Mga Popular na Bersikulo sa Biblia mula sa མ་ཏི། 10

Ibahagi

ཇི་གི་ ན་ཧ་བ་ བོ་རང་ཁུ་བ་ཀ་པོང་ཀ་ ཤི་ཤ་བ་ད་བུ་ཨ་ཉི་ ཀུན་ཏིན༌ཅ། ཨོ་ཉི་ཨ་དེན་གེ་ ན་ཧ་བ་ རུ་གེ་ནང་ད་བུ་རང་ སེ་བུ་ཨོ་ཕེ་ཁེ༌ལེ། ཉི་ཏི་ཏ་ར་ད་བུ་རང་ ཇམ་པུ་ཨོ་ཕེ་ཁེ་ལེ་ན།

ཨི་བི་གི་ རོ་ཀ་ཚེ་ཉོང་པེ་གོད་པ་ཐུར་ ཨོ་ཉ་སོ་ངོ་གི་ རོ་ཀ་ཚེ་གེམ་ཅ་གི༌ལ། ཉི་ཨི་བི་གི་ ཇ་ག་ཡོར་ཀེ་ ཚེ་གེ་མ་ཐུར་ ཨོ་ཉ་སོ་ངོ་གི་ ཚེ་ཉོང་ཅ་གི༌ལ།

ན་ཧ་བ་ ཤེ་ལེ་མིག་པ་ཕི་ཁཱན་བ་ཀེ་ ཡོང་མ་ཁེ། ཧང་ཡ་དག་ནེ་ལ་ རོག་ཏེ་བ་ཀི་ ན་ཧ་ལུས་པུ་ཤ་ཤེ༌ལེ། དག་པ་ཀབ་ཉི་ ན་ཧ་རྣམ་ཤེས་ ཧང་རང་ཨ་ལེ་མར་བ། ལག་ཏང་ ལུས་པུ་དང་ རྣམ་ཤེས་ཉིག་ཙིང་རང་ དམྱལ་བ་ནང་ཀ་ཀུན་ཏི་ཉི་ ཇཝ་ཆུ་མེ་རིག་ཁཱན་གེ་ཡོང་ཁེ།

ཨི་བི་གི་ རོ་ཀ་ཁྲིམས་ཤིང་བང་ཐཱན་ ཇ་ག་ཚིང་ཚིང་མང་ཕ་ཐུར་ ཨོ་ཉ་སོ་ངོ་གི་ ཇ་ག་སློ་མ་ཨ་ལེ་ མ་རུང་པ།

ཨི་བི་གི་ ཐ་འཛམ་གླིང་ག་ སོ་ངོ་བ་ཀ་གུབ་ཀ་ ཇང་ཙིན་ཅ་གི་ལ་སྨོ་ ཇི་གི་བུ་ ཞིང་ཁམས་ག་བཞུགས་ཁཱན་ ཇ་ག་ཡབ་ག་སྐུན་མདུན་ག་ ཨོ་ཉ་སོ་ངོ་ཁེ་པ་ཙི༌ལེ། དག་པ་ཀབ་ཉི་ ཨི་བི་གི་ སོ་ངོ་བ་ཀ་གུབ་ཀ་ ཇང་མ་ཙི་ཝ་ཐུར་ ཇི་གི་བུ་ ཞིང་ཁམས་ག་བཞུགས་ཁཱན་ ཇ་ག་ཡབ་ག་སྐུན་མདུན་ག་ ཨོ་ཉ་སོ་ངོ་མ་ཙི༌ལ།

མར་ཁཱན་བ་དྲག་ཅོ། ཤི་ཁཱན་བ་ཝུའི། ཀླུ་ན་ཚ་ཁེ་ཁཱན་བ་ ཁམས་སངས་ཀིན་དྲག་ཅོ། ཉི་དོན་ག་བ་ཁོན༌ཤོ། ན་ཤི་ཏོང་པ་གེ་ ཉོང་པ་གི་ཝ་ཨ་དེན་གེ་ ན་ཤི་བུ་ བཱརའ་ག་ཏོང་པ་གེ་ བི་ལེ་ཁེ༌ལེ།

ཨོ་ཉི་ཨ་དེན་གེ་ ཡོང་མ་ཁེ། ཧང་ཡ་དག་ནེ་ལ་ ན་ཧ་བ་ཤོ་ ཆུ་ཁ་མང་པུ་གེ་ལག་ཉི་ ཁག་ཆི་ལུ་གི༌ལ༎

ཇང་འཛམ་གླིང་ག་ སྐྱིད་པུ་ཕ་ལེ་དེན་གེ་ ཨོ་ཕ་གི་ཝ་ལ་དག་ཉི་ མ་མི། ཇང་ཤོ་ སྐྱིད་པུ་ཕ་ལེ་དེན་གེ་ མང་གི་ཝ་ གི་རིང་ཕ་ལེ་དེན་གེ་ ཨོ་ཕ་གི༌ལ།