Mga Popular na Bersikulo sa Biblia mula sa Mataayo 24

Ibahagi

Na obhwendi bhwa abhaanu bhaafu bhurisuuwa, kwa okubha abhaanu bharikoraga amabhiibhi maafu muno. Nawe unu arisimbiira okuyikira ku-bhuteero, uyo niwe aryerusibhwa.

Na ku-kabhaga kayo, Amangʼana Amajomu aga obhukama bhwa mu-rwire gariraasibhwa mu-kyaro kyone kutyo. Abhaanu bha mu-bhyaro bhyone kutyo bharyungwa Amangʼana gayo, ayo niwe obhuteero bhuriyika.”

“Mu-kabhaga kayo, muryungwaga amangʼana ga amaremo na aga amaremo agandi ganu ageenda okwamba. Mwasiga okuubhaya, kwa okubha gayo okubha-wo, garibha-wo, nawe obhuteero bhwa amangʼana goone kutyo, obhubha bhukyari.

Ekyaro ekimwi, ekiija okurwana na ekindi, na obhukama obhumwi, obhuuja okurwana na obhundi. Injara, na gaanyamutikima garibha-wo mbaara nyafu egya ekyaro. Gayo goone kutyo agabha gari muna bhinyonyi era, ku-bhusungu bhwa omugasi unu keenda okwibhura.

Orwire na ekyaro bhiriyitiingʼana, nawe amangʼana gaani garirama kajaanende.”

Abhaanu bhaafu bhariija kw-isiina ryani, wumwiwumwi ˆnaaikaga ati, ‘Ni anye Kiriisitu!’ Abhaanu bhayo bharijimya bhaanu bhaafu.

Mu-kabhaga kayo, abhaanu bharibharya injeejemo munyoore ebhinyansho, na okubheeta. Na abhaanu bha mu-bhyaro bhyone kutyo bharibhasoka ku-nsonga yaani. Ayo niwe abhaanu abhaafu bharisiga okunseeta. Bhaririiranaga injeejemo, mbasokanaga abheene na abheene. “Mu-kabhaga kayo, bharibha-wo abharagi bhaafu abhabheeyi, bhanu bharijimya abhaanu bhaafu.

Yeesu ˆnaabhasubhya ati, “Mwiyangarire, omuunu woonewoone aasiga okubhajimya!

Mmbe ku-nsonga iyo, emwe mwone mwituurega-wo akabhaga koone kutyo, kwa okubha anu muryaikaga ati akabhaga kakyari, ku-kabhaga kayo niko Omwana wa Adaamu ariijira-ko.”

Mmbe, mwikare mwiyangariiye, kwa okubha mutakumenya ni rusukuki runu Esobhugenyi ariija.

“Nawe atariwo omuunu unu amenyere orusuku amwi insa inu Omwana wa Nyamuwanga arisubha, bhatari bhaamaraayika bha mu-rwire, amwi ati Omwana wa Nyamuwanga, bhoone kutyo bhatakumenya, Raata omwene era, niwe amenyere.

Bhariija abharagi abhabheeyi na abhaanu bhanu bhariiyaaikaga ati nibho Kiriisitu. Bharikora bhimenyegesho bhinene na ebhiruguusho bhyafu insonga bhajimye abhaanu, na bhaakatura bhajimye na abhasorwa bha Nyamuwanga.

Mmbe, okuuja kwa Omwana wa Adaamu, kuribha rwa kutyo ꞉gaabheeye mu-nsiku gya Noowa. Mu-nsiku giyo bhunu ingubha iinyafu ꞉yaariga ikyari okwamba okugwa, abhaanu ꞉bhaariga mbarya, mbanywa, mbagabhuraga na okugabhurwa, okuyikira anu Noowa ꞉eengiriiye mu-meeri. Abhaanu bhayo, ꞉bhaariga bhatakumenya kinu ekiija okubha-wo, okuyikira anu ingubha iinyafu ꞉yaaguuye, niibheeta bhoone kutyo. Nikwo kutyo iribha mu-kuuja kwa Omwana wa Adaamu.