
5Mà nào, suĕi mèng iàng liao, mà nào re̍n mă bâe, iàng làeo ĭ ndai nào ní?
6Uĕi lâi zâeo ka̍i sù ro, lèk dù uèn dso̍ săng bò̤ng li riàng iàng sŭei, dsîu lăng váng bàn dâ̱n nào, re̍n mă ăo ndăn mbu̍an mèng da̍u băi rà̱n yo̤̍.
7Váng dù uèn dı̍ dsi re̍n mă dâu băi rà̱n liao.
8Kuo̍ng dù uèn yo̤ răn dsîu lău, ăo Sâng-dî dso̍ biàng, i̍n uĕi Sâng-dî ăo riàng iàng ni zâeo dù uèn.
9Iei-su dso̍ lia̍ng dı̍ băi báe nâ, răn váng dù uèn ndiăo, dsó dı̍ rài kó Ma-tai, ráng dsó lia̍ng zên suĕi, dsi lăng dı̍ nào, sĭ lăng ku̍ mă, dı̍ dsi wŭ ra̍ re̍n mă sĭ lăng Iei-su.
10Iei-su dso̍ râ̱n váng dı̍ ráng dsúai, li bu sû sŭei lăng bu ya̍k lăe, rò̤ng Iei-su lăng tu dĭ di̍ iung dsúai.
11Bu Fa-li-sai yo̤ răn dsîu za̍m tu dĭ nào, dsá̱ng sĕ ka̍i su̍ uĕi iàng mà rò̤ng bu sû sŭei lăng bu ya̍k kĕn zau ní?
12Iei-su ndai nyĭ dsîu nào, dù uèn yu̍ ndĭ, mì iung dsá̱ng yŏ̤, bu bàn bíng hai iung dò̤k.
13Ku̍ a̱̍ng ràk dă mì á̱ng i̍n sĭ, ĭng za̍o ni ka̍i su̍ mâe îo, ku̍ mă mì shĭ lâi gĭ̱n dù uèn ndĭ, shĭ lâi gĭ̱n dù uèn ya̍k.
14Ra̍ dı̍ tu dĭ Io-han mă lăng Iei-su nào, ka̍i du̍ rò̤ng bu Fa-li-sai lăe lăe gin kĕn, tu dĭ mèng uĕi iàng mà da̍u mì gin kĕn.
15Iei-su zăn nào, kuèi mo̍ rò̤ng bu hŏ kuèi mo̍ dso̍ lia̍ng ndiăo, náng bu hŏ kuéi mo̍ mì ro gie̱̍t dsŏ̤, dô kuèi mo̍ băi liao, uàn dı̍ sa̍o dı̍ lâi gin kĕn.
16Mì li váng làeo ăo bàng mo̍ uŭng bú ka̍o, gíp ndai bàng mo̍ dú̱ng bú ka̍o, dsúong bia̍k dsi kĕn ndu̍m liao.
17Mí li váng làeo ăo lâu mo̍ dân dso̍ ndăeo kă̱ dái năng ka̍o, gíp ndai dsă̱ng uăe dăi năng váe, lâu dsi ró wo̍k mă, dái năng iei váe liao, ăo lâu mo̍ dâu dso̍ ndăeo dái năng mo̍, suŏng iàng dsi du̍ng bâo dsài liao.
18Iei-su dsĭn nào za̍o ni, li váng kuŏ̤n ndiăo mă ba̍e dı̍ nào, lèk mbék ku̍ ngáe dăe liao, mèng mă ăo vèng láeo dso̍ săng ndăng di̍, di̍ dsîu ndĭu liao.
19Iei-su re̍n mă sĭ lăng dı̍ băi, tu dĭ iei rò̤ng dı̍ băi.
20Li dsa iá ndiăo bàn bíng ró ló̤t dsìp nyí bĭ, mă dà̱ng báe lăng Iei-su, ra̍i iè̱n kuo̍ng bú dı̍.
21I̍n uĕi ndăeo dsò̤ di̍ nào, ku̍ dseh ra̍i kuo̍ng bú dı̍ dsîu ndai ndĭ liao.
22Iei-su dsı̱̍n ndăng yo̤ răn iá dı̍ dsi nào, lèk mbék dsu̱̍ng dsò̤ ka̍i sĭn dsàn mèng gĭu mèng liao, dso̍ dsò̤ dı̍ dsa iá dsîu ndĭ liao.
23Iei-su dà̱ng liao rà̱n kuò̤n, yo̤ răn bu bo̍ dae dî rò̤ng dù uèn lăe ró̤n.
24Dsîu lăng sa̍o dı̍ nào, ka̍i su̍ băi ruók, lèk mbék ni mì shĭ dăe, shĭ nìn la̍p yo̤̍, sa̍o dı̍ du̍ng rĭu dı̍.
25Liao kuo̍ng niáp báe ruók liao, Iei-su dsít băi, kăm za vèng lèk mbék, lèk mbék dsîu re̍n mă liao.
26Mo̍ng ka̍i rĕ ni rĭm dó bò̤ng di̍ liao.
27Iei-su dso̍ lia̍ng dı̍ băi báe nâ, li suŏng váng dă̱ và̱ng sĭ rò̤ng dı̍, ia̍m dso̍ nào, lèk Da-uei ràk dă ka̍i du̍.
28Iei-su dsít băi rà̱n bu dă̱ và̱ng dsîu mă dà̱ng, Iei-su lăng sa̍o dı̍ nào, ku̍ ro kó ka̍i ré ni ka̍i su̍ sĭn mì sĭn, dă̱ và̱ng nào sû a ka̍i du̍ sĭn dsàn.
29Iei-su ra̍i ndăn dà̱ sa̍o dı̍ nào, lûm sĭn dsàn ka̍i su̍, lăng ka̍i su̍ kó bàn liao yo̤̍.
30Ndăn dă̱ sa̍o dı̍ dsîu ro và liao, Iei-su mbăi sa̍o dı̍ nào, ka̍i su̍ mâe siáo sı̍n niâng zâeo dù uèn ro.
31Sa̍o di̍ wo̍k băi rìu mo̍ng di̍ rĭm dó bò̤ng di̍.
32Sa̍o di̍ băi ku̍a lăng, li dù uèn dò̤ váng ngam ndiăo, shĭ dò̤k dù và̱ng dò, mă dà̱ng Iei-su.
33Iei-su niáp và̱ng wo̍k băi, váng ngam dsûi nào ndai za̍o liao, kuo̍ng dù uèn du̍ng ló̤k liao nào, dsûong rĕ iàng ni dso̍ ndăeo I-seh-lieh ka̍i du̍ ví răn kua̍.
34Bu Fa-li-sai nào dı̍ shĭ kaŭ uùng và̱ng niáp và̱ng.
35Iei-su băi dó da̍ng dsŭ da̍ng bò̤ng, dso̍ ndăeo dàm vĭ suăn dù uèn kâng fù i̍n kuèh mbĕn, yŏ̤ dsúai bíng gie̱̍t da̍ng iàng.
36Yo̤ răn liao ba làeo ba ló̤ng dù uèn, dsi ràk dă sa̍o dı̍, i̍n uĕi sa̍o di̍ niép zàm băn sa̍n, lûm dù iùng mì li dù uèn lâi.
37Iei-su lăng tu dĭ nâo, bĭ dso̤ng lăe, bu ko uŏng sîu.
38Mâe chiu váng sû mìu, yáp bu kó uŏng băi sû mìu giăng dı̍.
Kasalukuyang Napili:
MA-TAI 9: BY1904
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
maintained by the British and Foreign Bible Society
