Mga Popular na Bersikulo sa Biblia mula sa Hechos 1

Ibahagi

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

La yal te Jesuse: —Te ja'exe, ma'yuc ta awentaic sna'el te bi orae soc te bi c'aalile. Ja' ay ta swenta te Jtat te tulan yat'el stuquele.

Te c'alal sjoinej to te jnopojeletic yu'une, la yalbey mandal te ma ba ya yijq'uitayic te lum Jerusalene. Jich la yalbey yaiyic: —Ya me amaliyic te bila yaloj te Jtate, te la calbeyex awaiyique. Melel te Juane, ja' nax te la yac' ich'ja'. Yan te ja'exe, ma ba bayal xan c'aal te ya x'ac'botex awiq'uic te Ch'ul Espiritue —xi' te Jesuse.

Te bit'il c'axix tel yu'un te lajele, la yac' sba ta ilel ta stelemal ta stojolic cha'winic c'aal. Buen chican la yac' sba ta ilel te bit'il cha'cuxemixe soc la yalbey yaiyic te bit'il ay ta ajwalinel te Diose.

Te c'alal laj yo'tan ta yalel in to, la yilic ic'ot moel ta ch'ulchan. Potsol bael ta tocal, tup' bael ta sitic.

Yacalic ta yilel moel ta ch'ulchan te yac ta moel baele, chicnaj ta sts'eelic ta ora cheb winiquetic te slapojic saquil c'u'ile. Jich albotic yu'un: —Galileoetic, ¿bi yu'un te yacalex ta yilel moel te ch'ulchane? Ja' nix in Jesús to, te la awilic te mo bael ta ch'ulchane, jich nix me ya xcha'tal xan te bit'il la awilic bajt' ta ch'ulchane —xiic te winiquetique.