Mga Popular na Bersikulo sa Biblia mula sa Jon 6

Ibahagi

Be Iesu e poeiena i taren, “Alia nonei a kannou te hala nena a nitöatöa. E si te la uanama i tar ema tatei bes noi na esi te hamanana i tar ema tatei maka noi.

U Namnamei puku lahas te hala nena a nitöatöa. U tuenrei puku ema antunanei. U raranga te hatei ragu lei lia limiou, nonei u rarangana turu namnamei, na nonei te hala ranei limiou a nitöatöa.

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

Be Iesu e ranga palis uana i taren me poeiena, “A toukui tere Sunahan e markato uana teka, alimiou go hamana mia tara katuun te tula na men.”

U katuun hoboto te hala mera namei e Tamar i tar e la uarima romana i tar. Alia ema antunan hakopise goi esi te la uanama romana i tar. E möa.

Be Saimon Pita e ranga palise nen me poeiena, “O Tsunono, alam e la uamou teresi? Alö peisa te ka mem u rangana tara nitöatöa te ka nitöana.

Alia nonei a kannou te hala nena a nitöatöa te lama i Kolö. E si te nouna tara kannou teka e ka me nou a nitöatöa te ka nitöa nou. Na kannou te hala negu lia tena ha töatöa ranou u katunura i puta, nonei u tuenrei i tar.”

A katuun ema antunan la peisa mena mei u ngil tanen, e Tamar noahas tena hale noien u hakhakats u niga ba nonei tena la nama i tar. Na lia e hatakei poutse goen romana tara tou mate tara kapakapana a pöata.

Nonei a kannou hamana tere Sunahan teka e lama i Kolö na e hala nena a nitöatöa turu katunura i puta.”

Alia nonei a kannou na tara nitöatöa.

Be Iesu e luena u beret me haniga uana tere Sunahan me molamola raneien u katuun ti gum. Me kato has menanei u iena iesana, ba nori e mar luaier timar ngil hapopo uaien. Pöata ti nou hantuna hakapaien, ba nonei e ranga meraiena u katunun tsitsilo i tanen me poeiena, “Gone muma a mats nouba, ara gima kato baba naien.”

Pöata ti sua hakape len a tolima a kilomita tsi a tönomo ba nori e tareier e Iesu e tataala ma ieluna u ramun me la uanama tara tolaala. Nori ima marei ien ba nori e matout korur. Ba nonei e poeiena i taren, “Alia ba, alimiou goma matoutmi.”