Mga Popular na Bersikulo sa Biblia mula sa DEUTERONOMIO 6

Ibahagi

at iibigin mo ang PANGINOON mong Diyos ng iyong buong puso, at ng iyong buong kaluluwa, at ng iyong buong lakas.

at iyong ituturo nang buong sikap sa iyong mga anak, at iyong sasabihin sa kanila kapag ikaw ay nakaupo sa iyong bahay, kapag ikaw ay lumalakad sa daan, at kapag ikaw ay nahihiga, at kapag ikaw ay bumabangon.

Ang mga salitang ito na aking iniuutos sa iyo sa araw na ito ay ilalagay mo sa iyong puso

“Pakinggan mo, O Israel: ang PANGINOON nating Diyos ay iisang PANGINOON

At iyong itatali ang mga ito bilang tanda sa iyong kamay at bilang panali sa iyong noo.

At iyong isusulat ang mga ito sa pintuan ng iyong bahay at sa mga pasukan ng inyong mga bayan.

Matakot ka sa PANGINOON mong Diyos at maglingkod ka sa kanya at ikaw ay susumpa sa pamamagitan ng kanyang pangalan.

“Kapag dinala ka ng PANGINOON mong Diyos sa lupain na kanyang ipinangako sa iyong mga ninuno, kina Abraham, Isaac, at Jacob, upang ibigay sa iyo ang malalaki at mabubuting lunsod na hindi mo itinayo, at mga bahay na punô ng lahat ng mabubuting bagay, na hindi mo pinunô, at mga balon na hindi mo hinukay, mga ubasan at mga puno ng olibo na hindi mo itinanim, at ikaw ay kakain at mabubusog, ingatan mo na baka iyong malimutan ang PANGINOON na naglabas sa iyo sa lupain ng Ehipto, mula sa bahay ng pagkaalipin.

“Ngayon, ito ang utos, mga tuntunin, at mga batas, na iniutos sa akin ng PANGINOON ninyong Diyos na ituro sa inyo, upang inyong magawa ang mga ito sa lupaing inyong paroroonan upang angkinin, upang ikaw ay matakot sa PANGINOON mong Diyos, na iyong ingatan ang lahat niyang mga tuntunin at ang kanyang mga utos na aking iniutos sa iyo, at sa iyong anak, at sa anak ng iyong anak sa lahat ng araw ng iyong buhay; at upang ang iyong mga araw ay humaba.

At iyong gagawin ang matuwid at mabuti sa paningin ng PANGINOON, para sa ikabubuti mo, at upang iyong mapasok at maangkin ang mabuting lupain na ipinangako ng PANGINOON sa iyong mga ninuno

sapagkat ang PANGINOON mong Diyos na nasa gitna mo ay isang mapanibughuing Diyos; baka ang galit ng PANGINOON mong Diyos ay mag-alab laban sa iyo, at ikaw ay kanyang lipulin sa ibabaw ng lupa.

Huwag kang susunod sa ibang mga diyos, sa mga diyos ng mga bansang nasa palibot mo

“Huwag ninyong susubukin ang PANGINOON ninyong Diyos, gaya ng pagsubok ninyo sa kanya sa Massah.