Mga Popular na Bersikulo sa Biblia mula sa LUKAS 11

Ibahagi

Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

Nariaddi i Ya'u mabbisara si'o: Padorongke, ne i yamiu sarun onggol᷊anna; padea'e, ne i yamiu sarun maasomba; panengkelle, ne i yamiu sarun pamu'anna ngara.

Ana waugu taumata apan nadorongnga sarun manengkamma, taumata apan maddea'a sarun maasomba, wuṛṛu taumata apan mannengkella sarun pamu'anna ngara.

Ne Mawu Yesus nabbisara si mangitou, “Amungkangngu i yamiu umal᷊iomanna, pabbisarate ereindi, ‘Iamangnga, Ete I'o Ruata apan Tinggassa. Doronganna I'o subbanna wuṛṛu addatanna.

Ampungnge manga rosang kami, ana waugu i yami lai mangngampungnga taumata sangkatou-sangkatou apan nassal᷊a si yami. Wuṛṛu arie mamalang kami awul᷊iannu pangangimanna su tempo i yami uasaruanna wawal᷊intongnga.’ ”

Onggol᷊a'a su miallo-miallo anna apan haggausanni yami

Mata eteudde sol᷊om badangnga. Amungkangngu matanu matilangnga, ahewallu wadangngu masema-semakka. Arawe amungkangngu matanu mal᷊abukka, ahewallu wadangngu maola'a marandu-randumma.

“Tawe taumata mande'omma sol᷊o see iwuni ara'e luuwannu wensada. I tou sarun mangadon sol᷊o udde su tampane, tadea'u taumata apan sumutta wotongnge maasilo semakka.