Mga Popular na Bersikulo sa Biblia mula sa Bilang 22

Ibahagi

Pagkatapos, pinagsalita ng PANGINOON ang asno, at sinabi niya kay Balaam, “Ano ba ang nagawa ko sa iyo para paluin mo ako ng tatlong beses?”

Pagkatapos, ipinakita ng PANGINOON kay Balaam ang anghel na nakatayo sa daan na may hawak na espada. Kaya nagpatirapa si Balaam.

Nagtanong sa kanya ang anghel ng PANGINOON, “Bakit mo ba pinalo ang asno mo ng tatlong beses? Nandito ako para harangan ka dahil masama sa aking paningin ang inasal mo.

Sinabi ng asno kay Balaam, “Hindi baʼt ako ang asnong palagi mong sinasakyan? Umasal ba ako dati nang gaya nito?” Sumagot si Balaam, “Hindi.”

Sumagot si Balaam sa asno, “Ginawa mo akong parang luku-luko. Kung may espada lang ako, papatayin kita ngayon din.”

Pagkakita ng asno sa anghel ng PANGINOON, tumumba na lang ito at nagalit si Balaam, at pinalo na naman niya ito ng kanyang baston.