Mga Popular na Bersikulo sa Biblia mula sa Jân 1

Ibahagi

Ndi tango e věhělěkidě Mâ, yâ ndi eaju e věki ngudi ba bě bana ba Anyambě, ba kamakidě dina jaju

Ndaga e diyakindi o jali, na Ndaga e diyakindi na Anyambě, na Ndaga tě e diyakindi Anyambě.

Ndi Bwe tě e bumwakindi o ivititi; ndi ivititi viu yowakě yaâ.

Ndaga tě e ’lwakudwi mehoni, ka yâya diya o hwě ho jadi, (ka hwě hwa yěně ivenda jaju, pani ka ivenda ja mwana ua Hangwě u‘ umbâkâ,) A di londango ti na ehekwě na pâkwěpâkwě.

Mâ nd‘ A velakidi belombo beěhěpi; o ’bě na elombo e velakudwě, A diye, e di velwěngo. Eměnâ e diyakind‘ o Mâ‐a jadi; eměnâ tě e diyakindi Bwe ya bato.

Jân a yěněkindi Jisus a vaka o mâ‐a jadi o buhwa bopâkwě, ka mua vâ, na, Umbwakiyateni Mwanudâmbě ua Anyambě, a věngěkidě bobe boa he.

A diyakind‘ o he, Mâ tepě a velakidi he, ndi he yu yowakě Mâ. A vakindi o ibaju mětě ba jadi, ndi ibaju mětě bu věhělěkidě Mâ.

Yâně e diyakindi Bwe ’a pâkwěpâkwě, e bumwakidě moto uěhěpi a vakě o he.

Ikabojana belekanako be věkudwěndi na Mosěs, ndi ehekwě na pâkwěpâkwě be vakindi na Jisus Kraist.