Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Iesu Mutulu no Anu Soli</div><div class="r">(Mat 28:1-10; Mak 16:1-8; Ioa 20:1-10)</div><div class="p"> 1Voxo Tavuna mukalu, xe ili'i no anu voxo vile no kakau manina, la ta sema mino'u lamalasile ane ane'i milalaxiinu ne sou milaixu no lulu. 2Ane'i milai la mimaisou lavo'o e mipipalou sou mutaluxu lulu anaxu ne, mipipalou mo muxexee. 3Ia ane'i mi'una sou lexe imaisou Tila Iesu vasimolu, la uai la uasi. 4Ane'i mitutulu tane'i lili, io alaxu vilesisi, la ta mitema tamei tokolomoxa'a keakea loxo lele'e lamixu ne, ilou mixali mitulu no pa'ume'a. 5La ta sema ne, mi'ume la mitangatulu mulai no lia. Ia ta mitema tamei ne mivikalane'i aloxo 'o, &#8220;Tava'u loxovaa, la sou ngingi ngakakamulinu itema ane mumauli ne no tualasi'a ta mitema ane misoisoli 'o? 6#Luk 9:22Anu uxolu 'o la uasi. Anu mumauli ne! Ngingi ngaxavutalanu vaivaikala ane Anu muvikalangengixu no mine uao ngingi ngongi'a ngexolu ne Xalilaia sio. 7Anu muvikalangengi lexe Itema 'Olu ne, i'italonu ulai no avo'a ta mitema sou 'ili'ilixo masumasua sou ililixu no ovu valautu mo ivau usoli, xe voxo tatalusou, la Anu umauli la.&#8221; 8Ane'i ta mitema tamei ne, mivikalane'i aloxo ne, la sou ane'i mixavutalanu vaikala noxou Iesu.</div><div class="p"> 9No mine ane'i me'a no lulu milivu milai, la mia'aloxu mimii ane ane'i mimaisou ne noxi'a ane'i mavulovexa mo mulu'e no lia vile ilo'a ta mitema ane ilo'a mixolu ne. 10Ta sema ane mia'aloxu mimii ane ne noxi'a ta mitema sou xaixai noxou Iesu ne, ualaualasi'a aloxo. Vile noxi'a ualasie lexe Malia sie Maxatale xe vile ualasie lexe Ioana xe vile ualasie lexe Malia ane Iakovo nenu mo ta sema mose'i la. 11Ta sema mia'aloi'a aloxo ne, ia ane'i imuxamuxaxu tane'i no anu vaikalai'a ne uasi, xo vaikalai'a ne mutama mii vitanisi. 12Xe Pita muavuti, la muiave mulai no lulu. Xe muxali, la mulanga sou muia'ili mu'unasi, la mumaisou lavalava keakea ne muxexe muta'olu vitanisi. La sou anu mulivu mulai, ia muxavutala piena no anu mii ane muxali ne.</div><div class="s">Iesu Ilo'a ta Mitema Tamei Mivivikala no Vote'i Ulai ne Emausi</div><div class="r">(Mak 16:12-13)</div><div class="p"> 13Xe no voxo ane nesi, la ta molomolo tamei noxou Iesu ilou milutu ne Ielusalemu sou lexe ilai no tuala vile ilemo lexe Emausi. Tuala tila ne Ielusalemu xe tuala ne Emausi ne, lovaxa'a ilou loxo Kilo Mita mavulovexa mo mulu'e no lia vile. 14Ane'i ilou mimuamua'i milai, la ilou mivivikalasou mimii tavu'alo e muxali noxou Iesu. 15Ilou mivivikala aloxo ne, la Iesu mune'e 'alai noxi'a ilou sou ilo'a mimuamua'i mikei. 16Ia ane'i ilou imomomo sou itongonu lexe anu Iesu ane uasi, xo mii vile mutaluxa'a.</div><div class="p"> 17La Anu mutali'isi'a aloxo 'o, &#8220;Ngingi ngongou ngamuamua'i 'o, la ngavaaveisou mii ma'ia ne?&#8221;</div><div class="p">Anu mutali'isi'a aloxo ne, la ane'i ilou mitulusi mole ie'i mupalulu. 18Xe vile noxi'a ilou ualasou lexe Kileopa muavuti, la mutali'isou aloxo 'o, &#8220;Nini vile noxi'a ta mitema tavu'alo mine'e mipita ne Ielusalemu, ia loxovaa la sou ninisisi nalavusou mimii ane muxali malao ne Ielusalemu ne uasi?&#8221;</div><div class="p"> 19La Iesu mukoline'i lexe, &#8220;Mii ma'ia ane muxali ne Ielusalemu ne?&#8221; La ane'i mikolinu aloxo 'o, &#8220;Nexi tevaaveisou mimii e muxali noxou Iesu sie Nasaleti. Anu itema sou palomatana mo mii ma'ia ane Anu muvikala mo mu'oxonu ne, xaviinu misevile no iou Lataua mo noxi'a ta mitema kalumo. 20Ia ta tatilasi'a ta aili'i ilo'a ta tatilasinge ne, mi'italonu no avolu Pilato sou misakii vaikalasou la mivau mo mililixu no ovu valautu. 21#Luk 19:11; Apo 1:6Ia nexi temolo tanexi lexe Anu itema ane ne sou ululusixe no anu sakisaki noxi'a ta Romu. La ane'i mililixu no ovu valautu mo mivau musoli. Mo voxo tatalusou ane vaimomo 'o. 22La ta sema se'i noxixe mi'oxonexi tekuluke. Xo no mine kakau manina 'o, la ane'i milai no lulu, 23ia imaisou Iesu vasimolu uasi. La sou ane'i milivu mine'e la mivikalanexi lexe ane'i mimaisi'a ta angelo mo ta angelo mivikalane'i lexe anu mutulu no anu soli. 24#Ioa 20:3-10Xe ane'i mose'i noxixe kalumo milai no lulu, la mimaisou mimii iouvilesisi aloxo ta sema milemolu ne, ia ixalisou Iesu vasimolu uasi.&#8221;</div><div class="p"> 25Xe Iesu muavuti, la muvikalane'i ilou aloxo 'o, &#8220;Ngingi ngongou ne, ta mitema sou xovulaulau! Mo kalumo ngingi kisinge lamana sou ngamuxaxu tangengi no anu vaivaikala noxi'a ta mitema sou palomatana uasi! 26#Luk 9:22Aloxo ne, la loxovaa la sou ngingi ngalavusou lexe Kalisito ne utavule tu'utu'umaxu tei, ka io sou u'unalai no lamana noxou Lataua no opo loxotolo uasi?&#8221; 27#Lex 22:1-21; Ais 53Xe Anu muavuti, la muvikalane'i ilou sou mululusou vaivaikala laaxu e Lavuku Tavuna mukalusi loxo usoko no anu lavuku noxou Mosesi mo noxi'a ta mitema sou palomatana mikaukavunusou anu Iesu.</div><div class="p"> 28Xe ane'i ilo'a mimuamua'i milai mixali 'alai no tuala ane lexe ane'i ilou ilai no anu ne, la Iesu mumaxa'u lexe Anu uluale sou ulai avile. 29La sou ane'i ilou mitalosou lexe, &#8220;Nenge'a taxolu xo aso mulu'elai mo anu asou 'olovoxo.&#8221; La sou Anu mu'una sou ilo'a mixolu no nano no tani ne.</div><div class="p"> 30Xe ili'i, la ane'i ilo'a mixolu no luusou la'ilali sou lexe ilo'a i'ani. La Iesu muno'u veleti vile sou muvikala laixe no anu mulai noxou Lataua, ka muse'ise'inu sou mulosi'a ilou. 31Anu mu'oxonu aloxo ne, la mii e mutaluxu ie'i ilou ne, muxexe mo mitongonu lexe Anu Iesu. Ia alaxu vilesisi 'o, la Anu tasi'uxu mo ane'i ilou imaisou la uasi. 32La sou ane'i ilou mivivikalane'i ngato'o aloxo 'o, &#8220;No mine nenge nenge'a temuamua'i no vote'i, io Anu muvivikalanenge sou mululusou vaikala laaxu e muxolu no anu Lavuku Tavuna teinu ne, la nenge nengei texamuli lexe oponenge mu'osa manina.&#8221;</div><div class="p"> 33Ane'i mivikala aloxo ne mukalu, la alaxu vilesisi 'o, la ilou miavuti sou mitulu milivu ne Ielusalemu. Mixali, la mixalisi'a ane'i mavulovexa mo mulu'e no lia vile ilo'a ta menexi'a a ipipita ixoxolu. 34#1Ko 15:4-5La ane'i mivikalane'i aloxo 'o, &#8220;Manina musuku lexe Tilasinge ne, mutulu no anu soli ne mo Anu mupala'a noxou Saimoni!&#8221; 35La sou ilou mia'aloi'a no anu mimii ane muxali noxi'a ilou no vote'i, mo mia'aloi'a kalumo lexe no mine Iesu muse'inu veleti ka mulosi'a ilou, la ane'i ilou mitongonu lexe Anu Iesusi Anu anesi.</div><div class="s">Iesu Mupala'a Noxi'a ta Molomolo Noxou</div><div class="r">(Mat 28:16-20; Mak 16:14-18; Ioa 20:19-23; Apo 1:6-8)</div><div class="p"> 36Ta molomolo noxou uao ia'aloi'a ngatongato'o, io Iesu molu muxali mutulu no taiine'i sou muvikalane'i aloxo 'o, &#8220;Opo se'isisi noxou Lataua uxolu noxinge.&#8221;</div><div class="p"> 37 # Mat 14:26 La ane'i mikuluke mo mi'ume, xo mixavutala lexe ane'i mimaisou ulee xale'a ane. 38Ia Anu mutali'isi'a aloxo 'o, &#8220;Tava'u loxovaa, la sou ngingi ngekuluke mo ngexavutala piena? 39Ngamaisou avolo ilou tava'ilo mo ngakasilo. Xo enisi ano 'o mo xiasileli ilou xileli a uxolu 'o. Ia ulee xale'a vile ne, vasimolu loxo eni e ngingi ngamaisilo 'o uasi.&#8221;</div><div class="p"> 40Anu muvikalane'i aloxo ne mukalu, la sou mumaxa'u avolu ilou tava'u noxi'a. 41La ane'i mi'osa mo mikuluke manina musuku, ia imomomo sou imuxamuxaxu tane'i noxou manina uasi. La anu Iesu mutali'isi'a aloxo 'o, &#8220;Ngingi ngenge la'ilali se'i 'a uai ne?&#8221; 42La sou ane'i milosou sinana pa'usou vile e mixutuxu sou lexe Anu u'ou. 43La Anu muno'u sou mu'ou no ie'i.</div><div class="p"> 44 # Luk 9:22 Mu'ou mukalu, la muvikalane'i la aloxo 'o, &#8220;No voxo ane uao nenge nenge'a texoxolu 'o, la eni evikalangengi aloxo 'o. Mimii mukalusi e mikaukavunusilo no anu Lavuku noxou Mosesi mo noxi'a ta mitema sou palomatana xe no anu Lavuku sou Lexe ne, uxali manina.&#8221;</div><div class="p"> 45Mo Anu mulamanalixu xavutalai'a sou ilavusou vaivaikala muxolu no anu Lavuku Tavuna. 46La Anu muvikalane'i la aloxo 'o, &#8220;Vaivaikala ane muxolu no anu Lavuku Tavuna teinu ne muvikala aloxo 'o. Kalisito ne, Anu utavule tu'utu'umaxu xe voxo tatalusou, la Anu utulu no anu soli, 47sou lexe ane'i ane ixiu opone'i mo ipala'anixu 'ili'ilixo masumasua noxi'a noxou Lataua mo imuxaxu tane'i noxilo, la anu Lataua uxiu tumalouu 'ili'ilixo masumasua noxi'a. La sou ane'i isoko ia'aloxu a'alo ane ne ne Ielusalemu tei, ka sou ia'aloxu ulai noxi'a ta mitema no xalexalee tuatuala ukalusi. 48#Ioa 15:27; Apo 1:8Ngingi ngemaisou mimii ane muxali no iengi, la sou ngingi ngaa'aloxu a'alo ane ne. 49#Ioa 14:16; 15:26; Apo 1:4Ioxe, ili'i la eni alosinge mii ane Mamilo musakiinu vaikala sou lexe Anu ulosinge. Ia ngingi ngaxolu mo ngaxomaiou mii ane ne no tuala tila 'o, ulai utalo no anu voxo ane Lataua ulosinge xavi ane molu teitexi.&#8221;</div><div class="s">Lataua Mulivunoxu Iesu Mulai no Opo Loxotolo</div><div class="r">(Mak 16:19-20; Apo 1:9-11)</div><div class="p"> 50Iesu muvikalane'i aloxo ne mukalu, la Anu muno'a sou ilo'a milai ne Vetania la Anu mutolosou avolu mulai teitexi sou mualusi'a. 51Anu uao ualusi'a sio, la Lataua muno'u Iesu sou mu'umesi'a mulai teiteixi no opo loxotolo. 52La ane'i mixola'u tava'a sou milotu mulai noxou. Mukalu, la ane'i mi'osa manina sou milivu milai ne Ielusalemu. 53Xe ili'i, la ane'i ixoxolu no nano no taasou lalotu tatila noxou Lataua ne, sou i'iti'itinu Lataua ualasou utotomu.</div>
 </div>
 </div>
</div>

Voxo Tavuna mukalu, xe ili'i no anu voxo vile no kakau manina, la ta sema mino'u lamalasile ane ane'i milalaxiinu ne sou milaixu no lulu. Ane'i milai la mimaisou lavo'o e mipipalou sou mutaluxu lulu anaxu ne, mipipalou mo muxexee. Ia ane'i mi'una sou lexe imaisou Tila Iesu vasimolu, la uai la uasi. Ane'i mitutulu tane'i lili, io alaxu vilesisi, la ta mitema tamei tokolomoxa'a keakea loxo lele'e lamixu ne, ilou mixali mitulu no pa'ume'a. La ta sema ne, mi'ume la mitangatulu mulai no lia. Ia ta mitema tamei ne mivikalane'i aloxo 'o, “Tava'u loxovaa, la sou ngingi ngakakamulinu itema ane mumauli ne no tualasi'a ta mitema ane misoisoli 'o? Anu uxolu 'o la uasi. Anu mumauli ne! Ngingi ngaxavutalanu vaivaikala ane Anu muvikalangengixu no mine uao ngingi ngongi'a ngexolu ne Xalilaia sio. Anu muvikalangengi lexe Itema 'Olu ne, i'italonu ulai no avo'a ta mitema sou 'ili'ilixo masumasua sou ililixu no ovu valautu mo ivau usoli, xe voxo tatalusou, la Anu umauli la.” Ane'i ta mitema tamei ne, mivikalane'i aloxo ne, la sou ane'i mixavutalanu vaikala noxou Iesu.
No mine ane'i me'a no lulu milivu milai, la mia'aloxu mimii ane ane'i mimaisou ne noxi'a ane'i mavulovexa mo mulu'e no lia vile ilo'a ta mitema ane ilo'a mixolu ne. Ta sema ane mia'aloxu mimii ane ne noxi'a ta mitema sou xaixai noxou Iesu ne, ualaualasi'a aloxo. Vile noxi'a ualasie lexe Malia sie Maxatale xe vile ualasie lexe Ioana xe vile ualasie lexe Malia ane Iakovo nenu mo ta sema mose'i la. Ta sema mia'aloi'a aloxo ne, ia ane'i imuxamuxaxu tane'i no anu vaikalai'a ne uasi, xo vaikalai'a ne mutama mii vitanisi. Xe Pita muavuti, la muiave mulai no lulu. Xe muxali, la mulanga sou muia'ili mu'unasi, la mumaisou lavalava keakea ne muxexe muta'olu vitanisi. La sou anu mulivu mulai, ia muxavutala piena no anu mii ane muxali ne.


Xe no voxo ane nesi, la ta molomolo tamei noxou Iesu ilou milutu ne Ielusalemu sou lexe ilai no tuala vile ilemo lexe Emausi. Tuala tila ne Ielusalemu xe tuala ne Emausi ne, lovaxa'a ilou loxo Kilo Mita mavulovexa mo mulu'e no lia vile. Ane'i ilou mimuamua'i milai, la ilou mivivikalasou mimii tavu'alo e muxali noxou Iesu. Ilou mivivikala aloxo ne, la Iesu mune'e 'alai noxi'a ilou sou ilo'a mimuamua'i mikei. Ia ane'i ilou imomomo sou itongonu lexe anu Iesu ane uasi, xo mii vile mutaluxa'a.
La Anu mutali'isi'a aloxo 'o, “Ngingi ngongou ngamuamua'i 'o, la ngavaaveisou mii ma'ia ne?”
Anu mutali'isi'a aloxo ne, la ane'i ilou mitulusi mole ie'i mupalulu. Xe vile noxi'a ilou ualasou lexe Kileopa muavuti, la mutali'isou aloxo 'o, “Nini vile noxi'a ta mitema tavu'alo mine'e mipita ne Ielusalemu, ia loxovaa la sou ninisisi nalavusou mimii ane muxali malao ne Ielusalemu ne uasi?”
La Iesu mukoline'i lexe, “Mii ma'ia ane muxali ne Ielusalemu ne?” La ane'i mikolinu aloxo 'o, “Nexi tevaaveisou mimii e muxali noxou Iesu sie Nasaleti. Anu itema sou palomatana mo mii ma'ia ane Anu muvikala mo mu'oxonu ne, xaviinu misevile no iou Lataua mo noxi'a ta mitema kalumo. Ia ta tatilasi'a ta aili'i ilo'a ta tatilasinge ne, mi'italonu no avolu Pilato sou misakii vaikalasou la mivau mo mililixu no ovu valautu. Ia nexi temolo tanexi lexe Anu itema ane ne sou ululusixe no anu sakisaki noxi'a ta Romu. La ane'i mililixu no ovu valautu mo mivau musoli. Mo voxo tatalusou ane vaimomo 'o. La ta sema se'i noxixe mi'oxonexi tekuluke. Xo no mine kakau manina 'o, la ane'i milai no lulu, ia imaisou Iesu vasimolu uasi. La sou ane'i milivu mine'e la mivikalanexi lexe ane'i mimaisi'a ta angelo mo ta angelo mivikalane'i lexe anu mutulu no anu soli. Xe ane'i mose'i noxixe kalumo milai no lulu, la mimaisou mimii iouvilesisi aloxo ta sema milemolu ne, ia ixalisou Iesu vasimolu uasi.”
Xe Iesu muavuti, la muvikalane'i ilou aloxo 'o, “Ngingi ngongou ne, ta mitema sou xovulaulau! Mo kalumo ngingi kisinge lamana sou ngamuxaxu tangengi no anu vaivaikala noxi'a ta mitema sou palomatana uasi! Aloxo ne, la loxovaa la sou ngingi ngalavusou lexe Kalisito ne utavule tu'utu'umaxu tei, ka io sou u'unalai no lamana noxou Lataua no opo loxotolo uasi?” Xe Anu muavuti, la muvikalane'i ilou sou mululusou vaivaikala laaxu e Lavuku Tavuna mukalusi loxo usoko no anu lavuku noxou Mosesi mo noxi'a ta mitema sou palomatana mikaukavunusou anu Iesu.
Xe ane'i ilo'a mimuamua'i milai mixali 'alai no tuala ane lexe ane'i ilou ilai no anu ne, la Iesu mumaxa'u lexe Anu uluale sou ulai avile. La sou ane'i ilou mitalosou lexe, “Nenge'a taxolu xo aso mulu'elai mo anu asou 'olovoxo.” La sou Anu mu'una sou ilo'a mixolu no nano no tani ne.
Xe ili'i, la ane'i ilo'a mixolu no luusou la'ilali sou lexe ilo'a i'ani. La Iesu muno'u veleti vile sou muvikala laixe no anu mulai noxou Lataua, ka muse'ise'inu sou mulosi'a ilou. Anu mu'oxonu aloxo ne, la mii e mutaluxu ie'i ilou ne, muxexe mo mitongonu lexe Anu Iesu. Ia alaxu vilesisi 'o, la Anu tasi'uxu mo ane'i ilou imaisou la uasi. La sou ane'i ilou mivivikalane'i ngato'o aloxo 'o, “No mine nenge nenge'a temuamua'i no vote'i, io Anu muvivikalanenge sou mululusou vaikala laaxu e muxolu no anu Lavuku Tavuna teinu ne, la nenge nengei texamuli lexe oponenge mu'osa manina.”
Ane'i mivikala aloxo ne mukalu, la alaxu vilesisi 'o, la ilou miavuti sou mitulu milivu ne Ielusalemu. Mixali, la mixalisi'a ane'i mavulovexa mo mulu'e no lia vile ilo'a ta menexi'a a ipipita ixoxolu. La ane'i mivikalane'i aloxo 'o, “Manina musuku lexe Tilasinge ne, mutulu no anu soli ne mo Anu mupala'a noxou Saimoni!” La sou ilou mia'aloi'a no anu mimii ane muxali noxi'a ilou no vote'i, mo mia'aloi'a kalumo lexe no mine Iesu muse'inu veleti ka mulosi'a ilou, la ane'i ilou mitongonu lexe Anu Iesusi Anu anesi.


Ta molomolo noxou uao ia'aloi'a ngatongato'o, io Iesu molu muxali mutulu no taiine'i sou muvikalane'i aloxo 'o, “Opo se'isisi noxou Lataua uxolu noxinge.”
La ane'i mikuluke mo mi'ume, xo mixavutala lexe ane'i mimaisou ulee xale'a ane. Ia Anu mutali'isi'a aloxo 'o, “Tava'u loxovaa, la sou ngingi ngekuluke mo ngexavutala piena? Ngamaisou avolo ilou tava'ilo mo ngakasilo. Xo enisi ano 'o mo xiasileli ilou xileli a uxolu 'o. Ia ulee xale'a vile ne, vasimolu loxo eni e ngingi ngamaisilo 'o uasi.”
Anu muvikalane'i aloxo ne mukalu, la sou mumaxa'u avolu ilou tava'u noxi'a. La ane'i mi'osa mo mikuluke manina musuku, ia imomomo sou imuxamuxaxu tane'i noxou manina uasi. La anu Iesu mutali'isi'a aloxo 'o, “Ngingi ngenge la'ilali se'i 'a uai ne?” La sou ane'i milosou sinana pa'usou vile e mixutuxu sou lexe Anu u'ou. La Anu muno'u sou mu'ou no ie'i.
Mu'ou mukalu, la muvikalane'i la aloxo 'o, “No voxo ane uao nenge nenge'a texoxolu 'o, la eni evikalangengi aloxo 'o. Mimii mukalusi e mikaukavunusilo no anu Lavuku noxou Mosesi mo noxi'a ta mitema sou palomatana xe no anu Lavuku sou Lexe ne, uxali manina.”
Mo Anu mulamanalixu xavutalai'a sou ilavusou vaivaikala muxolu no anu Lavuku Tavuna. La Anu muvikalane'i la aloxo 'o, “Vaivaikala ane muxolu no anu Lavuku Tavuna teinu ne muvikala aloxo 'o. Kalisito ne, Anu utavule tu'utu'umaxu xe voxo tatalusou, la Anu utulu no anu soli, sou lexe ane'i ane ixiu opone'i mo ipala'anixu 'ili'ilixo masumasua noxi'a noxou Lataua mo imuxaxu tane'i noxilo, la anu Lataua uxiu tumalouu 'ili'ilixo masumasua noxi'a. La sou ane'i isoko ia'aloxu a'alo ane ne ne Ielusalemu tei, ka sou ia'aloxu ulai noxi'a ta mitema no xalexalee tuatuala ukalusi. Ngingi ngemaisou mimii ane muxali no iengi, la sou ngingi ngaa'aloxu a'alo ane ne. Ioxe, ili'i la eni alosinge mii ane Mamilo musakiinu vaikala sou lexe Anu ulosinge. Ia ngingi ngaxolu mo ngaxomaiou mii ane ne no tuala tila 'o, ulai utalo no anu voxo ane Lataua ulosinge xavi ane molu teitexi.”


Iesu muvikalane'i aloxo ne mukalu, la Anu muno'a sou ilo'a milai ne Vetania la Anu mutolosou avolu mulai teitexi sou mualusi'a. Anu uao ualusi'a sio, la Lataua muno'u Iesu sou mu'umesi'a mulai teiteixi no opo loxotolo. La ane'i mixola'u tava'a sou milotu mulai noxou. Mukalu, la ane'i mi'osa manina sou milivu milai ne Ielusalemu. Xe ili'i, la ane'i ixoxolu no nano no taasou lalotu tatila noxou Lataua ne, sou i'iti'itinu Lataua ualasou utotomu.

Makinig sa Luka 24