EZRA 1:1-2

Nang unang taon ni Ciro na hari ng Persia, upang ang salita ng PANGINOON sa pamamagitan ng bibig ni Jeremias ay maganap, kinilos ng PANGINOON ang espiritu ni Ciro na hari ng Persia, kaya't siya'y gumawa ng pahayag sa kanyang buong kaharian, at isinulat din ito: Ganito ang sabi ni Ciro na hari ng Persia, “Ibinigay sa akin ng PANGINOON, na Diyos ng langit, ang lahat ng kaharian sa lupa, at inatasan niya ako na ipagtayo ko siya ng isang bahay sa Jerusalem na nasa Juda.