Mga Popular na Bersikulo sa Biblia mula sa MARKUS 13

Ibahagi

Pade komi kana raporau rara ntau pura-pura sabana komi nomparasaya Aku. Tapi isema-sema to maroo momparasaya sampe ri kaopuna kana rapakasalama.”

“Jadi pakabelo-belo. Komi kana mainga sabana da'a ninjani komi nepia tempo karataku.

Ane komi rasoko rakeni ratangara ne'e masusa pekirimu mompekiri nuapa pesono komi. Ane maratamo tempo etu tesamo nuapa to rawai ka komi, sabana da'a komi mboto to motesa tapi Nosa Nagasa nu Alatala.

Langi bo dunia kana malipo tapi tesaku kana maroo sampe ri kasae-saena.

Tapi eo bo tempo karataku etu da'a ria samba'a nangginjani, nabeloka malaeka-malaeka ri suruga, nabeloka Ana nu Alatala mboto. Aga Umaku mboto to nangginjanina.”

Ane komi mangepe wamba ntau mosipatesi bara mangepe lele ntau mosipatesi, ne'e komi maeka! Etu pura-pura kana majadi ntani ruru, tapi etu da'apa tandaina kaopu nu dunia.

Jadi iwetu wo'u komi kana mainga mompopea karataku sabana da'a ninjani komi nepia Aku manjili, bara ulungguwiana bara ri tongo wengi bara kabobayana bara ri pebulu nu eo. Komi kana mainga ala ane Aku marata ne'e-ne'e komi aga kurata maturu. Nuapa to nitesaku ka komi, kutesa wo'u ka pura-pura tau. Komi kana mainga!”

Tempo etu tau-tau nggari sangatana kana mosibali ka tau-tau to sangatana, pade magau simbau magau wo'u kana mosiewa. Pade ri umba-umba ri dunia e'i kana maria lingu pade kana maria wo'u kamateoro. Tapi etu pura-pura aga kasusa pamulana, ewa ju'a besi ntora moana.

Pade Kareba Belo kana rapatolele ka pura-pura manusia ri dunia e'i ntani ruru.

Sabana madea tau kana marata mompobalu sangaku. Ira manguli, ‘Akumo Magau to Mompakasalama!’ Madea tau kana mamala rabagiu ira iwetu.

Tapi komi e'i, pakabelo-belo, sabana komi kana rasoko pade rakeni rapangadu ri ngayo ntopotangara agama. Komi kana raboba riara sapo mpodade pade komi kana rakeni ri ngayo ntopoparenta-topoparenta bo magau-magau sabana komi nomparasaya Aku. Tempo etu komi kana mompakanoto ka ira isema Aku.

Sabana kana meumba tau topodawa to mompangaku iramo Magau to Mompakasalama. Pade meumba wo'u nabi-nabi topodawa. Ira pura-pura kana mompowia tandai-tandai to nipogumaa bo kabaraka-kabaraka ante patuju ane mamala mombabagiu tau-tau to nipelisi Alatala.

“Ri tempo etu ane maopumo kasusa bo kapari etu mata eo kana majadi marumau pade wula mana mewanta. Betu'e-betu'e kana manawu nggari langi pade kuasa-kuasa ri langi kana ragagoya pura.