Mga Popular na Bersikulo sa Biblia mula sa Yohanes 6

Ibahagi

Tembungé Yésus: “Aku iki rotiné urip; sapa sing teka marang Aku, kuwi ora bakal ngelih menèh, lan sapa sing pertyaya marang Aku, kuwi ora bakal ngelak menèh.

Roh kuwi sing nguripké, daging ora ana paédahé. Tembung-tembung sing Tak wulangké marang kowé kuwi roh lan urip.

Pada nyambutgawéa aja kanggo pangan sing bisa rusak, nanging supaya pada olèh pangan sing bisa tahan tekan ing urip langgeng, sing bakal dikèkké marang kowé karo Putrané Manungsa; awit ya Panjenengané kuwi sing wis ditengeri nganggo ségel karo Gusti Allah, Bapak.”

Awit karepé Bapak-Ku kuwi, ya kuwi supaya saben wong sing weruh Putra lan pertyaya marang Panjenengané, kuwi nduwèni urip langgeng, lan supaya Aku nangèkké mbésuk ing pungkasané jaman.”

Yésus nyauri marang wong-wong mau: “Iki penggawéan sing dikarepké Gusti Allah, ya kuwi supaya kowé pada pertyaya marang sing diutus karo Gusti Allah.”

Kabèh sing dikèkké Bapak marang Aku, kuwi bakal pada teka marang Aku. Lan sapa sing teka marang Aku ora bakal Tak tampik.

Semauré Simon Pétrus: “Gusti, kita parani sapa? Tembungé Panjenengan kuwi tembungé urip langgeng.

Aku iki rotiné urip, sing wis mudun sangka swarga. Yèn wong mangan roti iki, bakal urip ing sak lawas-lawasé. Lan roti sing tak kèkké, ya kuwi daging-Ku, sing bakal tak kèkké kanggo uripé jagat.”

Ora ana wong sing bisa teka marang Aku, yèn ora digèrèt karo Bapak sing ngutus Aku, lan Aku bakal nangèkké wong kuwi mbésuk ing pungkasané jaman.

Awit roti sing sangka Gusti Allah ya kuwi roti sing mudun sangka swarga lan sing nguripi jagat.”

Aku iki rotiné urip.

Yésus terus njupuk roti mau, lan sakwisé ndonga maturkesuwun, terus diedum-edum marang sing pada lungguh ing kono, mengkono uga iwaké, olèhé arep pada mangan sak karepé. Sakwisé pada warek, Yésus terus ngongkon marang para muridé: “Tyuwilan turahané pada klumpukna, supaya aja ana sing kebuwang!”

Bareng olèhé pada ndayung mau wis pada olèh lima utawa enem kilometer, pada weruh Yésus mlaku ing banyu nyedekki prauné, terus pada wedi. Nanging Panjenengané terus ngomong: “Iki Aku, aja pada wedi!”