Mga Popular na Bersikulo sa Biblia mula sa LUKA 3

Ibahagi

Zan ye mɔgɔw bɛɛ batize, ka Yezu fana batize. Ka Yezu to Ala dali la, sankolo dayɛlɛla, Nii Senuman y'a yɛrɛ kɛ i n'a fɔ jɛnɛtugan, ka jigi a kan. Kumakan dɔ bɔra sankolo la k'a fɔ ko: “I ye ne Dencɛ ye, ne le y'i Faa ye.”

O la, Zan y'a fɔ u bɛɛ ye ko: “Ne b'aw batize ni jii ye, nga min bɛna na ne kɔ, o ka sebagaya ka bon ni ne ta ye. K'a ka sanbara juru foni, ne kuun ka dɔgɔ o ma. Ale bɛna aw batize ni Nii Senuman ni tasuma ye.

O tuma na, yiri minw bɛ dennyuman kɛ, aw ka kɛ i n'a fɔ olu. Aw ka kɛwalinyumanw kɛ k'a yira ko aw nimisara ka faran aw ka kojuguw la. Aw kan'a fɔ aw yɛrɛ kɔnɔ ko Ala bɛna aw kisi bari Ibrayima ye aw faa ye. Ne b'a fɔ aw ye ko Ala bɛ se ka kabakuru nunu yɛlɛma k'u kɛ Ibrayima deenw ye.

Jende labɛnna ka ban yiriw tigɛli kama. Yiri o yiri tɛ dennyuman kɛ, o bɛɛ bɛna tigɛ ka fili tasuma na.”

O kɛra i n'a fɔ kira Ezayi tun y'a sɛbɛn a ka kitabu kɔnɔ cogo min na ko: “Mɔgɔ dɔ bɛ pɛrɛnna kongo kɔnɔ ko: ‘Aw ka Matigi ka sira labɛn, k'a tilen. Dingɛw bɛɛ bɛna fa, kuluw ni tintinw bɛɛ bɛna ci ka dakɛnyɛ. Tɛmɛyɔrɔ gɔngɔrɔninw bɛna tilen, sirajuguw bɛna dilan. Ala bɛ adamadenw kisi cogo min na, bɛɛ bɛna o ye.’ ”