Mga Popular na Bersikulo sa Biblia mula sa Luka 3

Ibahagi

Na kweethĩwa andũ onthe mavatiswa, nake Yesũ avatiswa, na akĩvoya, ĩtu yavingũka, na Veva Mũtheu amũtheea e na mwĩĩ ũvw’ana ta wa ĩvũĩ, amũvũĩla, na wasya wauma ĩtunĩ, We nue Mwana wakwa mwendwa; nendeaaw’a nue.

Yoana asũngĩa, na amea onthe, Nĩ w’o nyie nĩmũvatisaa na manzĩ; ĩndĩ nĩkũkĩte ũla wĩ vinya kũte nyie, nakwa ndyĩanĩwe nĩ kũthasya tũmĩkwa twa iatũ syake: ũsu akamũvatisaa na Veva Mũtheu na mwaki

Syaai ĩndĩ ũsyao ũla waĩle ũalyũlo wa ngoo, na mũtikambĩlĩlye kwasya nthĩnĩ wenyu, Twĩ na asa waitũ Avalaamu: nũndũ nĩngũmwĩa, kana Ngai nũtonya kũmũkĩlĩlya Avalaamu syana mavianĩ aa.

O na yu ĩthoka nĩyiĩtwe matinanĩ ma mĩtĩ: kwondũ wa ũu kĩla mũtĩ ũtasyaaa ũsyao mũseo nũtemawa, na kwĩkw’a mwakinĩ.

o tondũ kũandĩkĩtwe ĩvukunĩ ya ndeto sya mwathani Isaia, Wasya wa mũndũ akĩneena mũno weũnĩ, Seũvyai nzĩa ya Mwĩaĩi, Lũngalyai moendelo make. Syanda syonthe ikalindwa, Na iĩma na tũlĩma tw’onthe ikeananw’a na nthi; Na ila nthyoeku ikalũngalw’a, Na nzĩa ila nthũku ikatindimalw’a; Na mĩĩ yonthe ĩkoona ũtangĩĩo wa Ngai.