Mga Popular na Bersikulo sa Biblia mula sa MATIU 5

Ibahagi

Ihine he bule na leleo tea vena taue lo vavai laha, ingeie mo taue lo gaiturei leleo, ko mo leleohagi na sinobu doluegi lolo vale. Mwere hi teu a nomiu leleo na leleo lo nagora tangaloi wagineu, ve ingere rain lehi na nomiu lalakogi u garea ko rain waregi roroi Tamamiu eulu hurie.

“Igimiu neu mwere na leleo talo ure. A togagi venue mo toga lo vusi vin he toga vunigi lei tea.

“Havuhevu mei rahine a taqangire u renige: !Huri ingere rain lehi God!

“Havuhevu mei rahine ram mwaruruhi ko ram madogu huri ve rain vei na vataha gineu i God mo tarani: huri ingere rain guqe.

Nge ineu nam veve lawe gimiu vena: nen tabe ira nomiu tavului vuro, ko nen tataro hurire ram vai asiesigi gimiu

“Havuhevu mei rahine ram ilo ve ram mahogi lolo lolora: Huri a nora mwasoana garaqa God mo ratahigi lolona.

Havuhevu mei rahine ram vai bulu taligu ginire lo tamwata: Huri God vin warera ve ire netune!

“Havuhevu mei rahine ram tangi: huri God vin vei mesuri ginire.

“Havuhevu mei rahine ram vai asiesiginire a vevenagi ram vai na gineu i God mo tarani: Huri a nora mwasoana garaqa God mo ratahigi lolona.

“Havuhevu mei rahine ram hagavi na tangaloi: !Huri God vin hagavire taligu!

“Havuhevu mei gimiu lune ingere ram hurei gimiu ko ram vaivei gimiu ko ram veve asiesigi gimiu vurogi hurieu. Nen garigeri ko nen havuhevu, huri a gaitawe lawua mo eno rarai gimiu lo eulu. Huri mwerehi ingere ram vaivei ira tangaloi ligoligogi rau toga tomue den gimiu.

“Havuhevu mei rahine ram ladowuweu: huri ingere ran lei hougi na ure.

“Igimiu neu mwere na mavai talo ure. Nge tare ve a mavai mo voragi wai mweda, vin vei gogonaginie taligu gena hava gineu? U voragi na gineu vurogi, ram tuli vohogi ko ram vavarahie.

Nge a domimiu na garea vurugegi mwere na domi Tamamiu eulu u garea vurugegi.

Nge a nomiu leo ve io, io, sige hatie, hatie - a hava leo vage nem veve ngehi mo vonai dena Gineu Esi.

Gimiu neu rongo ve rau veve vena, ‘Mata huri mata, ko livo huri livo.’ Nge ineu nam veve lawe gimiu vena: nen mese raba gineu esi gina gineu esi. Tare ve ihine mo rabago lo balahemu lo matue, gon siregi lawea ve vin rabago lo mawiri vage.

Tare ve a matamu lo matue mo vai tatureginigo, gon dangea ko gon tuli vohoginie denigo. U garea meigo huri ve a mavusui betumu vin sala denie hi ve rain tuli vohogi na betumu doluegi lolo gagarasi redu. Ko tare ve a limemu lo matue mo vai tatureginigo, gon tai utue ko gon tuli vohoginie denigo. U garea meigo huri ve a mavusui betumu vin sala denie hi ve a betumu doluegi vin vano lolo gagarasi redu.