Mga Popular na Bersikulo sa Biblia mula sa MATTHAI 5

Ibahagi

Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si. Cubangtuk in nan tleunak cu mi hmaiah tleuter ding nan si. Cuticun thil ṭha nan tuahmi cu mi in an hmu ding ih vanih a ummi nan Pa kha an thangṭhat ding.

“Nannih cu leilung pumpi hrangah tleunak nan si. Tlangpar ih tohmi khua cu thuh a theih lo.

Thinlung a thiangmi pawl cu mi thluasuak an si; Ziangahtile Pathian an hmu ding.

Pathian ih duhnak tuah dingih a hiarhaaltu pawl cu mi thluasuak an si; Ziangahtile Pathian in an lung di a riamter ding.

Asinain kei cun hiti in ka lo sim: nan ral pawl duhdaw uhla a lo hremtu pawl hrangah thla cam uh

“Thlarau lamah ka farah ti a thei awtu pawl cu mi thluasuak an si; Ziangahtile vancung Uknak cu anmah ih ta a si.

Remnak a tuahtu pawl cu mi thluasuak an si; Ziangahtile Pathian ih fahniang tiah kawh an si ding.

Ninghang lungsia pawl cu mi thluasuak an si; Ziangahtile Pathian in a hneem hai ding.

Pathian duhnak tuah ruangih hremnak a tuartu pawl cu mi thluasuak an si; Ziangahtile vancung Uknak cu anmah ih ta a si.

Mi zaangfah thiamtu pawl cu mi thluasuak an si; Ziangahtile Pathian in anmah a zaangfah ve ding.

“Keimah ih dungthluntu nan si ruangah mi in an lo hmuhsuam, an lo hrem ih thuphan a phunphun an lo puh tikah mi thluasuak nan si. Nan lungawi in nan aipuang uh, ziangahtile nan hrangah tuarman tampi vancung ah ret a si. Nan hlanih profet pawl khal cu bangtuk in hrem an tuar zo.

Lungnemmi pawl cu mi thluasuak an si; Ziangahtile Pathian ih kam ciami an co ding.

“Nannih cu mi phunkip hrangah cite nan si. Sihmansehla cite cu a alnak a ziam asile alter sal a theih nawn lo. Ṭhathnemnak zianghman a neih nawn lo ruangah hlon ding le pal men ding lawng a si.

Vancung ih a um nan Pa a famkim vekin nannih khal nan famkim ve pei.

‘A si,’ ‘asilo,’ ti lawng hi sim uh; cuih hlei cu mi ṭha lo Khawsia hnen ihsin a suakmi an si.

“Mit ai ah mit, ha ai ah ha, tiih an simmi cu nan thei. Sikhalsehla kei cun hiti in ka lo sim. A lo tisiattu parah phulei va sam hlah uh; mi pakhatkhat in na vorhlam biang ah a lo beeng asile na kehlam biang khal tun lawlaw aw.

Curuangah na vorhlam mit in a lo sualter asile phorh awla hlon aw. Na ruangpi hell sungih hlon tuar hnak cun na taksa ṭhen pakhatkhat na sun cu na hrangah a ṭha sawn. Na vorhlam kut in a lo sualter le sattan awla hlon aw. Na ruangpi hell sungih hlon tuar hnak cun na kutke pakhatkhat tan a si cu na hrangah a ṭha sawn.