Fingec fingec 11
11
Taongtoa kpara Babel amaherecyagoc
1Bangectoa bangecfu ngicngac sasawa yeni yoacsingngina mocgu nga yoaac ubangina mocgu feec. 2Yeni wenac ere ereaubigeng kengkecma Sinecar bangecfu tumiatoa mong meficgema imohai kemma kecgec.
3Imohai kecma yofi denegeng anggec, “Hagec, nenang brik menideac gbaki mema gerecfu ohoni seribeso.” Anu yeni gbaki seria megec brik isoc#11:3 Ama megecdeac hoc megec. anec nga bangecac sopo#11:3 Yeni bangec manau wiac mong sopo dzadzu dzadzu isoc meficgegec. Imoc dzadzumoc singtoau faiande, ifi isoc anec. megec imocngo simeng isoc anec. 4#Dser 1:28; 9:1Anu yofi degec, “Nenang taongtoa mong mema tauatoa mong meni engkecma bubuyango kurumeng kpeserebeso. Ifi anu kpac kunenninagoc annide. Nenang singsararang kpema bangectoa bangecfu kembinggac ifi ambisina.”
Yoacngina mendzirec
5Ifi dema bangecngicngac yeni taongtoa nga tauatoa megec nga Kebu ye imoc henudeac maec. 6Mama yofi deec, “Negenggec, yeni ngicngacareng mocgu nga yoacngina mocgu nga ua imoc bic hanahema megec tacde. Amma yaguc kemma naso wisickeude yeni ua mong megecdeac deareng anggecde imoc sasawa anggecde. Nga yeni ua imoc mebesonga mi obohogecde nga obohobesandae. 7Imocac nenang kemema yoacngina mendzicma mesufuni ngic me ngac mongngo ogea wegenac kecde yeac yoac mi negentegecbeso.”
8 Kebu ye ifi dema mendzicyunuu yeni bangectoa bangecfu singsararang kpema kendacma taongtoa mebeso degec imoc wagec. 9Anu ye amabangec imohai bangecngic yoacngina medzicma mesufuu yeni singsararang kpema bangectoa bangecfu kendacgecac bangec imocac kpara Babel#11:9 Balal imocac titiha mendzicma mesufuec. kpacgec.
Semgac siduc tosea 11:10-26 Sem esamedacfora yeneac kpacareng
10 #
1Ngts 1:17; Ruk 3:36 Yomoc Semgac esamedacfora yeneac kpacareng. Sem ye kifaya 100 ammanu yearunac Arepacesad fingerec. Imoc doku tunggbaungtoa kpac anec imocac ngadeau kifa yohockang kecma fingerec. 11Nga ye Arepacesad fingeru imohacnac kifaya 500 torokpema kecmanu yearunac naroangmedacfora monggoc fingecgec.
12 #
Fing 10:24; Ruk 3:36 Anu Arepacesad ye kifaya 35 ammanu yearunac Selac fingerec. 13Fingeru ye imohacnac kifaya 403 torokpema kecmanu yearunac naroangmedacfora monggoc fingecgec.
14Anu Selac ye kifaya 30 ammanu yearunac Ewer fingerec. 15Fingeru imohacnac kifaya 403 torokpema kecmanu yearunac naroangmedacfora monggoc fingecgec.
16Anu Ewer ye kifaya 34 ammanu yearunac Peleg fingerec. 17Fingeru imohacnac kifaya 430 torokpema kecmanu yearunac naroangmedacfora monggoc fingecgec.
18Anu Peleg ye kifaya 30 ammanu yearunac Recu fingerec. 19Fingeru imohacnac kifaya 209 torokpema kecmanu yearunac naroangmedacfora monggoc fingecgec.
20Anu Recu ye kifaya 32 ammanu yearunac Serug fingerec. 21Fingeru imohacnac kifaya 207 torokpema kecmanu yearunac naroangmedacfora monggoc fingecgec.
22Anu Serug ye kifaya 30 ammanu yearunac Nahor fingerec. 23Fingeru imohacnac kifaya 200 torokpema kecmanu yearunac naroangmedacfora monggoc fingecgec.
24Anu Nahor ye kifaya 29 ammanu yearunac Tera fingerec. 25Fingeru imohacnac kifaya 119 torokpema kecmanu yearunac naroangmedacfora monggoc fingecgec.
Teraac siduc tosea 11:27–25:1
26Tera ye kifaya 70 ammanu yearunac medacfora yofi fingecgec, Awram nga Nahor amma Haran. 27Nga yomoc ine Tera esamedacfora yeneac kpacareng. Tera yearunac Awram nga Nahor amma Haran fingecgec. Nga Haranggarunac Lot fingerec. 28Nga Haran ye ine mama Tera kecmanungoc kasedingic yeneac bangecfu Ur amau homeec.
29Anu Awram nga Nahor yeri ngac meoc. Awram ye enema kpara Sarai nga Nahor ye Haran naroanga kpara Mileka meec. Haran ye naroanghora yohockang kefoc, Mileka nga Yiseka. 30#Fing 16:1Nga Sarai ye ine ngac kufing nambaracfora kpac kefec.
Haran bangecfu
31 #
Fing 15:7; Neh 9:7 Anu Tera ye medaha Awram enemagoc nga esea Lot#11:31 Lot ye Teraac esea nga Awram muina kpara Haran yeac medaha. hesicyunuu Kenacan bangecfu kenggecdeac Kased bangecfu Ur ama tarec imoc wama kenggec. Kengkecma sing botuhau Haran taonnu kemma imohai kecgec. 32Teraac kifaya 205 ammanu Haran taonnu yai homeec.
Kasalukuyang Napili:
Fingec fingec 11: Ded
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© (Active), Wycliffe Bible Translators, Inc. All rights reserved.