Mga Libreng Babasahing Gabay at Debosyonal na may kaugnayan sa Mga Taga-Filipos 4:7

Makakaya mong lampasan ang mga pakiramdam ng takot. Gagabayan ka ni Dr. Tony Evans sa landas patungong kalayaan sa gabay na itong puno ng kaalaman. Tuklasin ang buhay ng kaligayahan at kapayapaan na hinahangad mo sa iyong paggamit ng mga prinsipyo na ipapakita sa gabay na ito. 

Ang debosyonal na ito ay makatutulong sa mga naghahanap na makita si Cristo at makahihikayat sa mga mananampalataya na makahanap ng kapahingahan kay Cristo mula sa pang-araw-araw na mga pagsubok.

"Ang aming mga puso ay nababalisa hanggang kanilang masumpungan ang kapahingahan sa Iyo." Hindi pa kailanman naramdaman ng karamihan sa atin ang kabalisahang inilarawan ni San Agustin sa bantog na pangungusap na ito. Ngunit ano nga ba ang kasagutan sa ating kakulangan ng tunay na kapahingahan? Tulad ng ipakikita ng tatlong araw na gabay na ito, ang kasagutan ay bahagyang namamalagi sa pagtingin sa sinaunang kaugalian ng Araw ng Pamamahinga sa pamamagitan ng ibang lente—sa pamamagitan ng lente "Mo"—Jesus—ang aming sukdulang pinagmumulan ng kapayapaan.

Maaaring ang Diyos ay hindi kung sino Siya sa tingin mo. Marahil mas mahusay Siya. Makakatulong ang debosyonal na ito na matukoy ang ilang mga salitang bukambibig ng mga Cristiano na narinig na nating lahat na sa totoo lang ay mga kasinungalingang hindi biblikal. Ang mga bukambibig na ito ay waring wala namang masama, ngunit nakakasama sa ating pananampalataya at pinananatili ang napakaraming mga mananampalataya na musmos sa espiritwal. Matutunang harapin ang mga kasinungalingang ito sa pamamagitan ng mga katotohanan tungkol sa Diyos sa Biblia upang magdala ng paghihikayat at kalayaan sa ating buhay.

Ang pag-aalala ay isang magnanakaw ng ating oras, lakas, at kapayapaan. Kaya bakit natin ito gagawin? Sa 3-araw na debosyonal na ito, titingnan natin ang pag-aalala, kung bakit natin ito ginagawa, at kung paano natin mapipigilan.

Milyun-milyong Cristiano sa buong mundo ang magdiriwang ng Pasko ngayong taon. Ang Adbiyento, isang magandang simbolikong pagdiriwang na humahantong sa Araw ng Pasko, ay isang malaking bahagi ng pagdiriwang ng Pasko sa maraming bansa. Habang binabasa mo ang kapana-panabik na Debosyonal sa Adbiyento na ito, magkakaroon ka ng pagkakataong sumali at magdiwang kasama ng iyong mga kapatid mula sa malalayong bansa at matuto mula sa kanilang kakaiba at makapangyarihang pananaw at tradisyon.

Ang pagharap sa mahihirap na mga sitwasyon sa ating mga buhay ay hindi maiiwasan. Ngunit sa maikling 4-araw na Gabay na ito, tayo ay mahihikayat na malaman na tayo ay hindi nag-iisa, na may layunin ang Diyos para sa ating sakit, at gagamitin Niya ito para sa Kanyang dakilang layunin.

Siniyasat ng sikat na manunulat na si Max Lucado ang plano ng Diyos para sa paggamot sa kabalisahan na matatagpuan sa Mga Taga-Filipos 4:4-8. Habang sinusunod mo ang resetang ito – ang pagdiriwang ng kabutihan ng Diyos, paghingi ng tulong sa Kanya, pagpapaubaya ng iyong mga alalahanin sa Kanya, at pagbubulay-bulay ng mga mabubuting bagay – mararanasan mo ang kapayapaan ng Diyos. Bagaman bahagi ng buhay ang kabalisahan, hindi dapat itong nangingibabaw sa iyong buhay. 

Ang liham na isinulat ni Pablo sa iglesia sa Filipos ay naisalinlahi sa mga henerasyon upang palusugin at hamunin ang ating mga puso at isipan sa ngayon. Ang limang-araw na gabay na ito ay magbibigay sa iyo ng karanasan sa Aklat ng mga taga-Filipos, maraming siglo na mula pa nang binigyang-kapangyarihan ito ng Diyos sa pamamagitan ni Pablo. Nawa ay punuin ka ng Diyos ng mga himala at pag-asa habang binabasa mo ang liham na ito ng kagalakan! Sapagkat hindi lamang ito basta salita ni Pablo sa lumang iglesia—Ito ay salita ng Diyos sa iyo.

Kung hindi ka napipigilan ng takot, ano kaya sa tingin mo ang itsura ng buhay mo ngayon? Gaano ka kalaki mangagarap? Magagawa mo na ba lahat ng nakasulat sa “bucket list” mo?? Nasubukan mo na bang mamuhay nang malaya sa chains ng FEAR? Kung mamumuhay tayo nang walang takot, masasaksihan nang marami ang kadakilaan ni Hesus sa atin.

Ang stress ay totoo, ngunit hindi nito kailangang patakbuhin ang iyong buhay. Kay Cristo, may kakayahan tayong tukuyin, at bigyan ito ng bagong kahulugan. Kung ikaw ay nakakaranas ng stress, suriin mo ang 5-araw na Gabay sa Bibliang ito upang malaman kung paano makakamit ang kalayaan at kapayapaan.

Nang ang tatlong taong gulang na anak ni Kim ay sumakabilang-buhay, nakasumpong siya ng maraming mga babasahin patungkol sa pagdadalamhati. Sinabi niya na ang tunay niyang kailangan, gayunpaman, ay "isang tao na makapagbibigay sa akin ng payo para mabuhay, hindi lang para sa pagdadalamhati." Sa 5-araw na debosyonal na ito, ibabahagi ni Kim ang kahinaang sariwa pa, ang malalim na bukal ng karunungan, at ang kaalaman ng isang tao na nakaranas ng ganoong sitwasyon habang inaakay niya ang mga magulang na nagluluksa sa proseso ng buhay pagkatapos ng kamatayan at malampasan ang kalungkutan sa pagkawala.

Kapag ang isang krisis ay nangyayari sa ating mundo, madaling kuwestyunin ang ating pananampalataya, at mahirap palitan ang pagkakagulong kinakaharap natin ng kapayapaan na ipinangako sa atin bilang mga taga-sunod ni Jesus. Sa 5-araw na Babasahing Gabay na ito na kasama sa serye ni Pastor Craig Groeschel, Not Afraid, matutuklasan natin ang tatlong bagay na maari nating gawin bilang mga Cristiano sa harap ng krisis.

Ang mga panahon ngayon ay walang katulad para sa ating nabubuhay sa planetang lupa sa sandaling ito. Sa ating kasaysayan, maaari tayong makatagpo ng pag-asa kapag tayo ay bumaling sa Nag-iisang lumikha ng lahat at Panginoon ng lahat. Anong sinasabi ng Biblia tungkol sa kung bakit ang mga bagay na ito ay nagaganap, anong tugon ng Diyos dito, at anong pag-asa ko sa buhay at kamatayan?

Ikaw ba ay naghahanap ng isang mapayapang buhay na protektado sa kaguluhan ng iyong mundo? Hangad mo ba ang isang buhay na lahat ay mapayapa ang takbo, na walang paggambala at alitan? Lahat tayo ay nais iyon, ngunit ang ideyang ito ay malayo sa ating katotohanan. Sa 5-araw na gabay na ito, tuklasin na ang kapayapaan ay hindi ang kawalan ng mga problema o paghihirap. Ang kapayapaan ay ang presensya ni Jesus. Ang Kapayapaan ay isang Tao.

Maraming mga pag-aaral ang nagsasabi sa atin na ang pahinga ay kritikal sa ating pisikal, mental at emosyonal na kalusugan. Lubhang mahalaga ang pahinga sa Diyos kung kaya ginawa pa Niya itong isa sa Kanyang mga Utos. Alam natin na kailangan nating magpahinga—bakit hindi tayo nagpapahinga? Sa simpleng 5-araw na Gabay na ito, titingnan natin ang bakit, kailan, saan, at paano tayo magpapahinga, maging ang kasama nino.

Ang isang matibay at malusog na buhay may-asawa ay hindi aksidenteng nangyayari lamang. Ang pagiging determinado ang susi sa pagkakaroon ng isang buhay may-asawang pinapangarap mo. Sa 5-araw na Babasahing Gabay na ito, bubulusok tayo sa iba't-ibang mga paksa na makakatulong sa iyo upang simulan ang proseso ng pagiging determinado kasama ang asawa mo upang marating mo ang buhay may-asawang hinahangad mo.

Ang ibig sabihin ng normal ay ang pagtataguyod ng isang kilalang pamantayan, subalit ang mundo ay napupuno ng bilyong tao na pambihira at magkakaiba. Kadalasan, ang normal ay ang mas pinipiling lugar kung saan "mamumuhay," ngunit ang totoo, hindi ito laging mabuti. Sa Gabay na ito, ating pag-aaralan ang Salita ng Diyos kung papaano malalampasan ang normal na pamumuhay at gumawa ng pagbabago para tayo ay mamuhay nang higit pa sa normal.

Sa Isaias 9:6, nakita natin na si Jesus ay ang ating Kamanghamanghang Tagapayo, Makapangyarihang Diyos, Walang hanggang Ama, at Prinsipe ng Kapayapaan. Sa 5-araw na Gabay na ito, ipagdiriwang natin ang pagdating ni Jesus sa pamamagitan ng pag-aaral ng Kanyang iba't-ibang pangalan at kung paano natin ito magagamit sa ating buhay sa kasalukuyan.

Sa lahat ng kaabalahan sa kapaskuhan, maaaring madaling mawala ang paningin sa kung bakit tayo nagdiriwang. Sa 5-araw na gabay para sa adbiyento, susuriin natin ang mga pangako na tinupad sa pamamagitan ng kapanganakan ni Jesus at ang pag-asa na mayroon tayo sa hinaharap. Habang natututunan pa natin ang tungkol sa kung sino ang Diyos, matutuklasan natin kung paano mamuhay sa buong panahon ng kapaskuhan na may pag-asa, pananampalataya, kagalakan at kapayapaan.

Ang nakagawiang pamamahala ng oras ay maaaring makapagdulot ng kapaguran kapag ang layunin ay ang "makontrol" ang buhay sa pamamagitan ng ating sariling lakas at pagdidisiplina sa sarili. Ngunit sinasabi sa atin ng Biblia na tumatanggap tayo ng kapayapaan at kapahingahan kapag ipinagkakatiwala natin sa Diyos ang ating oras. Sa 6-araw na gabay na ito, matututunan mo kung paanong ang pamamahala ng oras na nakasentro sa Diyos ay magdadala sa atin sa pagtanggap ng lahat ng kabutihang inihanda Niya para sa iyo, kasama na ang Kanyang kagalakan at kapayapaan.

Sa buhay na ito meron talagang giyera espirituwal. Naranasan mo na bang labanan ang adiksyon, takot, o kawalan ng pag-asa? Ipinangako ng Diyos na sasamahan Niya tayo na Kaniyang mga anak. Higit pa rito, tutulungan Niya tayong magtagumpay! Masasabi mo ba na ikaw ay namumuhay sa kalayaan na meron Siya para sa'yo? Here are some keys for true victory and freedom in Christ from the "Light Brings Freedom" discipleship series.

Kung natatagpuan mo ang iyong sariling laging nakikipagbuno sa pag-aalala at pagkabalisa, ang Gabay sa Bibliang ito ay para sa iyo. Walang isang mabilis na solusyon na makatitiyak ng 100% na kapayapaan o kaya naman ay makatutugon sa lahat ng mga bagay na may kinalaman sa pagkabalisa. Gayunpaman, ang mga tuntunin na nakapaloob sa Gabay na ito ay nag-aalok ng mga landasin tungo sa tagumpay kapag sila ay ipinamuhay. Inaanyayahan kang simulan ang paglalakbay na ito mula sa pagkabalisa tungo sa kapayapaan.

Sa dami ng mga tinig na nagsasabi sa atin kung sino tayo dapat maging, hindi kataka-takang nahihirapan tayong pagpasyahan ang ating pagkakakilanlan. Hindi nais ng Diyos na ituring tayo base sa ating trabaho, sa kung may asawa tayo o wala, o ating mga kamalian. Nais Niya na ang Kanyang opinyon ang maging pinakamataas na awtoridad sa ating buhay. Ang anim na araw na gabay na ito ay makatutulong sa iyong maunawaan ang sinasabi ng Biblia patungkol sa kung sino ka at tunay na mayakap ang iyong pagkakakilanlan kay Cristo.

Ang panalangin ay isang regalo, isang kamangha-manghang pagkakataon na magkaroon ng kaugnayan sa ating Ama sa Langit. Sa anim na araw na ito, malalaman natin kung ano ang itinuturo ni Jesus sa atin tungkol sa panalangin at mabigyang-inspirasyon tayo na manalangin palagi at nang may matinding katapangan.