Mathayo 3
3
1Na ɣɔn ne keeakolke ke Jɔn Baptith bɔ weet kɔc roŋ de Judaya, 2jiɛm, Ye wɛlka wepiɔth, ceŋ de Nhialic ee ɣeet. 3Yenekee ci luel ɣɔn ne nebi Yithaya, jiɛm,
Ye ror de toŋ ye coot roor,
Ye juɛrka dhol de Bɛnydit,
Cakka dhɔlke lacith.
4Ku Jɔn ee ye ceŋ ne alanh ci cuec ne nhim ke thɔrɔt, ku laak e ethar; ku yee cam ne kɔriɔm ku miok de ciɛc ye yok rokic. 5Go raan ebɛn ya lɔ enɔŋ en de Jeruthalem, ku Judaya, ku piny ebɛn yuil Jordan; 6go ke baptith ne Jordan e ke gam karɛcken. 7Te ŋem en kɔc ke Parithai ku Thadokai e ke bɔ bi ke baptith ne yen, go ke yɔɔk, Ye we kuan de karoor, ŋa ci we nyiɛn bak kɛt wei ne ɣok bi bɛn? 8Yen yaka luɔk apiath ne wei de piɔu: 9ku duɔka ye luel ne tɛŋ de wepiɔth, Wuɔ wɔ nɔŋ Abraɣam awada: we ya yɔɔk, Ya Nhialic aleu keekurke ne cak e ke ye mith ke Abraɣam. 10Ku yep athiɔk emane bene mei ke tiim dac yep: yen tim ebɛn cie luɔk apiath aye dac yɛp piny ku cuɛte mɛɛc. 11We ya baptith ne piu bak wepiɔth wel: ku yen man biɔth acok yeneka rir ne ɣɛn, an ce piath a ɣan ce wɛrke muk: yeneka bi we baptith ne Jɔŋdiit Lajik kene mac: 12amuk akɔt ne yeciin, ku kabi pinyde weec apiath; ku kabi rɛpke kuɔt guk, ku ayiɛl abi nyop ne many ce leu ne piɔk.
13Go Yecu jaal ne Galili bii Jordan, bi bi baptith ne Jɔn. 14Go Jɔn peen, jiɛm, Ye yin ŋaŋ ba a baptith, ku bɛɛre bɛn enɔŋ ɣa? 15Go Yecu gam, ku yook, Ye ne tɔ yeya emane: yeluɔine aye wɔ piath ebɛn cɔk ye yic. Go gam e. 16Ku te cene Yecu baptith, go dac bɛn bei ne piuic, go nhial eyic liɛp e, go Jɔŋdiit de Nhialic, ŋem ne bɔ piny ke cit guɔp kure, ku nyuuc ne yenom, 17go ror bɛn bei nhial, jiɛm, Ye yekene kee Wendiɛn nhiar, amiɛt Ɣan piɔu.
Kasalukuyang Napili:
Mathayo 3: LEKJOT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© British and Foreign Bible Society 1940, 2017
Matuto nang Higit Pa Tungkol sa Lek Jot de Jecu Kritho 1940