Mga Popular na Bersikulo sa Biblia mula sa Mrk 13

Ibahagi

N'wine n'witavengiwa hi hinkwavu hinkonta yanga. Kambe lweyi atiyiselaka kutlhasa vugan'wini, atahuluxiwa.

Tivonelani, hitekani, hikusa an'witivi leswaku dritatlhasa drini a siku ledro.

Loko van'wiboha, van'winyiketa vuhosini n'wingahlatiyeleni hi leswi n'wita kayangula swone. Kambe hlayani leswi n'witakanyikiwa hi wolowo nkama, hikusa ahi n'wine n'wiyangulaka, kambe hi Moya wa Kuxwenga.

A tilo ni misava switahundra, kambe a maritu yanga mangatihundra!

Loko drili siku ledro ni nkama wa siku, akuna mhunu lweyi aswitivaka, nambi swili swirun'wa swa le Tilweni, nambi ali N'wana, loko angali Tatana ntsena.

Loko n'wiyingela kuhlayiwa leswaku kuni tiyimpi hi matlhelo hinkwawu, n'wingavitxhava. Leswo swifanekeli kuhumelela, kambe abyisiva vugamu.

Kolahu-ke vanani valaveleli hikusa an'witivi leswaku atabuya drini a n'winyi wa yindlu. Swingakoteka kuva alihungwini kumbe hi le makari ka vusiku, kumbe ampundrwini, kumbe amixweni. Swingatxhuki swiyentxeka leswaku abuya hi kuhangwesa, an'wikuma na n'wikhutriyelile. Kambe leswi nin'wibyelaka swone, nibyela hinkwavu nili: Hitekani swinene!

Hikusa drin'we tiko dritapfukela drin'wana, ni mfumu mun'we wutapfukela wun'wana; na kone kutava ni kutrekatreka ka misava, ku mimbangu min'wana kutava ni tindlala. Hinkwaswu leswo atava masungulu ya mahlomulu.

Swifanekeli leswaku a Ivangeli yiranga yihlayiwa matikweni hinkwawu.

Vanyingi vatahumelela hi kukanganyisa vaku hi mine lweyi: Hi mine Kriste! Na vatakanganyisa vhanu vanyingi.

Tivonelani swinene! Vatan'wiyisa tihubyini, n'witabiwa masinagogeni. Nakone n'witanyiketiwa amahlweni ka tindruna ni vafumi hinkonta yanga, akuva n'wiva timboni.

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Ntrhaku ka masiku lawo ya nhlomulo, a dambu dritava munyama, ni hweti yingatihumexa a kuvaninga ka yone. A tinyeleti titawa, ni mintamu ya le tilweni mitatrekatreka.