Mga Popular na Bersikulo sa Biblia mula sa MARKUS 6

Ibahagi

Lajau Yesus madeak ngen tobo'o, “Maroba ite moi penan de sunyai, supayo ite suang, ngen bedan tegoa!” Sebab awei'o daune tun teko ngen lalau, sehinggo mukmei bae tobo'o coa telalau.

Sudo'o Yesus madeak ngen tobo'o, “Suang nebai nego neak ipe bae, kecuali neak penanne suang, neak antaro keluargone ngen neak umeakne.”

Ketiko Yesus tu'un kunei biduk, Si kemliak tun dau belugguk, mako tegerokba ateine ngen asai ibo ngen tobo'o. Kerno tobo'o awei bebirai de coa temuan gembala. Lajau muloiba Si majea dau hal ngen tobo'o.

Si coa dapet menea mujizat neak di, kecuali kema'en kekedaw tun bolon ngen meletok tangen-Ne neak das tobo'o. Si meraso sele kerno tobo'o coa masai. Lajau Yesus paneu keliling kunei sadei moi sadei samo ngajea.

Sesudo mok lemo ruti ngen duai kan'o, Yesus nanggeak moi lenget ngen mucep syukur, lajau mecuak ruti'o ngen magiakne ngen murid-murid-Ne, supayo nagiak ngen kute tun o; sesudo'o Si magiak ke duai kan'o ngen tobo'o kute. Lajau tobo'o kutene mbuk sapei kenyang. Sudo'o tun melungguk tieak-tieak ruti sekedau duai belas bokoa penuak ngen tieak-tieak kan.