Mga Popular na Bersikulo sa Biblia mula sa Salmo 18

Ibahagi

PANGINOON, kayo ang aking matibay na batong kanlungan at pananggalang. Kayo ang aking Tagapagligtas na nag-iingat sa akin.

Ang pamamaraan nʼyo, O Dios ay walang kamalian. Ang inyong mga salita ay maaasahan. Kayoʼy katulad ng isang kalasag sa mga naghahanap ng kaligtasan sa inyo.

Karapat-dapat kayong purihin, PANGINOON, dahil kapag tumatawag ako sa inyo, inililigtas nʼyo ako sa mga kalaban ko.

Kinakabahan ako! Humingi ako ng tulong sa inyo, PANGINOON kong Dios, at pinakinggan nʼyo ang panalangin ko sa inyong templo.

PANGINOON kong Dios, kayo ang nagbibigay sa akin ng liwanag. Sa gitna ng kadiliman kayo ang aking tanglaw.

Kayo ang nagbibigay sa akin ng kalakasan, at nagbabantay sa aking daraanan.

Buhay kayo, PANGINOON! Karapat-dapat kayong purihin at dakilain, O Dios na aking batong kanlungan at Tagapagligtas!