Mga Libreng Babasahing Gabay at Debosyonal na may kaugnayan sa 1 Mga Taga-Corinto 13:7

Ang pagdiriwang ng pag-ibig ay higit pa sa isang bukod tanging petsa; ito ay isang buhay na patuloy na nagpapaalala sa iba na ang pag-ibig ng Diyos ay dumating upang pagalingin, ibalik, at bigyan tayo ng buhay na nagpapahayag ng Kanyang kabutihan. Inaanyayahan kita na maglakbay sa isang tatlong araw na pag-aaral sa kung ano ang kinakatawan ng pag-ibig at kung paano ang pagmamahal sa iba tulad ng nilalayon sa atin ng Diyos.

Isinulat ni Apostol Pablo na sa lahat ng mga bagay sa buhay, tatlong bagay ang nananatili: pananampalataya, pag-asa, at pag-ibig. Anong ibig sabihin nito para sa ating mga tagasunod ni Jesus, at paano natin ito maipapamuhay? Sa 4-na-araw na Gabay na ito, matututunan pa natin nang higit ang tungkol sa mga katangiang ito, at mauunawaan kung paanong maipapamuhay ang isang buhay kung saan araw-araw nating ipapakita ang pananampalataya, pag-asa, at pag-ibig.

Ang mga buto, sila'y nasa lahat ng dako. Ang iyong mga salita, ang iyong pera, ang iyong mga anak at maging ikaw, ang iyong sarili, ay isang binhi! Paano gumagana ang mga butong ito at bakit ito dapat na mahalaga sa atin? Tingnan natin kung ano ang sinasabi ng Biblia at tuklasin kung paano ito magagamit sa ating buhay upang ilapit tayo sa Diyos at sa Kanyang layunin para sa atin.

Sa pamamagitan ng pagtuon sa ating pag-aasawa sa loob ng konteksto ng Kasulatan, pinapayagan natin ang Panginoong magpakita ng mga bagong kaisipan tungkol sa ating mga ugnayan. Ang Babasahing Gabay na Pag-ibig at Pag-aasawa ay naghahandog ng isang talata ng Bibliya na maari ninyong gamiting mag-asawa upang pag-usapan. Ang limang-araw na planong ito ay isang maikling hakbangin papunta sa habang buhay na matibay na samahan.

Ang isang matibay at malusog na buhay may-asawa ay hindi aksidenteng nangyayari lamang. Ang pagiging determinado ang susi sa pagkakaroon ng isang buhay may-asawang pinapangarap mo. Sa 5-araw na Babasahing Gabay na ito, bubulusok tayo sa iba't-ibang mga paksa na makakatulong sa iyo upang simulan ang proseso ng pagiging determinado kasama ang asawa mo upang marating mo ang buhay may-asawang hinahangad mo.

Ang ibig sabihin ng normal ay ang pagtataguyod ng isang kilalang pamantayan, subalit ang mundo ay napupuno ng bilyong tao na pambihira at magkakaiba. Kadalasan, ang normal ay ang mas pinipiling lugar kung saan "mamumuhay," ngunit ang totoo, hindi ito laging mabuti. Sa Gabay na ito, ating pag-aaralan ang Salita ng Diyos kung papaano malalampasan ang normal na pamumuhay at gumawa ng pagbabago para tayo ay mamuhay nang higit pa sa normal.

Napakaraming mga mag-asawa ang inilalagay ang kanilang buhay may-asawa sa sarili nilang mga kamay, maging ang mga Cristiano, sa pagsisikap na maayos ang kanilang relasyon ayon sa idinisenyo ng Diyos. Ang pag-aasawa ay hindi sinadya upang maging mahirap, miserable, o malungkot kundi ang eksaktong kabaligtaran nito. Upang tunay na maranasan ng mag-asawa ang pagsasama ayon sa paraan ng Diyos, dapat nilang isama Siya. Sa debosyonal na ito, dadalhin ka ni Treal Ravenel sa isang paglalakbay tungo sa isang pagsasamang ayon sa paraan ng Diyos.

Walang perpektong pagsasama dahil ang pag-aasawa ay pagsasama ng dalawang di-perpektong tao. Ngunit sa tulong ng Diyos, maaaring magkaroon ng magandang buhay may-asawa–hindi sa pamamagitan ng paghiling sa Kanya na ayusin ang iyong asawa, kundi sa pamamagitan ng paghiling sa Kanya na kumilos sa Iyong puso. Ang 5-araw na gabay na ito ay tutulong sa iyo upang matagpuan ang kagalingan, kapayapaan, at pagtitiwala kay Cristo para mahalin mong mabuti ang iyong asawa at mabago ang inyong pagsasama.

Paano maaaring magtagumpay ang bunga ng espiritu laban sa mga kasalanan ng aking laman? Ang limang araw na gabay sa pagbasa na ito ay nagpapakita ng mga labanan ng PAG-IBIG laban sa pagkamakasarili, mapanghusgang saloobin, pagkamuhi, pagpapawalang-sala sa sarili, at espirituwal na kapalaluan. Ginagamit ni Kristi Krauss ang bunga ng espiritu na matatagpuan sa Galacia 5 upang hikayatin tayo sa maging mga kampeon ng PAG-IBIG.

Nagdurusa man tayo ng emosyonal o pisikal na sugat, ang pagpapatawad ay siyang pundasyon ng buhay Cristiano. Nakaranas si Jesu-Cristo ng hindi patas at hindi makatarungang pagtrato, maging ang hindi tamang kamatayan. Ngunit sa Kanyang huling oras, pinatawad Niya ang nanunuyang magnanakaw na nasa kabilang krus at maging ang mga nagparusa sa Kanya.

Sinasabi ng Biblia na kapag nakatagpo ka ng asawa, nakahanap ka ng isang kayamanan. Paano mo mapananatili ang ganoong pakiramdam? At kaya niyo bang patuloy na maging mas malapit sa isa't-isa? Ano ang kinakailangan ng isang maka-Diyos na pag-aasawa upang matupad ang pangako nito? Sa pitong-araw na debosyonal na ito mula sa YouVersion, ibinahagi ng mga kawani ang kanilang mga tugon sa mga tanong na ito at marami pang iba. Bawat araw ay mayroong Bersikulong Larawan na maaari mong ibahagi upang parangalan ang iyong asawa.

Nakakabaliw isipin kung paanong hinuhubog tayo ng ating mga ama. Walang sinumang nakakatakas sa kapangyarihan at impluwensya ng kanilang mga ama sa lupa. At dahil nararamdaman ng maraming mga kalalakihan na hindi sila handang maging ama, mahalagang humingi ng patnubay – mula sa Banal na Kasulatan at mula sa ibang mga ama. Ang Radikal na Karunungan ay isang paglalakbay tungo sa karunungan at pananaw para sa mga ama, kung saan pinagsasama ang mga prinsipyo at karunungan mula sa Banal na Kasulatan at ang mga karanasan ng mga mas nakatatanda, at mas matatalinong mga ama na may mga natutunan sa kanilang mga pagkakamali.

Ang debosyon na ito ay tungkol sa sinasabi ng Bibliya tungkol sa pag-ibig. Hayaang palakasin ng mga talatang ito ang ating buhay.

May mga bagay na dumarating sa ating buhay na hindi natin inaasahan. Kapag nagsimula na ang kaguluhan sa iyong isipan, gagamitin ng kaaway ang lahat ng sandatang nasa kanya upang pahinain ang iyong ugnayan sa Diyos. Ngunit hindi mo kailangang maging biktima niya. Ang debosyonal na ito ay mabibigay sa iyo ng mga inspirasyong puno ng pag-asa na tutulong na mapagtagumpayan mo ang galit, pagkalito, paghatol, takot, pag-aalinlangan…at iba pa. Ang mga kaalamang ito ay makatutulong sa iyo na maisiwalat ang balak ng kaaway na ikaw ay lituhin at linlangin, harapin ang mga mapaminsalang pag-iisip, magtagumpay sa pagbabago ng iyong kaisipan, magkaroon ng kalakasan, pag-asa, at pinakamahalaga, magtagumpay sa bawat digmaan na nasa iyong isipan. Ikaw ay may kapangyarihang lumaban at ito ay mahalagang magawa mo… kahit na paunti-unti araw-araw!

Ang isang puno ng kayamanan ng pananampalataya ay nasa loob ng 30 araw na babasahing gabay na ito, "Ang Tibok ng Puso ng Diyos." Ang bawat araw ay nagsisimula sa isang deklarasyon ng papuri gamit ang mga salitang ito, "O Diyos, Ikaw ay...". Pagkatapos, ang paglalahad ng Kanyang pagkatao at mga katangian ay nagsisimula (halimbawa: "O Diyos, Ikaw ay Mabuti"). Ang mga panalanging ito na puno ng Banal na Kasulatan ay gumagabay sa mambabasa sa isang kasanayan sa pag-aangat ng Pangalan ng Diyos, na nagreresulta sa mas malalim na pag-unawa sa Kanyang sinadyang "tibok ng puso" ng pag-ibig sa Kanyang mga anak.