Mga Popular na Bersikulo sa Biblia mula sa ທິນ ເຕີ່ຍ ໂຕ້ວ 3

Ibahagi

ວົ້ວ ເຕົ້າ ມເຊັຍ ຕອນ ໝັ່ງ ປວັດ ວົ້ວ ຕສູ້ງ ປ໊ຽວ ເດສວີ່ຍ ເຍີຍ, ຕ໋າຍ ຫຍັ່ນ ຄູ້ ເຍີຍ. ນິ່ນ ຢ່າ ຮນ້ຳ ຕ້າຍ ເຊ ກ໊ອງ ໄຮ່ ປຸນ ມ່ຽນ ໄກວ ນໍ, ຕສະເກ້ງ ຫລົງ ໄຫ່. ນິ່ນ ຕສ່ຽວ ແກ໊ະ ຕ້າຍ ຫຍັ່ນ ອ໊ະ. ແອ໋ງ ປຸນ ເຕີ໋ຍ ນິ່ນ ເຍີຍ ໂອກ໋ ຫຍັ່ນ.

ຕສ໊ຽວ ທິນ-ຮູ່ງ ເຕສີ໋ຍ ຕ້າຍ ເຍີຍ ຢຽດ ຕສູ໊ງ ຫລົ່ມ ຕສັ່ງ ກະນ້າຍ ເຊ ນາງ ເກົ້າ ໄກວ໋ ເຈ໋ຍ. ນາງ ໜ່າຍ ກ໋າ ວົ້ວ ເຕົ້າ ມເຊັຍ ຕອນ, “ທິນ-ຮູ່ງ ຕສະເກ້ງ ກ໊ອງ ໄມ້ ປຸນ ເມີ່ຍ ບົວ ຫຍັ່ນ ຢຽມ ນ້າຍ ຫຮວີງ ກະຍົ໌ວ ເຍີຍ ຫາຍ ຫຍູ່ງ ປ໊ຽວ ໄຟ?”

ເຢຍ ອ໋ອຍ ປຸນ ເມີ່ຍ ເຖສົາ ນ້າຍ ເຕົ້າ ມເຊັຍ ຕອນ ຕ໊າ ວິນ, ຢ່າ ປຸນ ເມີ່ຍ ເຍີຍ ເຕສີ໊ຍ-ຟຸນ ເຖສົາ ນິ່ນ ເຍີຍ ເຕສີ໊ຍ-ຟຸນ ໂຕສ໋ວ ວິນ-ວັ້ງ. ນິ່ນ ເຍີຍ ເຕສີ໊ຍ-ຟຸນ ອ໋ອຍ ເບ໊າະ ເມີ່ຍ ເຍີຍ ມອກ໊ອງ ຮູ້, ເມີ່ຍ ຢ່າ ອ໋ອຍ ເຍາະ ນິ່ນ ເຍີຍ ເຕສົ໋າ-ໂອກ.”

ທິນ-ຮູ່ງ ຢ່າ ກ໊ອງ ບົ໋ວ ວົ້ວ ເຕົ້າ ມເຊັຍ ຕອນ, “ມ່າຍ ຊິນ ເຍີຍ ຕສຢັ້ງ ໂຫ່ ເຢຍ ອ໋ອຍ ຈາ ທິບ ປຸນ ເມີ່ຍ ໂຄ້ວ. ດຸ໊ດ ຊິນ ເຍີຍ ຕສຢັ້ງ ໂຫ່ ເມີ່ຍ ອ໋ອຍ ຕສຸ ມຸນ. ມປ່າ ເມີ່ຍ ຖສໍ່ ອ໋ອຍ ຫລົ່ງ ເມີ່ຍ ເຍີຍ ໂອກ໋. ເມີ່ຍ ເຍີຍ ໂອກ໋ ຢ່າ ອ໋ອຍ ກຸ໊ນ ຈ໊ຽນ ເມີ່ຍ.”

ເມີ່ຍ ອ໋ອຍ ຕສຸ ໂຕສ໋ວ ກົງ ໂຄ້ວ ທສວດ ເຕສ໋ຍ ຊິນ ຫັ່ນ ວົ້ວ ເຕີ໋ຍ ເດົາ ຖສີງ ຕ້າຍ ໄຮ່ ທສວດ ເຕີ໋ຍ ກະນ້າຍ. ໂຕສ໋ວ ເຖົາ ເມີ່ຍ ແອ໋ງ ດສ໋ວນ ເປ໋ນ ເນຍ, ເຫວີ່ຍ ຕສຸ ເມີ່ຍ ເຊ ເນຍ ເປ໋ນ ຕ້າຍ. ເມີ່ຍ ເຊ ເນຍ, ເມີ່ຍ ອ໋ອຍ ຕສຸ ແອ໋ງ ເປ໋ນ ດສຸ່ນ ເນຍ ອ໊ະ.”

ທິນ-ຮູ່ງ ຢ່າ ກ໊ອງ ບົ໋ວ ອາ​ດຳ, “ຫລາຍ ເມີ່ຍ ໝວັງ ເມີ່ຍ ເຍີຍ ເອົ໊າ ເຍີຍ ຫວ່າ, ຫຍັ່ນ ຕົ້ງ ເຢຍ ຫັດ ເມີ່ຍ, ‘ໄມ້ ຕູ໋ງ ຫຍັ່ນ ວົ້ວ ຕສູ້ງ ປ໊ຽວ,’ ເດົາ ຕສ່ຽວ ຫລາຍ ເມີ່ຍ ໂຕສ໋ວ ເຍີຍ ສີ່ ຕສຸ ໂຮ້ວ. ເມີ່ຍ ຢຽດ ເສີຍ ອ໋ອຍ ຕສຸ ປັ່ງ ເດົາ ໂຕສ໋ວ ກົງ ໂຄ້ວ ຖສີງ ຕຸ໊ ຫຍັ່ນ.

ທິນ-ຮູ່ງ ໜ່າຍ ກ໋າ, “ຫາຍ ເຕົ້າ ບົ໋ວ ເມີ່ຍ, ເມີ່ຍ ເຍີຍ ຊິນ ແລ່ງ ແກ໊ງ ເຍີຍ? ເມີ່ຍ ຫຍັ່ນ ຕົ້ງ ເຢຍ ຫັດ ເມີ່ຍ ໄມ້ ຕູ໋ງ ຫຍັ່ນ ວົ້ວ ຕສູ້ງ ປ໊ຽວ ໝີ່ ອ໊ະ ຊ່າະ?”

ຕສ໊ຽວ ຕສຸ່ນ ນິ່ນ ທສວດ ລິ໌ວ, ຢຽມ ເອ​ເດນ ຫຮວີງ ເຍີຍ ຕົງ ປູງ ແໝງ, ຕສ໊ຽວ ປຸນ ເຄ​ລູ​ບິມ ຕສົ໊ວ ຈ໊ຽນ. ແອ໋ງ ມ່າຍ ຕສູງ ມ່າຍ ໂຕ໌ວ ເຍີຍ ດສຸ ດ໊າວ ກວິ້ນໆ ເປຢີຍ ປູງ ເຍີຍ, ຕັ໊ງ ຈ໊ຽນ ມີ່ງ ຕສຢັ້ງ ແໝ່ງ ປ໊ຽວ ເຍີຍ ດຢັ໋ງ ວົ້ວ ຕິ້ວ ເຈົ໊າ.

ອາ​ດຳ ເຖງ ນິ່ນ ເຍີຍ ເອົ໊າ ທສວດ ບົ໋ວ ເຫ່ວ ຮາ​ວາ, ເຫວີ່ຍ ຕສຸ ນິ່ນ ໂຕສ໋ວ ລູ່ງ ເດ໊ຍ ມ່ຽນ ເຍີຍ ມາ.