Chivkeeb 6
6
Tibneeg Ua Phem Ua Qias
1Thaum tibneeg pib huamvam thoob ntiajteb thiab yug tau tej ntxhais coob, 2muaj ib co timtswv qaumntuj#6:2: timtswv qaumntuj; lossis tej nyuag vajtswv tej tub; lossis Vajtswv tej tub. pom cov ntxhais ntawd zoonkauj heev, yogli ntawd lawv txawm tuaj yuav co ntxhais uas lawv nyiam mus ua pojniam. 3Ces tus TSWV hais tias, “Kuv yuav tsis tsocai rau tibneeg muaj sia nyob mus ibtxhis, rauqhov lawv yog tibneeg uas txawj tuag. Txij no mus yuav tsis pub lawv nyob ntev tshaj 120 xyoo.”
4Tiam ntawd, los rau tiam tomqab no, muaj cov tibneeg Nefilees uas loj thiab siab heev nyob hauv ntiajteb no; lawv yog xeebntxwv ntawm tibneeg ntiajteb tej ntxhais uas yuav cov timtswv qaumntuj. Lawv yog cov tibneeg uas ua tau heev thiab muaj koobmeej nyob rau txheej thaum ub.#Teev 13:33
5Thaum tus TSWV pom tias txhua tus tibneeg uas nyob hauv ntiajteb no muaj lub siab ua phem ua qias loj heev tuaj thiab lawv lub hlwb tsuas yog xav txog tej uas phem txhua lub sijhawm xwb, 6tus TSWV tusiab uas Nws tau tsim tibneeg los nyob rau hauv lub ntiajteb no. Nws khuvxim kawg li, 7Nws thiaj hais tias, “Kuv yuav muab cov tibneeg uas Kuv tau tsim no, nrog rau tej tsiaj loj tsiaj me, thiab tej noog uas ya saum nruabntug, ua kom puastsuaj huv tibsi mus. Kuv tusiab hais tias Kuv tau tsim lawv los.” 8Tiamsis tus TSWV txaussiab heev rau Nau-as. #Math 24:37; Lukas 17:26; 1Pet 3:20
Nau-as
9-10Zaj no yog hais txog Nau-as lub neej. Nau-as muaj peb tug tub, Sees, Has thiab Yafej. Nau-as yog ib tug tibneeg ncajncees thiab yog tibtug uas coj zoo nyob rau nws tiam tibneeg ntawd. Nws ua neej nrog Vajtswv sib raugzoo, #2Pet 2:5 11tiamsis dua li lwmtus ces Vajtswv pom tias puavleej ua phem huv tibsi; kev phem kev qias nthuav dav zujzus mus thoobplaws txhua qhov chaw. 12Vajtswv saib lub ntiajteb ces Nws pom tias puvnpo tej kev phem kev qias, vim tej tibneeg puavleej ua lub neej nrog kev phem lawm xwb.
13Vajtswv thiaj hais rau Nau-as hais tias, “Kuv txiavtxim siab lawm uas yuav ua kom tibneeg tu noob mus. Kuv yuav ua kom lawv puastsuaj tag huv tibsi, rauqhov lub ntiajteb no puvnpo lawv tej kev uanruj uatsiv xwb. 14Koj ciali muab cov ntoo kubtwg los txua ua ib lub nkoj rau koj; ua kom muaj ntau chav rau hauv lub nkoj ntawd thiab muab roj ntoos los leem kom thoobplaws sabhauv thiab sabnraud huv tibsi. 15Txua lub nkoj ntawd kom ntev 133 mev, dav 22 mev, thiab siab 13 mev. 16Muab vuas vov#6:16: Muab vuas vov; lossis Ua ib lub qhovrais. lub nkoj ntawd rau thiab tseg li 44 mev thoobplaws, tsis txhob xov kom ti rau saum cov vuas.#6:16: vuas; lossis qhovrais. Lub nkoj ntawd ua kom muaj peb tshooj thiab ua ib lub qhovrooj rau ib sab.
17“Kuv yuav tso dej los nyab ntiajteb kom txhua yam uas muaj sia raug puastsuaj mus. Txhua yam uas nyob hauv ntiajteb yuav tu noob mus tag huv tibsi, 18tiamsis Kuv yuav coglus rau koj. Koj ciali coj koj tus pojniam thiab koj cov tub cov nyab mus rau hauv lub nkoj. 19-20Coj txhua yam tsiaj ib yam ib nkawg thiab txhua yam noog ib yam ib nkawg nrog koj mus nyob hauv lub nkoj, kom tej tsiaj ntawd thiaj tsis tuag. 21Nqa txhua yam zaub-mov rau koj tsev neeg thiab tej tsiaj tau noj.” 22Nau-as thiaj ua txhua yam rawsli Vajtswv tau xaaj tseg lawm. #Henpl 11:7
Kasalukuyang Napili:
Chivkeeb 6: MWW2022
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2022 United Bible Societies. All rights reserved.