Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkACT">
 <div class="chapter ch3" data-usfm="ACT.3">
 <div class="label">3</div><div class="s">A t&#246;a katuun a mou omi e niga pouts</div><div class="p"> 1Turu t&#246;a u lan e Pita mere Jon i la uu tara Luman Lotu Pan tara pal 3 kilok tara lahi, a p&#246;atan singo. 2Ba t&#246;a katuun a mou omi te s&#246;ata hatasue ria tara tamana ti ng&#246;ei &#8220;A Tamana a Niga.&#8221; E tsinanen e mar posa noahas menaien teka. Turu mamana u lan nonei i s&#246;ata nit&#246;a menai tara tamana teka, tega singo be me naien a peisanen ta tsi moni turu katuun ti tasuia tara Luman Lotu Pan. 3Tara p&#246;ata te tareien ere Pita mere Jon ti katsin tasu uaien, ba nonei e singoe iena ta tsi moni i taren. 4Ba nori e tara t&#246;toso uaier i tanen be Pita e poeiena, &#8220;Tara uama i tamulam!&#8221; 5Ba nonei e tara uana i taren me hakats nena tega lu menaien ta ka i taren.</div><div class="p"> 6Be Pita e poeiena i tanen, &#8220;Alia u m&#246;a ta moni, kaba lia e hale goil&#246; a ka te ka megu lia. Tara solona e Iesu Kristo na i Nasaret, alia e ranga megou l&#246;, al&#246; go tataala!&#8221; 7Be Pita e lueiena a pal matou i tanen tega hatakei menien, ba man pitpitana u mou na man pagpagotona man mounen e tagala poutsur. 8Ba nonei e kurapa seina me tuoluna me tanian tataalana! Ba nonei e tasu gono merena ere Pita mere Jon i Luman Lotu Pan, me kurapa lalana me soloseiena e Sunahan turu ranga i tanen! 9U katuun hoboto i tara te tataala uaien ba nori e soloseir e Sunahan. 10Ba nori e t&#246;an tara marei taler nonei lasi a katuun te roron singo ta moni te gumien tara Tamana a Niga. Nori i asingoto koruni a ka te butuia tara katuun teka.</div><div class="s">Pita e rarareia iahana Luman Lotu Pan</div><div class="p"> 11U katuun hoboto i asingoto koru me piata uaier i taren, tara makum ti ng&#246;ei a &#8220;Luman Oho tere Solomon&#8221; i rehina Luman Lotu Pan. Na nonei a katuun teka e pile noahas ia tere Pita mere Jon. 12Be Pita e tara ranen me poeiena i taren, &#8220;Alimiou u katunura i Israel e asingoto koru namiou a ka teka bate tara t&#246;toso uamuma i tamulam? Kaba a katuun teka ema niga mela lei a nitagala peisa i tamulam tsi a markato a niga i tamulam bate tataalana. E m&#246;a. 13A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti pak&#246;eien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat. 14Nonei a katuun a matsk&#246; na niga koru, kaba limiou u tori tsuga namen. Alimiou u singo tsipon nemi e Pailat ega hapurese berami limiou a katuun a hihipuli. 15Alimiou u atung hamateiam a Mouna a Nit&#246;at&#246;a. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen. 16A markato te hamana mena milam e Iesu na te haniga mena milam a solonen, nonei a markato te hatagala poutse lala a katuun teka te tare milimiou na te atei sile milimiou. E Iesu te habuti a nihamana i tamulam, na nihamana teka te kato haniga poutse lala a katuun teka i matamilimiou hoboto.</div><div class="p"> 17&#8220;A man hahatoulana, alia e atei silegu a ka omi teka u kato memi limiou na pal kapan has i tamilimiou a nitutu. 18Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka. 19Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou. 20Te markato uamou limiou teka, ba Tsunono te habute nou a nitagala a tsimus i tamilimiou, ba nonei te hala pouts has mena namei romana e Iesu i tamilimiou, nonei e Mesaia te hop&#246; kap mam beraien limiou. 21Nonei ega ka buia i Kol&#246; e antunana te butu nama romana a p&#246;ata te kato hatsimuse noa e Sunahan a man ka hoboto, temar ranga sila uaia e Sunahan turu propet u matsk&#246; i tanen i manasa. 22E Mosis e pei, &#8216;E Sunahan a Tsunono i tamilimiou e habute nou romana a t&#246;a propet turu toulamilimiou i murimuri bate taguhu ranou limiou, kato has uana te markato has meien lia. Alimiou go hengoeiam a mamanaka te ranga mera neien limiou. 23Ere si u katuun tema hengoe roi a ka te ranga nanou a propet teka, e lu kata raroua turu katuun tere Sunahan ba nori tena taia riou.&#8217;</div><div class="p"> 24&#8220;E Samuel na u palair u propet has ti butu hamurimurima i tanen, nori hoboto i rangein a p&#246;ata te kana i romana. 25Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, &#8216;Alia e kalala sila ragoua a man hun katuun hobotora i puta tara pala i tam&#246;l&#246;.&#8217; 26Be Sunahan e hop&#246; kap nena a katunun kui i tanen e Iesu, me hala mam mena meien i tamilimiou tega kalala meraien limiou. Nonei e ngilin habirits ba ranei limiou a man markato a man omi i tamilimiou.&#8221;</div>
 </div>
 </div>
</div>

Turu töa u lan e Pita mere Jon i la uu tara Luman Lotu Pan tara pal 3 kilok tara lahi, a pöatan singo. Ba töa katuun a mou omi te söata hatasue ria tara tamana ti ngöei “A Tamana a Niga.” E tsinanen e mar posa noahas menaien teka. Turu mamana u lan nonei i söata nitöa menai tara tamana teka, tega singo be me naien a peisanen ta tsi moni turu katuun ti tasuia tara Luman Lotu Pan. Tara pöata te tareien ere Pita mere Jon ti katsin tasu uaien, ba nonei e singoe iena ta tsi moni i taren. Ba nori e tara tötoso uaier i tanen be Pita e poeiena, “Tara uama i tamulam!” Ba nonei e tara uana i taren me hakats nena tega lu menaien ta ka i taren.
Be Pita e poeiena i tanen, “Alia u möa ta moni, kaba lia e hale goilö a ka te ka megu lia. Tara solona e Iesu Kristo na i Nasaret, alia e ranga megou lö, alö go tataala!” Be Pita e lueiena a pal matou i tanen tega hatakei menien, ba man pitpitana u mou na man pagpagotona man mounen e tagala poutsur. Ba nonei e kurapa seina me tuoluna me tanian tataalana! Ba nonei e tasu gono merena ere Pita mere Jon i Luman Lotu Pan, me kurapa lalana me soloseiena e Sunahan turu ranga i tanen! U katuun hoboto i tara te tataala uaien ba nori e soloseir e Sunahan. Ba nori e töan tara marei taler nonei lasi a katuun te roron singo ta moni te gumien tara Tamana a Niga. Nori i asingoto koruni a ka te butuia tara katuun teka.

U katuun hoboto i asingoto koru me piata uaier i taren, tara makum ti ngöei a “Luman Oho tere Solomon” i rehina Luman Lotu Pan. Na nonei a katuun teka e pile noahas ia tere Pita mere Jon. Be Pita e tara ranen me poeiena i taren, “Alimiou u katunura i Israel e asingoto koru namiou a ka teka bate tara tötoso uamuma i tamulam? Kaba a katuun teka ema niga mela lei a nitagala peisa i tamulam tsi a markato a niga i tamulam bate tataalana. E möa. A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat. Nonei a katuun a matskö na niga koru, kaba limiou u tori tsuga namen. Alimiou u singo tsipon nemi e Pailat ega hapurese berami limiou a katuun a hihipuli. Alimiou u atung hamateiam a Mouna a Nitöatöa. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen. A markato te hamana mena milam e Iesu na te haniga mena milam a solonen, nonei a markato te hatagala poutse lala a katuun teka te tare milimiou na te atei sile milimiou. E Iesu te habuti a nihamana i tamulam, na nihamana teka te kato haniga poutse lala a katuun teka i matamilimiou hoboto.
“A man hahatoulana, alia e atei silegu a ka omi teka u kato memi limiou na pal kapan has i tamilimiou a nitutu. Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka. Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou. Te markato uamou limiou teka, ba Tsunono te habute nou a nitagala a tsimus i tamilimiou, ba nonei te hala pouts has mena namei romana e Iesu i tamilimiou, nonei e Mesaia te hopö kap mam beraien limiou. Nonei ega ka buia i Kolö e antunana te butu nama romana a pöata te kato hatsimuse noa e Sunahan a man ka hoboto, temar ranga sila uaia e Sunahan turu propet u matskö i tanen i manasa. E Mosis e pei, ‘E Sunahan a Tsunono i tamilimiou e habute nou romana a töa propet turu toulamilimiou i murimuri bate taguhu ranou limiou, kato has uana te markato has meien lia. Alimiou go hengoeiam a mamanaka te ranga mera neien limiou. Ere si u katuun tema hengoe roi a ka te ranga nanou a propet teka, e lu kata raroua turu katuun tere Sunahan ba nori tena taia riou.’
“E Samuel na u palair u propet has ti butu hamurimurima i tanen, nori hoboto i rangein a pöata te kana i romana. Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, ‘Alia e kalala sila ragoua a man hun katuun hobotora i puta tara pala i tamölö.’ Be Sunahan e hopö kap nena a katunun kui i tanen e Iesu, me hala mam mena meien i tamilimiou tega kalala meraien limiou. Nonei e ngilin habirits ba ranei limiou a man markato a man omi i tamilimiou.”

Makinig sa Aposol 3