Mga Popular na Bersikulo sa Biblia mula sa MARKUS 6

Ibahagi

Naopu etu nangulimo Yesus ka ira, “Kamaimo kita mompatani ri peto'o to nakalinoana ala mamala mangosaraka sampalai.” Niulina iwetu sabana aga nosinjambei tau narata ri ja'ina sampe ira nau aga nanggoni da'a nakapo.

Tapi nangulimo Yesus ka ira, “Samba'a nabi nibila ntau ri umba-umba ngata ntanina. Tapi ri ngatana mboto ri tatongo sampesuwuna bo ira saongu njapo i'a da'a ria nibila.”

Tempo Yesus nana'u nggariara sakaya nikitana nadea mpu'u tau nasiromu ri setu. Nanggita etu naasi mpu'umo matana sabana ira nasimbayu ewa bimba-bimba da'a ria topoewuna. Jadi nompamulamo I'a nompaguru ka ira mpengele-ngele pepatuduki.

Pade da'a namala Yesus nompowia nadea kabaraka ri setu. I'a aga namala nompakabelo bara sakuya mba'a tau naju'a ante nombadika palena ri koro ira. Natekaja mpu'umo I'a sabana tau ri setu da'a nomparasaya I'a. Naopu etu nalaumo Yesus nompebutu ngata ri bagia etu bo nompaguru tau dea.

Pade Yesus nangala limaongu roti bo romba'a bau etu pade nantingoa langi nosambaya nanguli tarima kasi ka Alatala. Naopu etu nibingga-binggana roti etu pade niwaina ka anaguru-anaguruna ala rapalele ka tau dea etu. Pade romba'a bau etu wo'u nipalelena ka ira pura-pura. Pade tau pura-pura nanggoni sampe nabosumo. Naopu etu anaguru-anaguru Yesus nompasiromu labi roti bo bau to nabolina, naponupa sampulu rotonda.