Lárigiñe játun bacháti, ába laríñagun Jesúsu lun Simón Pédro.
—Simón, Liraǘ Jonás, ¿jínsiñetinasan bun sügǘ jáu ja?
Laríñaga Pédro lun.
—Ánja, Nabúreme, subúditi bun luágu jínsiñe ban nun.
Ába laríñagun Jesúsu lun.
—Toúnigi báñati nánigu queísi ában joúniri mudún buíti.
Ábaya lálügüdüni luágu libíaman weíyaasu.
—Simón, liraǘ Jonás, ¿jínsiñetinasan bun le tímatimaati?
Laríñaga Pédro lun.
—Ánja, Nabúreme, subúditi bun luágu jínsiñe ban nun.
Laríñaga lun.
—Toúnigi báñati nánigu.
Ábaya lálügüdüni luágu lǘrüwan weíyaasu.
—Simón, liraǘ Jonás, ¿jínsiñetinasan bun?
Ába lírudagun Pédro ladǘga lálügüdüni Jesúsu luágu lǘrüwan weíyaasu ánjein jínsiñe lubeí lun, ába laríñagun lun.
—Nabúreme, subúsiti sun cátei bun. Subúsiti bun luágu jínsiñe ban nun.
Ába laríñagun Jesúsu lun.
—Toúnigi báñati nánigu queísi ában joúniri mudún buíti.