Mga Popular na Bersikulo sa Biblia mula sa Jaratılıs 9

Ibahagi

Quday sózin dawam etip bılay dedi: «Meniń sizler hám hár bir janlı janıwar menen barlıq keleshek urpaqlar ushın máńgige dúzip atırǵan kelisimimniń belgisi mınaw: Men Óz ayqulaǵımdı bultlarǵa jaylastıraman hám ol Meniń menen jerde jasawshılardıń arasındaǵı dúzgen kelisimimniń belgisi boladı.

Qashan bultlarda ayqulaq payda bolsa, Men onı kórip, jerde jasawshılardıń hámmesi menen Ózim dúzgen máńgilik kelisimimdi eske alaman».

Kim adamnıń qanın tókse, onıń óziniń qanı da basqa adam tárepinen tógiledi. Sebebi Quday adamdı Ózine uqsatıp jarattı.

Quday Nuxtı hám onıń ulların jarılqap bılay dedi: «Ósip-ónip, kóbeyińler hám jer júzin toltırıńlar.

Barlıq tiri janıwarlar sizlerge awqat boladı. Ósimliklerdi bergenim sıyaqlı, Men sizlerge hámmesin berip atırman.

Jerdegi haywanlardıń, aspandaǵı quslardıń, jer júzindegi tiri janlardıń hám teńizdegi balıqlardıń hámmesi sizlerden qorqıp, úrketuǵın bolsın. Olar sizlerdiń biyligińizge berilgen.

Al sizler ósip-ónip, kóbeyińler hám jer betine tarqalıp, artıp barıńlar».